بىردە قولى قاتتى ءبىر كىسى بازاردا كەتىپ بارا جاتسا ءبىر تىلەمسەك – ءبىر دەگەنە ايران بەر نەمەسە سوڭى ساتىپ الاتىن اقشا بەر دەپ سوڭىنان قالماي قويادى. «كەت باسقا جاققا» دەسە دە قويمايدى. بۇل شاراسىزدىقتان قالتاسىنان اقشا شىعارىپ جەرگە لاقتىرىپ جىبەرەدى. ول سول كۇنى كەشكە ۇيىنە كەلىپ ۇيىقتاعاندا تۇسىندە جۇماقتى كورەدى. ءوزى جۇماقتا ءجۇر ەكەن دەيدى. كەڭ جازىقتا ۇلكەن اعاش ادەمى بۇلاقتار سىلدىرلاپ اعىپ جاتىر. ءارى بەرى ءجۇرىپ شارشايدى. قارنى اشادى. بىراق اعاش پەن سۋدان باسقا جەيتىن ەشنارسە جوق. ءدال سول كەزدە قارسى الدىنان ءبىر پەرىشتە كەزىگەدى. وعان: – جۇماقتا نەشە ءتۇرلى ءتاتتى تاعامنىڭ ءبارى بار دەيتىنى قانە؟ اشتان ولەيىن دەپ جاتىرمىن، – دەيدى. پەرىشتە: – ءيا، راس ايتاسىڭ بۇگىن كەشتە ءبىر مۇساپىرگە ءبىر تاباق قاتىق بەرىپ ەدىڭ؟ سوڭى ساعان اكەلەيىن، – دەپ الدىنا ءبىر تاباق ايران الىپ كەلەدى. بۇنىڭ نانى قايدا؟ دەپ سۇرايدى. نانىڭ بەرگەن جوقسىن، – دەگەن جاۋاپ ەستيدى. سودان: ە ە، بۇل دۇنيەدە نە جىبەرسەڭ سوڭى قيامەتتە تابادى ەكەنسىڭ عوي، –دەپ ويلاپتى.

اللا تاعالا ادام بالاسىن بۇل دۇنيەگە سىناق ءۇشىن جىبەرگەنى بەلگىلى. سول ءۇشىن باي بايلىعىنان، مالىنان زەكەت بەرۋ ارقىلى جۇرەگىنە ساراڭدىق سياقتى جامان قاسيەتتەردى ورىندىقتىرماي، قولى اشىق جۇرەگى جومارت سياقتى جاقسى قاسيەتتەردى ورىندىقتىرۋى كەرەك. بايلاردا كەدەيلەردىڭ قاقىسى بار. ەگەر زەكەت سياقتى اللانىڭ پارىز ەتكەن امالدارىن ورىنداماسا كەدەيدىڭ مالىنا قيانات جاساعان بولادى. ءسۇيتىپ اللا تاعالا ادامدارعا ءبىر-بىرىنە قول-ۇشىن بەرىپ، كومەكتەسۋگە ساراڭدىق اتاۋلىدان تىيىپ، مۇسىلمانداردى جومارت بولۋعا شاقىرادى. اللا تاعالا قۇران كارىمدە: «نەگىزى، سەندەر اللا جولىندا مال جۇمساۋعا شاقىرىلۋداسىڭدار. الايدا، ارالارىندا ساراڭدار بار. كىمدە-كىم ساراڭدىق جاساسا، وزىنە ساراڭدىق جاساعانى. ويتكەنى، اللا باي، سەندەر كەدەيسىڭدەر. ەگەر اللادان تەرىس اينالساڭدار سەندەردىڭ ورىندارىڭا باسقا قاۋىم اكەلەدى. ولار سەندەر سەكىلدى بولمايدى» («مۇحاممەد» سۇرەسى، 38-ايات) دەيدى. اللا ءبىزدىڭ بەرگەندەرىمىزگە مۇقتاج ەمەس، اللا رازىلىعى ءۇشىن مالىمىزدان زەكەت، ساداقا بەرمەسەك، ول ءوزىمىزدىڭ ساراڭدىعىمىز. تاعى ءبىر اياتتا:«اللانىڭ كەڭشىلىگىنەن وزدەرىنە بەرىلگەن نارسەلەرىندە ساراڭدىق ەتكەندەر، بۇنى وزدەرى ءۇشىن قايىرلى دەپ ويلاماسىن. جوق، بۇل ولارعا جاماندىق اكەلەدى. ساراڭدىق ەتكەن نارسەلەرى قيامەت كۇنى ولاردىڭ مويىنا ورالادى. كوكتەر مەن جەردىڭ مۇراسى اللاتىكى. اللا تاعالا سەندەردىڭ ىستەگەندەرىڭنەن تولىق حاباردار»(«ءالي-يمران» سۇرەسى، 180-ايات), دەلىنگەن.

نۇرسۇلتان قالدارحانۇلى

mazhab.kz