Birde qolı qattı bir kisi bazarda ketip bara jatsa bir tilemsek – bir degene ayran ber nemese soñı satıp alatın aqşa ber dep soñınan qalmay qoyadı. «Ket basqa jaqqa» dese de qoymaydı. Bwl şarasızdıqtan qaltasınan aqşa şığarıp jerge laqtırıp jiberedi. Ol sol küni keşke üyine kelip wyıqtağanda tüsinde jwmaqtı köredi. Özi jwmaqta jür eken deydi. Keñ jazıqta ülken ağaş ädemi bwlaqtar sıldırlap ağıp jatır. Äri beri jürip şarşaydı. Qarnı aşadı. Biraq ağaş pen sudan basqa jeytin eşnärse joq. Däl sol kezde qarsı aldınan bir perişte kezigedi. Oğan: – Jwmaqta neşe türli tätti tağamnıñ bäri bar deytini qane? Aştan öleyin dep jatırmın, – deydi. Perişte: – Iä, ras aytasıñ bügin keşte bir müsäpirge bir tabaq qatıq berip ediñ? Soñı sağan äkeleyin, – dep aldına bir tabaq ayran alıp keledi. Bwnıñ nanı qayda? Dep swraydı. Nanıñ bergen joqsın, – degen jauap estidi. Sodan: E e, Bwl düniede ne jiberseñ soñı qiyamette tabadı ekensiñ ğoy, –dep oylaptı.

Alla Tağala adam balasın bwl düniege sınaq üşin jibergeni belgili. Sol üşin bay baylığınan, malınan zeket beru arqılı jüregine sarañdıq siyaqtı jaman qasietterdi orındıqtırmay, qolı aşıq jüregi jomart siyaqtı jaqsı qasietterdi orındıqtıruı kerek. Baylarda kedeylerdiñ qaqısı bar. Eger zeket siyaqtı Allanıñ parız etken amaldarın orındamasa kedeydiñ malına qiyanat jasağan boladı. Süytip Alla Tağala adamdarğa bir-birine qol-wşın berip, kömektesuge sarañdıq ataulıdan tıyıp, mwsılmandardı jomart boluğa şaqıradı. Alla Tağala Qwran Kärimde: «Negizi, sender Alla jolında mal jwmsauğa şaqırıludasıñdar. Alayda, aralarında sarañdar bar. Kimde-kim sarañdıq jasasa, özine sarañdıq jasağanı. Öytkeni, Alla bay, sender kedeysiñder. Eger Alladan teris aynalsañdar senderdiñ orındarıña basqa qauım äkeledi. Olar sender sekildi bolmaydı» («Mwhammed» süresi, 38-ayat) deydi. Alla bizdiñ bergenderimizge mwqtaj emes, Alla razılığı üşin malımızdan zeket, sadaqa bermesek, ol özimizdiñ sarañdığımız. Tağı bir ayatta:«Allanıñ keñşiliginen özderine berilgen närselerinde sarañdıq etkender, bwnı özderi üşin qayırlı dep oylamasın. Joq, bwl olarğa jamandıq äkeledi. Sarañdıq etken närseleri qiyamet küni olardıñ moyına oraladı. Kökter men jerdiñ mwrası Allatiki. Alla Tağala senderdiñ istegenderiñnen tolıq habardar»(«Äli-Imran» süresi, 180-ayat), delingen.

Nwrswltan QALDARHANWLI

mazhab.kz