Қазақстандағы ерекше жеті мешіт
Қазақстан халқының 70 %-ы ислам дінін ұстанады. Бұл шамамен 11 млн-нан астам тұрғын. Осы орайда islam.kz сайты еліміздегі ерекше жеті мешітті назарларыңызға ұсынады.
![Қазақстандағы ерекше жеті мешіт](https://i.onthe.io/pogudx6rjqo7qem0p.f3e93f5a.jpg)
Ел мұсылмандары үшін қазақ топырағында әр уақытта көптеген мешіттер бой көтерді. Оның алғашқыларының бірі – IX ғасырда Маңғышлақ түбегінің жартасында тұрғызылған «Шақпақ ата» мешіті.
![Қазақстандағы ерекше жеті мешіт](https://i.onthe.io/pogudx6qkb8k6tch6.4fd0f53d.jpg)
Қазіргі уақытта Қазақстанда 2700-ге жуық мешіт бар. Төмендегі тізімде ерекше әрі құрылысы ғажап мешіттер тізбектелген:
1. «Әзірет Сұлтан» мешіті
![Қазақстандағы ерекше жеті мешіт](https://i.onthe.io/pogudx5tiqsrq43i1.f6535255.jpg)
«Әзірет Сұлтан» мешіті – Астанада орналасқан, Қазақстандағы және Орта Азия елдерінің ішінде ең ірі мешіт саналады. Мешіт құрылысы 2010-2012 жыл аралығында үш жылда бой көтерді. Құлшылық үйінің 9 күмбезі, 77 метрлік 4 мұнарасы бар, сыйымдылығы он мың адамға арналған.
2. Семей мешітіөлісті
![Қазақстандағы ерекше жеті мешіт](https://i.onthe.io/pogudx77rhds6d004.b48f218d.jpg)
Семей мешіті – Қазақстандағы ең ескі мешіттердің бірі. Құрылысы 1852 жылы басталған. Кірпішпен көркемделген 14 терезесі мешіттің негізгі көркі болып табылады.
3. Павлодар қаласындағы «Мәшһүр Жүсіп» мешіті
![Қазақстандағы ерекше жеті мешіт](https://i.onthe.io/pogudx7g56qtqbinn.663094ad.jpg)
Павлодар қаласындағы «Мәшһүр Жүсіп» мешіті өзіндік сәулетімен ерекшеленеді. Ғимарат жобасы сегізбұрышты жұлдызды бейнелейді. Алайда, оның ең қызықты тұсы– шаңырақ іспеттес көтерілген күмбезі. Ол ежелгі түркі үйлерінің күмбезін көрсетеді.
4. Қарағанды орталық мешіті
![Қазақстандағы ерекше жеті мешіт](https://i.onthe.io/pogudx3lk3fmi1q0rg.bcc34f2b.jpg)
Қарағанды орталық мешіті – Қазақстандағы үлкен мешіттердің бірі, сыйымдылығы 4 000 адамды қамтиды. Ғимарат дәстүрлі классикалық ислам архитектруасы бойынша тұрғызылған. Орталық үлкен күмбезі және төрт бұрышта мұнаралары бар. Мешіт интерьері қазақ халқының оюларымен көркемделген.
5. Қостанай мешітіі
![Қазақстандағы ерекше жеті мешіт](https://i.onthe.io/pogudx10elge6kssa.aa2efd9c.jpg)
Ең эклектикалық мешіт Қостанай қаласына тиесілі. Ол 1893 жылы салынған. Мешіттің ерекшелігі ғимарат құрылысында ислам архитектурасы мен эклектика элементтерін үйлестірілуінде.
6. Көкшетау қаласындағы «Науан Хазрет» мешіті
![Қазақстандағы ерекше жеті мешіт](https://i.onthe.io/pogudx6gvpa6un5n2.0b148bc6.jpg)
Көкшетау қаласындағы «Науан Хазрет» мешіті – еліміздегі ағаштан тұрғызылған сирек мешіттің бірі. Ғибадатхананың тарихы да ғасырға татиды, 1904 жылы іргетасы қаланған.
7. Қазақстандағы «қытайлық үлгідегі» мешіт
![Қазақстандағы ерекше жеті мешіт](https://i.onthe.io/pogudxosu9rvi43hs.961da13a.jpg)
Қазақстандағы «қытайлық үлгідегі» мешіт Қытаймен шекаралас жатқан Жаркент қаласында орналасқан. Бұл ғажап ғимарат 1895 жылы қытайлық сәулетші Хон Пиктің жобасы негізінде салынған.
Дереккөз: Nur.kz
Пікір қалдыру