MWNDAY BİLİM MINISTRİ BOLSA – WLTQA JAUDIÑ KEREGİ JOQ!!!
kerey.kz
WLTTIQ TESTİLEUDEN WLTTIÑ TİLİ MEN ÄDEBIETİN ALIP TASTAP, ORNINA SAYQIMAZAQTARDI QOSIPTI…
Bizdiñ «Qazaq üni» wlttıq portalında keşe ğana belgili ğalım, filologiya ğılımı doktorı, professor Aygül İsmaqovanıñ joğarı oqu orındarınan qazaq tili men ädebietin alıp tastağanına qarsı «Qazaq tili men ädebietiniñ jazığı ne?» –degen şırıldağan jan ayqayı jariyalanıp edi…
Bügin Abay.kz saytında Ä.Qaydarwlı, Ö.Aytbaev, S. Qirabaev, R.Sızdıqova, Ş.Sarıbaev, M.Qoygeldi sekildi äygili akademikterdiñ , Prem'er-Ministr B.Sağıntaevqa, Memlekettik hatşı G.Äbdihalıqovağa, Prezident äkimşiligi basşısınıñ birinşi orınbasarı M.Täjinge QR Bilim jäne ğılım ministriniñ bwyrığımen joğarı jäne odan keyingi oqu orındarındağı mamandıqtar tiziminen «Qazaq tili», «Qazaq ədebieti», «Qazaq tarihı», «Lingvistika», «Ädebiet tanu», «Türkologiya», «Şığıstanu» siyaqtı eñ qajetti pənder alınıp tastalğanına qarsı narazılıq Aşıq hatı jariyalandı.
Endi jaña ğana «Qazaq üni «portalında jariyalanğan «Wlttıq testileuden QAZAQ TİLİ alınıp tastaldı!!! Onıñ ornın Bayan Esentaeva bastı…» attı KTK arnasınan köşirip basılğan janayqay maqalanı eldiñ bäri jappay qoldap, Bilim ministri Sağadievtiñ ornınan ketuin talap etip jatır.
«Biz Sağadievtiñ reformalarına emes, Elbasınıñ UÄDESİNE senemiz!!!» attı aqın, jurnalist Azamat Tasqarawlınıñ maqalasına da jwrt jwmıla ün qosuda.
Halıqtıñ aşu-ızası şegine jetti! Tanımal sayasattanuşı Rasul Jwmalınıñ Feysbuk paraqşasında «Ministr emes, halıqqa sor bolğan Sağadiev ketsin. Qılmıstıq şeşimderi üşin jauapqa tartılsın. Qoldayıq ağayın!«-degen jazbasın barlığı qoldap jatır.
«Küygende jazuşılardıñ balalarınan, eki Erlannan küydik» -dep bir kezde Idırısov pen Bayjanovtı sınap jazğan edik. Endi mine, üşinşi Erlan – ataqtı akademiktiñ balası Kenjeğaliwlı Sağadiev qosıldı…
Ministr bola salısımen qazaq tiline, wlttıq müddege jan-tänimen qarsı şıqqan Bilim ministri eldi är isimen şoşıtumen keledi. Bizdiñ Qazaqstanda Täuelsizdiktiñ 25 jılı – şirek ğasırda Elbasınıñ tañdağan kadrları Elbası sayasatına – memleket (wlt) müddesine qarsı jwmıs isteui -zañdılıq bolıp qalıptasıp qalğan siyaqtı…
Keyde mağan mınanday, jurnalisterden jan dalbasalap, bwqpantaylap qaşqanda, türlerin adam ayap ketetin ministrlerge-şeneunikterge qarap, bizdiñ bilik Wlttıq müddege qarsılardı konkurs arqılı iriktep aladı-au degen oy keledi…
Ötkende bwl ministrimiz qarasın köbeyteyin dep, qazaq tilin qaqpaytın 20 şaqtı millionerlerdi memlekettik tildegi bilimge aydap saldı. Sol kezde de biz qarsılığımızdı aşıq bildirgenbiz.
«Qazir maymıldar da swlulıq turalı keñes bere bastadı… Qazaqşa bilmeytin biznesmenderdiñ mektepte qazaq tilin şekteu turalı ündeui turalı tek osılay deuge boladı…
Biliktiñ barlıq bwtaqtarına mızğımastay jayğasıp alıp, Qazaq tilin bilmey-aq Qazaqtıñ tağdırın şeşip otırğandar Qazaq Eli üşin qanşalıqtı qauipti! Baspasözde barlığı bas şayqap, jağaların wstap jatqanday, qazaq tilinde söylemeytin «qazaq» bayşıkeşteriniñ elimizde negizgi pänderdiñ qazaq tilinde oqıtıluın toqtatu turalı ündeu jasauına qanday moral'dıq qwqıqtarı bar?!.
Bwlardıñ tağı bir küydiretini, qazaq mektepterinde oqu deñgeyi tömen eken. Qazaq mektepterin, äsirese auıl mektepterin bitirgender özgelerden keyin qalıp keledi -mıs!..
Özderi qazaq mektebinde oqımağan, bir balası da qazaq mektebinde oqımaytın, basım böligi qazaq tilin bilmeytin, keybireuleriniñ tili nan swrauğa jetkenmen, hal swrauğa jetpeytin qaltalılar qalayşa bwnday masqaralıqqa barıp otır?…«-dep jazğan edik. http://www.qazaquni.kz/2016/05/28/52712.html
Sol kezde «Al ministrler men äkimder, deputattar jäne käsipkerler, mektepterdi özge tilderge köşiruden bwrın özderiñ memlekettik tilden sınaq tapsıruğa dayınsıñdar ma?..»- degen swrağımızdı qoldağan belgili ğalım, tarih ğılımınıñ doqtorı, professor. sayasattanuşı, ağılşın tilinde lekciya oqıp jürgen Äzimbay Ğali: «Qazeke, Bilim ministriniñ qazaqşasınan siz emtihan alıñız, men ağılşınşasınan alayın»dep jazıp edi saytqa öz pikirin.
Iä, qazaq tilin mensinbey, WBT-dan alıp tastağan ministrden qazaq tilinen emtihan alatın kez keldi, halayıq!
Mwnday ziyalılığınan ziyanı köp ministrlerdiñ Qazaq tiliniñ aldında ğana emes, Qazaqtıñ aldında jauap beretin kezi jetti!
Tağı da qaytalaymız:
«RESEYDİÑ NÖMİRİ BİRİNŞİ WLTŞILIMIN»-dep mälimdegen Resey Prezidenti V.Putin tayauda ğana: “Orıs tili men ädebieti jäne mädenieti – Resey üşin wlttıq qauipsizdik mäselesi!”-dep ayttı. Resey azamattığın alu orıs tilin bilmeytinderdiñ oyına da kirmeydi – bermeydi!..
AL NEGE KREML'GE QARAP «NAMAZ OQITIN» BİZDİÑ BILİK OSI RESEYDEN, PUTINNEN ÜLGİ ALMAYDI?
Sonda Qazaq tili men Wlttıq müdde – Qazaqstan üşin Wlttıq qauipsizdik emes, qazaqşa oylay almaytın bilikte otırğandardıñ oyına kelgenin isteytin ekperiment alañı ma?..
Endi WLTTIQ TESTİLEUDEN WLTTIÑ TİLİ MEN ÄDEBIETİN , TARIHIN ALIP TASTAP, ORNINA Bayan Esentaeva sekildi şoumender men dübara «kelinka» bolıp jürgen Nwrtas Adambaev siyaqtı SAYQIMAZAQTARDI QOSIPTI…
«Ändijanda bir äpkem bar, bwdan da ötken soraqı» degendey, Wlttıq testileu ortalığınıñ direktorıRamazan Älimqwlov degen:
«Biz mwnı bildik osınday bolatının. Biıl wlttıq birıñğay testileuden ötetinderdiñ qızığuşılığın köteru üşin. Bayan Esentaeva men Nwrtas Adambay turalı swraq ta bar. Olar kinomatografiya, kino salası damuı turalı öziniñ oy-pikirin körsetken», – dep, beti bülk etpey soğıp twr…
Wlttıq kinomızdıñ wstındarı osılar bolsa, bez terip ketu ğana qaldı bizge…
Qazaq tili men ädebieti, tarihı -wlttıñ tamırı! Qazaqstannıñ Bilim jäne ğılım ministri Erlan Kenjeğaliwlı Sağadievtiñ aldına qoyğan maqsatı – qazaqtıñ bolaşağın qwrtu üşin WLTTIÑ TAMIRINA BALTA ŞABU MA?
Onda qazaq tiline-qazaq ädebietine- qazaq tarixına -yağni qazaq wltına, qazaqtıñ bolaşağına qarsı bilimsiz Bilim ministriniñ ornınan ketuin talap etemiz!
MWNDAY «BİLİM» MINISTRİ BOLSA – WLTQA JAUDIÑ KEREGİ JOQ!!!
Qazıbek ISA,
qazaquni.kz
Pikir qaldıru