Qorşağan ortanı qorğau – är adamnıñ parızı!
kerey.kz
"Ruhani jañğıru" bağdarlaması ayasında Kaspiy teñizi jağalauın türli
qoqıstardan tazartu maqsatında, halıq auzında "Golubaya buhta" atanıp
ketken jerde ekologiyalıq senbilik ötti dep habarlaydı, öñirlik
kommunikaciyalar qızmetiniñ baspasöz qızmeti.
15.10.2017j. Aqtau qalası
"Küzgi tazalau" attı senbilik jwmıstarı "Eko Mañğıstau" ükimettik emes
wyımınıñ bastamasımen wyımdastırıldı. Şaranıñ ötuine Tüpqarağan jäne
Mañğıstau oblısınıñ äkimdigi qoldau körsetti.
Al senbilikti ötkizudegi negizgi maqsat – kündelikti ekologiyalıq mädenietti
qalıptastıru boyınşa küş-jigerdi biriktiru, twrğındar nazarın qorşağan
ortanı qorğau mäselelerine audaru jäne ekologiyalıq ahualdı jaqsartu. Tazalıq
şarasına kez-kelgen adamğa qatısuğa mümkindik aldı.
"Eko Mañğıstau" ükimettik emes wyımınıñ direktorı Kirill
Osinnıñ aytuınşa, "Küzgi tazalau" aylığı respublikalıq "Ruhani jañğıru"
jäne öñirlik "Taza aymaq" bağdarlaması ayasında ötkizilip otır. Al, senbilikke eñ
belsendi qatıstqan mekemeler qatarında Ayswlu Dutbaeva bastağan Mañğıstau
oblısı öñirlik kommunikaciyalar qızmeti, "Qoğamdıq kelisim" kommunaldıq
wyımı, oblıstıq prokuratura, Mañğıstau turizm kolledji, "ADVER"
kompaniyası jäne tabiğatqa janaşır twrğındar boldı.
"Kaspiy teñizi jağalauın jinalıp qalğan qoqıstan tazartu jwmıstarı
twraqtı türde jürgiziledi. Mäselen, "Golubaya buhta" aumağında ekologiyalıq
desant osıdan 4 ay bwrın bolğan edi. Qarap otırsaq aytarlıqtay köp uaqıt
ötken joq. Mwndağı jağdaydı körip, köñil-küyimiz tüsip ketti. Qalayşa tuğan
ölkege degen osınday jauapsızdıqpen qarauğa boladı? Bwl jağdaydan keyin
adamdarıñ özderine degen qwrmetiniñ joq bolğanı ma degen oyğa qaladı ekensiñ.
Onıñ üstine aymaqta turizmdi damıtqımız keledi. Mwnday körinisten keyin
turizm turalı aytudıñ özi artıq. Osınday demalıs orındarına keluşiler
qatarı köp ekendigi sözsiz, biraq olar qarapayım tazalıq erejelerin
saqtamaytını köñilge qayau tüsiredi", – deydi ol.
"Golubaya buhta" Tüpqarağan audanına bara jatqan joldıñ 63 şaqırımınan
bwrılğan aumaqta ornalasqan, al senbilikke qatısuşılar bolsa avtobustarmen
jetkizildi. Tazalıq saqşıları barlıq qajetti qwral-saymandarmen qamtamasız
etildi. Teñiz jağalauı plastikalıq, şını jäne basqa da qoqıstardan tazartıldı.
Senbiliktiñ qorıtındısı boyınşa barlığı 200-den astam qapşıq qoqıs
jinalğan.
"Bizdiñ wjım tazalıq akciyasın bir auızdan qoldadı jäne kömekke keldi.
Barlığımız demalıs künimizdiñ osınday paydalı şaruağa jwmsağandı jön
sanadıq. Ayta keteyin, teñiz jağalauınan osınşama köp qoqıs şığadı dep
müldem oylamappın. Negizinen sınıq şınılar, spirttik işimdik qwyılğan
bötelkeler solayımen şaşılıp jatırğanın kezdestirdik, sonımen qatar
temeki twqıldarı, paketter men tağam qaldıqtarı köp. Qazir teñizde şomılu
mausımı resmi türde jabıq bolğanımen, osınday demalıs orındarına
kelişuler qatarı äli de bar. Sol demaluşılar özderiniñ soñın jinamay ketetini
ökinişti. Men tüsinbeymin, qalayşa mwnday swlu jerlerdi qoqısqa toltırıp
ketuge boladı?! Bwl jağday osılay jalğasa beretin bolsa, ekologiyalıq
ahualdıñ naşarlay tüsetini anıq. Qorşağan ortanı qorğau mäselesine ülken
jauapkerşilikpen qarauımız kerek", – deydi Mañğıstau oblısı öñirlik
kommunikaciyalar qızmetiniñ direktorı Ayswlu Dutbaeva.
Ekologiyalıq senbilik barısında bir tonnadan astam qoqıs jinaldı. Ayta
ketu kerek, aymaqta mwnday tazalıq jwmıstarı köp jıldar boyı twraqtı türde
jürgiziledi. Sonımen qatar, Mañğıstau oblısında "Golubaya buhta" sekildi
demalıs orındarı öte köp jäne demaluşılar qatarı köbeymese, azaymay
otırğandığı sözsiz. Bir ökiniştisi, tazalıqtıñ saqtalmay otırğandığı.
Bwl rette, demalıs küni ötken ekologiyalıq senbilik "Face book" äleumettik
jelisin paydalanuşılar arasında qızu talqıladı. Basım böligi qorşağan ortanı
qorlamay, kerisinşe qorğau üşin äli de bolsa auqımdı şaralardı wyımdastıru
kerek ekendigin aytsa, endiri biri tärtipke bağınbağandarğa qatıstı tiisti şaralar
qabıldaudı küşeytu kerektigin alğa tarttı.
Mäselen, täuelsiz ekolog Ädilbek Qozıbaqovtı mazalağan swraq nelikten
jergilikti policiya qızmeti tärtip bwzğandarğa ayıppwl salmaydı dedi. Onıñ
oyınşa, Mañğıstau tabiğat qorğau prokurorınıñ atına, tärtip saqşıları zañ
bwzatındardı jauapqa tartu jöninde talap qoyu üşin arnayı hat joldau qajet.
Ayta ketu kerek, elbası N.Nazarbaevtıñ "Bolaşaqqa bağdar: ruhani jañğıru"
bağdarlaması ayasında "Sakraldı Qazaqstan" jobası jüzege asırıluda. Onıñ
ayasında ekologiyalıq ahualdı jaqsartu men eldi mekenderdi abattandıru
jwmıstarı jürgizilude. Mañğıstaulıqtar atalmış jobanı jüzege asıruğa
belsendi kirisip ketti.
Sondıqtan da, mwnday şaralardıñ mañızdılığın eskere otır, Mañğıstau
oblısı öñirlik kommunikaciyalar qızmeti men "Eko Mañğıstau" ükimettik emes
wyımı qorşağan ortanı qorğauğa jäne onı jaqsartuğa wmtılıp, ekologiyalıq
senbilik siyaqtı wyımdastırılğan türli is-şaralardan tıs qalmauğa şaqıradı.
Dayındağan Nwrbol Oquov
QR Jurnalister Odağınıñ müşesi
Mañğıstau oblısı, Aqtau qalası
Pikir qaldıru