Zayırlı qoğamdağı dindar äyeldiñ orını
kerey.kz
QMDB-nıñ Öskemen aymaqtıq ökildigi «Halifa -Altay» meşitiniñ wstazı, teolog, ŞQ oblıstıq «Äyel -qızdar» sektorınıñ jetekşisi Talşın Qojahmetovanıñ qatısuımen Kürşim audandıq ortalıq meşitte «Zayırlı qoğamdağı dindar äyel twlğası» attı audandıq seminar ötti.
Atalmış şarağa, Kürşim audandıq işki sayasat böliminiñ bastığı Aray Qasımbaeva, Kürşim audandıq Jastar resrustıq ortalığınıñ jetekşisi Şıraq Dabırbaeva, meşit wstazı Aygül Qanseyitova qatıstı.
Esteriñizge salatın bolsaq, seminardıñ ötuine ortalıq meşittiñ bas imamı Tileybek qajı Soyanwlınıñ tapsırmasına säykes naib imamdarı Ajı Şämerhan jäne Jänibek Aydarhan wytqı bolıp otır.
Ökildikten arnayı kelgen teolog maman, dindar äyeldiñ zayırlı qoğamdağı orını men otbasındağı atqaratın mindeti, tuısqandarımen qarım-qatınası, ata-enesin sıylauı qatarlı taqırıptarğa toqtalıp, asıl dinimizdiñ qwndılığı, Hanafi mazhabınıñ artıqşılığı, payğambarımızdıñ (oğan Allanıñ igiligi men sälemi bolsın) hadisterindegi ana turalı mazmwndardıñ erekşeligi jayında keñinen toqtaldı. Ekrannan taqırıpqa baylanıstı beynerolik pen slayd körsetildi. Qazaq halqınıñ twrmıs tirşiligi, salt-dästüri men ğwrıp ädeti, ğibadat qwlşılığınıñ bir-birinen ajıramaytındığın tilge tiek etti. Kündelikti ömirdejañadan bas qwraytın jastarğa nekeniñ qasietin tüsindiru kerektigin atadı.
Babalardan jalğasqan tağılımda äyel ayaulı ana, süikti jar, süykimdi qız, islam közqarasımen qaraytın bolsaq, payğambarımızdıñ hadisinde: «Jännat ananıñ tabanınıñ astında», «Senderdiñ eñ jaqsılarıñ, äyelderiñe jaqsı qarım-qatınasta bolğandarıñ»,- dep tüsinikteme beredi. Payğambarımızdan (oğan Allanıñ igiligi men sälemi bolsın) keyin alğaş islamdı qabıldap, din jolında bükil mal-mülkin sarp etken äyel kisi Hadişa anamız (r.a.) bolatın. Sol sebepti, Allanıñ elşisi (oğan Allanıñ igiligi men sälemi bolsın): «El menen teris aynalğan kezde Hadişa mağan sendi. Aytqandarımdı eşkim qabıldamağanda, meni alğaşqı bolıp rastağan sol edi»- dep, onı ömir boyı wmıtpay, ärkez jaqsılıqtarın eske alıp otıratın. Tiri kezinde jännattağı üyimen süyinşilengen äyel kisi edi. Dälirek aytqanda, birde Jebireyil perişte (a.s.) Payğambarımızğa (oğan Allanıñ igiligi men sälemi bolsın) kelip: «Rabbım Hadişağa sälem ayttı. Menen de sälem ayta bar. Oğan jännatta şarşamaytın, şaldıqpaytın üy twrğızıldı»,-deydi. Bwl quanıştı Alla elşisi (oğan Allanıñ igiligi men sälemi bolsın) Hadişa anamızğa (r.a.) kelip: «Ua Hadişa! Sağan Alla men Jebreyil sälem ayttı», dep habardı jetkizgen kezde, Hadişa (r.a.) anamız: «Allanıñ Özi Sälem, al, Jebireyilge sälem bolsın» – dep, asqan köregendik tanıtadı. Analar qoğamnıñ mektebi, olardıñ quanışı älemniñ quanışı. Wlı jazuşı Mwhtar Äuezovtıñ: «El bolam deseñ,besigiñdi tüze»,-degen öte tereñ mändi,naqılı äyel zatınıñ qadirin meñzep twrğan bolsa kerek. Din jolındağı näzik jandılarğa Alla jeñildik bersin!
Ajı ŞÄMERHAN,
Audandıq meşittiñ naib imamı.
Pikir qaldıru