Marat Bäydildäwlı: ELİMİZDİ ÖZGERİSTER KÜTEDİ
kerey.kz
«Adam aqiqattı bas közimen körmeydi, aqıl közimen köredi» deydi Şähkärim Qwdayberdiwlı. Men de elimizdiñ tayau bolaşağına qatıstı özimşe «aqıl közimen» qarağan keybir oylarımmen böliskim keledi. Sonımen Baqıtjan Sağıntaevtıñ Ükimeti doğarısqa ketkenin bäriñiz bilesizder. Mwnıñ astarında ne sır bar? Elimizdi qanday özgerister kütip twr? Soğan barlau jasap körelik.
Memleket basşısınıñ 21 aqpan küngi mälimdemesinde «Ükimet müşeleri, ministrler, äkimder halıqpen jwmıs istey almadı, sonday-aq jwrtşılıqtıñ problemalarına qwlaq asıp, atqarılıp jatqan ister men sayasattı tüsindiru jwmıstarın jürgizuge şaması kelmedi» degen kinä tağıldı. Onımen kelispeuge bolmaydı.
Meniñşe endi oqiğalar barısı bılay örbidi. «Nwr Otan» partiyasınıñ 27 aqpanda ötetin kezekti s'ezinde Memleket basşısı äleumettik qoldaudı küşeytuge jäne azamattardıñ twrmıs sapasın arttıruğa arnalğan birqatar şaralar wsınatını anıq. Mwnıñ bäri ıqtimal äleumettik silkinisterdiñ aldın aluğa bağıttaladı. Ol üşin eñ aldımen halıqtıñ kedey, baspanasız, äljuaz toptarın qoldauğa bağıttalğan şaralar josparlanadı. Qomaqtı qarjı qarastırıladı.
Konstituciyağa özgerister men tolıqtırular engizu mäselesi de qozğaluı öte mümkin.
Odan soñ QR Prezidentiniñ öz erkimen doğarısqa ketetindigi jariyalanadı. Sol sätte 2018 jılğı 5 şildedegi Qazaqstan Respublikasınıñ Qauipsizdik Keñesi turalı № 178-Vİ QRZ zañı küşin kiredi. Prezident tağınan tüsken Nwrswltan Nazarbaev Qauipsizdik keñesiniñ Törağası tağına auısadı äri Elbası mindetin saqtap qaladı. Wmıtpayıq, atalğan zañnıñ 1-babınıñ 2 tarmağına säykes: «Qazaqstan Respublikasınıñ Twñğış Prezidentine – Elbasına onıñ tarihi missiyasına baylanıstı Qauipsizdik Keñesin Törağa retinde basqaru qwqığı ömir boyı tiesili».
Sodan jwrt kütip jürgendey, Qazaqstanda Prezident saylauı jariyalanadı. Bwl saylauğa 5-6 twlğa tüsedi. Onıñ işinde esimi halıqaralıq qauımdastıqqa mälim Qasım-Jomart Toqaev pen Dariğa Nazarbaeva mindetti türde boladı. Biraq Prezidenttik lauazımğa ötuge Dariğanıñ el işinde abıroyı da, bedeli de joq. Sondıqtan şahmat taqtasındağı jüris siyaqtı «hod konem» jasaladı. YAğni Prezidenttik saylauda jeñiske 66 jastağı Qasım-Jomart jetedi.
Dariğa “körnekti qayratker” retinde Senat Törağalığına ötedi. Mwnıñ aldında qos palatası birdey taratılıp, Parlamentke jaña saylau ötedi degen söz. Bir-eki jıldan keyin Qasekeñ «öz erkimen» doğarısqa ketkende, onıñ prezidenttik ornı Ata zañnıñ 48-babınıñ İ tarmağına säykes avtomattı türde Dariğağa bwyıradı. Osı kezeñniñ bärinde QauKeñes törağası is jüzinde Memleket basşısı bolıp qala beredi.
Jaña, kezekti 11-şi Ükimet prezidenttik saylaudan keyin ğana jasaqtaladı dep oylaymın. Öytkeni qazir jaña Ükimet qwrılsa Prezident doğarısqa ketken boyda ol da doğarısqa ketuge tiis. Jaña prezident saylanğanğa deyin birinen keyin biri eki ükimettiñ auısuı tiimsiz. Sondıqtan Ükimet basşısınıñ m.a. A.Mamin amalsız biraz uaqıt küte twratın şığar.
Mwnıñ bäri boljam ğana. Ömir degen qanday scenariyden de kürdeli. Kütpegen özgerister bola berui mümkin. “Är närsede qayır bar” demekşi, bärimizge şınayı täuelsiz Qazaqstanda ömir süruge näsip etsin!
Marat Bäydildäwlı (Toqaşbaev)
facebook paraqşasınan alındı
1 pikir
Ğaliy Baysımaq
Baydilda ulu aytqan senary da əbden bolıuı ıqtıymal kim biledi. Qəzir el işinde Dariğanıñ bedeli coq. Al Qasım Comart Toqay mırzanı el burunnan biledi. Bir zañdı suraq tıuındaydı. Toqay da qıuırşaq prezident rölün somdaydı ma? Degen oy kelip otur? Əlde bir müyüzin körseter me? Prezident bitkenge qanat bitedi emes pe?! Əy qaydam bir eki cıldan keyin de el Dariğanı caqtıra qoymas. Esalañ ekenin bəri biledi ğoy. Basında bir şarigi kem. Qaytken künniñ özünde halıq özü saylau kerek başşısın. Olay bolmağan cağdayda halıq atqa minedi sözsüz. Köterilis bolup ketiui mümkün. Al Dosum Sətbay mırza dəl aytıp otur. Bolaşaq prezident Nazarbaydıñ közi tirisinde auısatını öte zañdı olay bolmasa bəri teketireske aynalıp taqqa talas bastalıuı mümkün. Bərinen de osı cağı qıyın bolğalı tur. Eñ abzalı ədil saylau ötkizsin. Tüssin bəri kandidatutasın usınıp. Toqay Tasmağanbet Dariğaş Ömirzaq Şökey Muqtar Əblyaz Erkin qazaq Ercan Turğımbay Berdibek Saparbay siyaqtı dökeyler. Halıq işinen qalağanın tañdap aladı. Solay emes pe?