Qızılorda oblısında äkimderdiñ dauı biter emes.
kerey.kz
Bwl jol advokat Läzzat Ahatova Qızılorda oblısınıñ eks-äkimi Quanışbek Isqaqovtıñ tapsırmaen qamalğanı turalı pikirin bildirip, tağı bir aqparattı tarattı. Onıñ sözinşe, sot qarama qayşılıqtarğa tolı. Advokattıñ aytuınşa, qorğa 80 mln teñgeni audaruğa qwrılıs basqarmasınıñ bwrınğı basşısı tapsırma bergen.
“Abdolla Dastanov mırza, ötkende jeli betinde: Isqaqovtıñ qorğauşıları qorğa audaruğa tapsırma bergendi emes, sol aqşanıñ jwmsaluına kim tapsırma bergenin anıqtau kerek qoy”-dep, “käsibi” aqıl-keñes aytqan ekensiz. Jauap jazuğa mümkindik endi bolıp otır, ayıpqa bwyırmassız. Onıñ üstine is materialdarınan bölek, keşegi sot otırısında özim de swraqtarımdı tiisti twlğalarğa tağı da qoyıp, bekitip, naqtılap alayın degem. Al kim tapsırma bergenin tıñdañız:
10.12.2020 j. Qızılorda qalalıq 2-şi sotınıñ ayıptau ükiminiñ 3-şi betinde 80 mln. aqşanı tört qwrılıs kompaniyağa audarauğa Abdrahimovağa tapsırmanı qwrılıs basqarmasınıñ bwrınğı basşısı Alserikovtıñ bergeni körsetilgen. Al qızmetkerlerdiñ bir kündik jalaqısın Qorğa audaruğa tapsırmanı sol kezdegi oblıs äkiminiñ orınbasarı R.Rüstemov bergenin Sapura hanım sottağı keşegi jauabımen tağı da bekitip berdi. 80 mln-dı monşa qwrılısına qordan alıp, jwmsau turalı ideyanıñ da Alserikov mırzağa tiesili bolğanın, sonday-aq ol tapsırma Qor basşısına qwrılıs basqarmasınıñ bwrınğı basşısı Alserikov mırza tarapınan berilgendigi de keşegi sotta naqtı anıqtalıp, rastaldı», – dedi advokat L.Ahatova.
Apellyaciyalıq sot otırıstarınıñ kezekti tergeuinde “Baq-bereke” JŞS-nıñ (tört qwrılıs kompaniyanıñ biri) direktorı A.Ernazarov (keşegi sotqa kuä retinde qatıstı) 80 mln-dı qolma-qol aqşağa aynaldıruğa tapsırmanı Alserikov mırzadan alğanın sot otırısında öz jauabımen tağı bir bekitken.
«Bwl epizod jaylı bölek jazba boladı. Bir oqiğamen ekinşi oqiğanı aralastırıp, wzın-sonar jazba bop ketse, qabıldauğa qiın bolar. Keşegi sot otırısına kuä retinde Alserikov te, Rüstemov mırza da qatıstı. Alserikov Mwhamedisa mırza jauaptarınan özi de şatasıp, eldi de şatastırıp bitken siyaqtı..İstegi materialdarğa köz salsaq, är tergeude bergen jauabı är qilı. Mısalı, 11 naurız küngi körsetpesinde 80 mln-dı “Şığıs monşası” qwrılısına jwmsauğa tapsırmanı Delmwhanov berdi degen. 29-naurızdağı tergeuge bergen jauabında onday tapsırmanı Imandosovtan alğanın körsetken. Al 7 säuirde tergeuge bergen jauaptarında Imandosov pen Delmwhanovtı şatastırıp alğanın aytqan», -dedi advokat.
Keşegi sotta türli jauap berumen eldi şatastırğan Alserikovke advokat tarapınan qoylığan swraqtar az bolmağan. Kuäger, basında «jañılısqanın», soñında «şındıqtı» aytqanın jasırmadı.
“Är kezde är basşığa qarsı körsetpe beruiñizdiñ sebebi-tergeu organı tarapınan körsetilgen ıqpaldıñ, atap aytqanda qısımnıñ nätijesi me, älde öz ötirikteriñizden öziñiz jañılısıp, şatasıp bitkeniñizdiñ körinisi me?”- degen swraqqa “endi basında bılay neğıla ma degen edim, sosın ayağında şındıqtı ayttıq qoy”-deydi. Sonda Sizdiñ qay söziñiz ötirik, qay söziñiz şındıq?”- degen swrağımızğa mardımdı jauap ala almadıq. Sot tarapınan kuäğa jalğan jauap bergen jağdayda qılmıstıq jauaptılıqqa tartılatını eskertilgen. Birinşi satıdağı sotta da sol zañ norması eskertiledi. Soğan qaramastan, bir adamnıñ mıñ qwbılıp, san türli jalğan jauaptarınıñ saldarınan qanşa adam temir tordıñ artında otır?», -dedi Isqaqovtıñ advokatı.
Ahatova, aldağı uaqıtta özgede kuälardıñ jauaptarı turalı jariyalamaq…
Pikir qaldıru