“TÜNGİ TÄRTİPSİZDİK”

Almatı oblısı Panfilov audanı äkimi Talğat Ömiräliev särsenbi küni Penjim auılında bolğan oqiğa “wltaralıq qaqtığıs emes, özara kelispey qalğan eki oquşınıñ töbelesinen şıqqan tüsinispeuşilik” deydi. Bwl turalı audan äkimi 28 qazanda Penjim auılına barğan Azattıq tilşisine ayttı.

– Ol (janjal) neden şıqtı? Rozıbakiev atındağı mektepte balalar töbelesip qalıp, bir bala auruhanağa tüsken. Jaraqat alğan, bala aman-esen. Bügin kirip şıqtım. Bas därigerdi kördik. Ayaq-qolı sau, sözi dwrıs, tünde operaciya jasadı. Basınan jaraqattanğan. Gematomanı alıp tastadı. Balanıñ özimen söylesken kezde “jağdayım jaqsı, bäri dwrıs” dedi. Sol üşin tünde jastar wlttıq mäseleni köterip jinalğan. Bwl jerde wlttıq mäseleniñ eş qatısı joq. Oblıs äkiminiñ tapsırmasımen ştab qwrıldı, – dedi Talğat Ömiräliev.

Äkim ötken tüni Penjim auılında policiyanıñ köşege top bolıp jinalğan jastardı tarqatqanın ayttı.

Ömirälievtiñ sözinşe, Penjimdegi tärtipsizdikter kezinde 53 jastağı tağı bir adam zardap şekken. “Jastardıñ laqtırğan tası basına tiip, jaraqat alğan. Qazir auruhanada jatır, jağdayı qalıptı, därigerler kömektesken” degen äkimniñ sözin bergen Tengrinews saytı.

Qıtaymen şekaradan 15 şaqırımday jerdegi Penjim (wyğırşa “bas auıl” degen mağınada) auıldıq okruginde 12 mıñnan astam adam, sonıñ işinde 7 mıñnan asa qazaq, 5 mıñğa juıq wyğır twradı.

Penjim auılında 5 mıñnan astam adam twrıp jatır, jergilikti halıq negizinen eginşilikpen aynalısadı, jügeri ösiredi dedi beysenbi küni auıl twrğındarınıñ biri Azattıq tilşisine.

Oblıstıq policiya departamenti särsenbiniñ keşinde 30 şaqtı adam jinalıp, Penjimdegi birneşe üy men köliktiñ terezesin sındırğanın habarladı.

“27 qazanda sağat 20:00-da 102 qızmetine Penjim auılında mektep oquşıları arasındağı töbeleske qatısqandardıñ biri twratın üydiñ janına 30 şaqtı adam jinalğanı turalı aqparat tüsti. Top adam birneşe jeke twrğın üy men birneşe kölik qwralınıñ terezesin sındırğan. Bwl fakti boyınşa Qılmıstıq kodekstiñ 293-babı 2-böligi (“Toptasıp jasalğan bwzaqılıq”) boyınşa is qozğaldı” dep jazılğan beysenbide policiya departamenti baspasöz qızmeti taratqan aqparatta.

Bwğa qosa policiya särsenbiniñ keşinde Penjim auılındağı jeke menşik üy örtengeni turalı habar tüskenin, ol jerge policiya ökilderi men tötenşe jağday qızmetkerleri barğanın habarladı.

“Üy iesi äyeldiñ aytuınşa, örtke peştegi aqau sebep bolğan. Sağat 23:30 kezinde ört söndirildi. Eşkim zardap şekpegen. Bwl örttiñ bolğan oqiğağa qatısı joq” degen oblıstıq policiya departamenti jalğan aqparat taratqandarğa qılmıstıq jauapkerşilik artılatının eskertken.

Beysenbige qarağan tüni äleumettik jelide tarağan, “Penjim auılındağı jağday” dep sipattalğan birneşe videoda tün mezgilinde köşede toptasıp ayqaylap, äldebir nısanağa kesek laqtırıp jürgen adamdar, örtenip jatqan ğimarattar, dabıl qosıp, asığıs ketip bara jatqan policiya köligi körsetilgen.

MEKTEPTEGİ TÖBELES, ZARDAP ŞEKKEN OQUŞI

Särsenbi küni Penjim mektebinde oquşılar arasında bolğan töbeles kezinde zardap şekken 16 jastağı jasöspirimniñ jağdayı auır. Bwl turalı 28 qazanda Almatı oblıstıq densaulıq saqtau basqarması habarlağan. Ol qazir Panfilov audandıq köpsalalı auruhanada jatır.

“Basınan jaraqat alğan nauqastıñ jalpı jağdayı auır. Bas süyegi jarılğan, miına qattı zaqım kelgen, oñ jaq samayında jaraqat bar, 2-3-därejeli travmatikalıq şok alğan. Esin biledi” dep habarladı basqarma.

28 qazanğa qarağan tüni äleumettik jeli men messenjerde “Penjim auılındağı mektep oquşıları arasındağı janjal” dep sipattalğan video tarağan edi.

Kündiz köpqabattı mekteptiñ işinen tüsirilgenge wqsaytın videoda ğimarat aulasında bir top jasöspirimniñ töbelesip jatqanı, bir sätte älgilerdiñ biri swlq tüsip jerde jatıp qalğanı, oğan özge oquşılar men eresek adamdardıñ järdem körsetuge tırısıp jatqanı körinedi.

Beysenbi küni Almatı oblıstıq policiyası Penjim mektebindegi töbeleske baylanıstı is qozğalğanın habarladı.

“Tekseru barısında 9-şı jäne 10-sınıptıñ eki şäkirti täjikelesip, onıñ ayağı toptı oquşınıñ töbelesine wlasqanı jäne onıñ saldarınan jasöspirimniñ zardap şekkeni belgili boldı. Atalğan fakti boyınşa Qılmıstıq kodekstiñ 106-babınıñ 2-böligi (“Densaulıqqa qasaqana auır ziyan keltiru”) boyınşa qılmıstıq is tirkeldi, janjalğa qatısuşılardıñ barlığı anıqtaldı” dep jazılğan policiya taratqan aqparatta.

Baspasöz qızmeti oblıstıq policiya departamenti basşısı, Panfilov audanı äkimi men auıl aqsaqaldarınıñ “Penjimde jergilikti halıqpen kezdesip, tüsinik jwmısı jürgizilgenin” aytadı.

Policiya Penjim auılı men körşi eldimekenderge küzet qoyğan.

Bilikti qoldaytın Qazaqstan halqı assambleyasınıñ resmi ökili Mayya Bekbaeva beysenbi küni Penjim auılındağı oqiğağa baylanıstı pikir bildirdi. “Auıl twrğındarı arasında, etnosaralıq qanday da bir janjal, äsirese qaqtığıs joq ekendigin jäne oğan jol berilmeytindigin erekşe atap ötkim keledi. Jergilikti twrğındar – qazaqtar da, wyğırlar da köp jıl birge twradı, bir-birimen dos äri körşi, barlığı şın jürekten beybitşilik pen tınıştıqtı qalaydı” dep jazdı ol Facebook paraqşasına.

Parlament deputattarı Penjimdegi janjal jaylı ne deydi?

00

PENJİMDEGİ JIIN, KİLT ÜZİLGEN TİKELEY EFIR

Beysenbi küni Azattıq tilşileri oqiğa bolğan Penjim auılına bardı. Sağat 12:00-de auıldağı mädeniet üyinde Panfilov audanı äkimi Talğat Ömiräliev, audandıq policiya böliminiñ bastığı Jandos Qaliev jäne Almatı oblısı äkiminiñ orınbasarı Batırjan Bayjwmanov jergilikti halıqpen kezdesti.

Zalda otırğandardıñ biri Azattıq tilşisine keşe bolğan jayt osı auıldağı “birinşi oqiğa emes” ekenin aytıp kele jatır edi, däl sol sätte jinalıs bastalıp ketip, älgi adam kökeyindegisin tolıq aytıp ülgermedi.

Penjim auılında bolğan tötenşe oqiğa talqılanğan jiında söz alğandar ondağan jıldan beri qazaq pen wyğır birge twrıp kele jatqan auılda tatulıqtı saqtau, özara sıylastıq pen qwrmet tanıtuğa şaqırıp söyledi.

Auıl twrğındarı mwnday jayttıñ “bwrın da bolğanın”, qazirgi “jastar basqaday tärbie alıp, bölektenudi” şığarğanın aytıp, bilikti işki sayasatta osı mäselelerge jiti nazar audarğa ündedi.

Sonımen birge “şañıraqqa qarau”, “twrıp jatqan eldi sıylau” degen siyaqtı sözder de aytıldı. Bäzbireuler onday sözdi qolpaştap qol soqtı, alayda kelispegender de boldı. Öz pikirin köptiñ aldında aytpaq bolğan keybireuge söz timey qaldı. Auıl twrğındarın auızbirşilikke şaqırudı maqsat twtqan jiında aytılğan äñgimeniñ auanınan Penjimde asa kürdeli ahual qalıptasqanı bayqaldı.

Azattıq tilşileri kökeykesti mäselege baylanıstı türli pikirdegi auıl adamdarınıñ barlığına mikrofon wsınıp, oy-tilegin bilmek bolğan. Biraq mädeniet üyinde ötip jatqan jiınnan Azattıqtıñ tikeley translyaciyası kenet sağat 13:30 kezinde internettegi bwğattau saldarınan üzilip qaldı.