Ükimet “Qazaqstan Respublikasınıñ azamattığı turalı”zañğa özgeris mäselesin qarastırıp jatır. Bwl özgeris boyınşa, memlekettik tildi, memleket tarihı men negizgi zañdarın bilmeu – Qazaqstan azamattığın beruden bas tartuğa ne azamattığın qalpına keltiruden bas tartuğa qosımşa negiz bola aladı. Bwl turalı prem'er-ministr Älihan Smayılovtıñ deputat saualına joldağan jauabına siltep, Kursiv.Media jazdı.

Prem'er jauabında bwl talap qos azamattıqqa jol bermeu üşin de engizilip otırğanın aytqan.

“Qazirgi zañ boyınşa Qazaqstanda zañdı negizde kemi bes jıl twraqtı ömir sürgen nemese Qazaqstan azamatımen kemi üş jıl nekede twrğan, sonday-aq Qazaqstanda twraqtı twru maqsatında kelgen jäne jaqın tuıstarınıñ biri Qazaqstan azamatı bolıp sanalatın bwrınğı odaqtas respublika azamattarına Qazaqstan azamattığı beriledi” deydi prem'er-ministr.

Qazirgi qoldanıstağı zañğa say, mına sanattağı adamar jeñil erejemen azamattıq ala aladı:

• Qazaqstanda zañdı negizde twrıp jatqan qandastar (twrğan merzimine qaramastan);
• Jappay sayasi quğın-sürgin qwrbanı retinde aqtalğandar men olardıñ Qazaqstanda zañdı negizde twraqtı twratın, erkinen tıs azamattığınan ayırılğan wrpaqtarı;
• Eldiñ joğarı oqu orındarında oqitın etnikalıq qazaqtar.

Mwnday jağdayda isti qarau merzimi ötiniş berilgen künnen üş ay aspauğa tiis.

“Qoldanıstağı zañ boyınşa Qazaqstan azamattığın qalpına keltiru men beruden bas tartudıñ 14 negizi bar. Onıñ köbi zañ bwzuşılıqpen baylanıstı, biraq onıñ işinde qazaq tilin bilmegeni üşin azamattıq berilmeydi degen söz joq edi” deydi basılım.

Biıl säuir ayında senat törağası Mäulen Äşimbaev qısqa merzimge keletin şeteldikterge memlekettik tildi bilu mindeti emes, al wzaq twrğısı keletinder memlekettik tildi bilui tiis degen edi.

Qazaqstan azamattığı men memlekettik tildi damıtu mäselesi Reseydegi mobilizaciyağa baylanıstı biıl qıküyekte Reseyden Qazaqstanğa qaşıp kelgender kürt köbeygen twsta qoğamda ayrıqşa talqılanğan. Ükimet mälimetine qarağanda, 21 qırküyekten beri şeteldiñ 200 mıñ azamatınan JSN swrağan ötiniş tüsken. Şetel azamattarı men zañdı twlğaları JSN almasa Qazaqstannıñ memlekettik organdarınıñ qızmetin paydalana almaydı jäne bank operaciyaların jürgize almaydı.

Azat Europa / Azattıq radiosı