BAYDENNİÑ HABARLANBAĞAN SAPARI 

20 aqpanda tüs aua Bayden men Ukraina prezidenti Vladimir Zelenskiydiñ Kievtegi Mihaylov şirkeuinde jürgen suretteri taray bastadı. Ukrainalıq basılımdar AQŞ prezidenti şirkeuge soğısta qaza bolğan ukrainderdiñ ruhına tağzım etuge barğanın jazdı.

Keyin Zelenskiy Telegram-dağı arnasında “Djo Bayden, Kievke qoş keldiñiz! Sizdiñ saparıñız – Ukraina halqına öte ülken qoldau” dep alğıs bildirdi.

Keyin Baydenniñ özi de Kievke Ukraina prezidentimen kezdesuge kelgenin rastadı.

“Bükil älem Reseydiñ Ukrainağa qandı basqınşılığınıñ bir jıldığına dayındalıp jatqan twsta prezident Zelenskiymen kezdesu üşin Kievke keldim. Osı saparım arqılı demokratiyanı, Ukrainanıñ aumaqtıq twtastığı men täuelsizdigin tolıq qoldaytınımızdı körsetkim keledi” dedi Bayden mälimdemesinde.

“Bir jılday bwrın Putin basqınşılığın bastağanda Ukraina älsiz äri Batıs ekige jarılğan dep oyladı. Ol bizden basım tüsem dep oyladı, biraq ol oñbay qatelesti” dedi AQŞ basşısı.

“AQŞ UKRAINANI QOLDAY BEREDİ”

New York Times Baydenniñ Ukrainağa saparı qauipsizdik üşin öte qwpiya saqtalğanı, ol Kievke Pol'şa arqılı poyızben ötkenin jazdı.

“Negizi Aq üy jeksenbide keşke taratqan küntizbesinde Bayden düysenbide Vaşingtonda boladı, Varşavağa düysenbi keşke wşadı dep körsetken, biraq ol jolda bolğan” dep mälimdedi basılım.

20 aqpanda Putin men Zelenskiy kezdesuden keyin baspasöz mäslihatında “Putin Ukrainanı kartadan joyıp jiberemin dep oyladı, biraq Resey äskeri jeñilip jatqanın” aytıp, “reseylik talanttı jastar mıñdap elden qaştı, qaytadan Reseyge oralğısı joq. Reseydiñ ekonomikası oqşaulanıp, qiındıqqa tap boldı” dedi. Söziniñ soñında Bayden “AQŞ Ukrainanı qanşa qajet bolsa da qolday beredi” dep ayaqtadı.

Al Zelenskiy “demokratiyalıq älem bwl soğısta jeñiske jetui kerek” dep mälimdedi.

“Bwl – AQŞ-Ukraina qarım-qatınasındağı öte mañızdı kezdesu. Bügingi kelissözimiz öte nätijeli boldı” dedi Ukraina prezidenti.

Zelenskiy “bwl kezdesudiñ nätijesi jaqın arada maydanda öz nätijesin körsete bastaydı” dey kele, Baydenge “Ukraina halqı sizge riza” dep sözin tüyindedi.

Bayden Kievke saparı kezinde Ukrainanı Reseydiñ äue şabuıldarınan qorğaytın artilleriyalıq qaru, tankige qarsı jäne raketadan qorğaytın jüye beretinin, Resey elitası men kompaniyalarına jaña sankciya salatın mälimdedi.

Ukraina sırtqı ister ministri Dmitriy Kuleba Facebook jelisinde “Baydenniñ saparı – Ukraina halqı men prezident Zelenskiy üşin jeñis” dep jazdı. Kuleba Reseydi meñzep, “bwl – batpaqqa “senen eşkim qorıqpaydı” degen signal” deydi.

20-22 aqpan aralığında Baydenniñ Pol'şağa saparı josparlanğan. 21 aqpanda ol Pol'şa prezidenti Andjey Dudamen kezdespek.

Zelenskiy bıltır Vaşingtonğa arnayı sapar jasap, 21 jeltoqsanda Baydenmen kezdesken. Bwl kezdesude de Bayden AQŞ Ukrainanı qolday beredi dep mälimdegen.

AQŞ prezidentteri Ukrainağa 2008 jıldan beri birinşi ret barıp otır. Kiev 2008 jılı prezident Djordj Buştı qarsı aldı. Al Bayden Barak Obama äkimşiligi kezinde vice-prezident retinde Ukrainağa birneşe ret barğan. Resey basqınşılığı bastalğalı Ukrainağa barğan AQŞ-tıñ eñ ülken joğarı lauazımdı qızmetkeri memlekettik hatşı Entoni Blinken edi.