Biz arheologtardı, tarihşılardı, ğalımdardı, zañgerlerdi şaqırdıq. Osı mäseleni zertte­sin, şeşimin aytsın dep. Eger üşinşi bir memleketterde qwjat bolsa, onı da qaras­tırayıq. Sodan keyin ğana mına biz – sayasatkerler kelissözge otırıp, qorıtındı jasayıq. Eşqanday dälel-däyeksiz “1915 jılı Türkiya älde­bir genocid jasağan” dep qay­talay beru eşkimge abıroy äper­meydi. Bizdiñ qoğamda, mäde­nieti­mizde “genocid” degen närse joq. Sondıqtan mwnday ayıptaumen ke­lispeymiz. Qwjattardı alğa tarta otırıp bwl mäseleni kez kelgen uaqıtta talqılauğa dayınbız. Armeniya da solay etsin. Türkiyanı “genocid jasadı” degen jalañ ayıptauğa köndire almaysıñdar! Aldımen dälelderiñdi körsetiñder. Eger qajet bolsa, sodan keyin ğana biz öz tarihımız üşin jauap beremiz.

Qarañız, Oskanyan mırza, men prem'er-ministr bolğanğa deyin Armeniya men Türkiyanıñ arasında aviabaylanıs bolğan joq. Men onı aştım. Bwl – bir.

Ekinşiden, meniñ elimniñ şığısında Van degen köl bar. Van kölinde Akdamar degen aral bar. Osı aralda armyandar köp twradı. Şirkeuleri bar. Osı şirkeu qwlap qalğanda biz onı qaytadan salıp berdik. Mwnı öz qalauımızben istedik, eşkim bizdi qıstağan joq.

Qazir Tür­kiyada azamattığı joq 40 mıñnan astam ar­myan jür. Olar nege Türkiyağa qa­şıp keldi? Osı swraqtı özderiñe qoyıp köriñderşi. Nege keldi? Öytkeni bizdiñ eldiñ azamattığın alğan armyandarğa jaylımız.   Aramızda eşqanday mäsele joq. Türkiya – beybitşilik pen dostıqtıñ eli.

Taulı Qarabaq mäselesinde     Min­ski tobı mäseleni şeşe almadı. Biraq Armeniyanıñ basqınşı ekenin bükil älem bilip otır. Qarabaqtı bosatıñdar, äskerdi alıp ketiñder! Jüzdegen mıñ äzirbayjandıqqa öz otanına oraluına mümkindik beriñ­der! Olar da bizdiñ bauırlarımız. Mäse­leni şeşu jolında nege kons­truk­tivti jol izdemeysiñder?! Kimniñ basqınşı ekenin, kim jerinen ayırılğanın anıqtayıq”.

Bwl – Türkiyanıñ prezidenti Erejep Erdoğannıñ Armeniya biligine qarata aytqan sözi. Jiında Armeniyanıñ sırtqı ister ministri bastağan delegaciya otırdı. Ündey almadı, jiın barısında da, jiınnan keyin de.

24 säuir küni Armeniya “Osman imperiyasınıñ armyandarğa qarsı jasağan genocidine 100 jıl tolğanın” qaralı kün retinde atap ötti. Sol küni Resey prezidenti Vladimir Putin Erevanğa barıp, armyandardıñ “bwdan 100 bwrın­ğı qayğı-qasiretin” bölisti. “Jappay qırıp-joyudı aqtauğa bolmaydı, bizdiñ wstanımımız ayqın” dedi. Erevanğa Franciya prezidenti Fransua Olland ta barıptı.

Putinniñ bwl sözine Erdoğan qattı şamdandı. Ol bılay dedi: “Putinniñ bwl äreketine qattı reniştimin. Genocid turalı söz qozğağan eken, onda Resey öz tarihına da köz salsın. Ötkenin eske tüsirip, Qırımğa qatıstı jauap bersin! Reseydiñ “genocid” degen sözdi aytıp otırğanı birinşi ret emes. Ol Ukraina men Qırımdağı jağdaydı qalay tüsindiredi?!

Putin de, Olland ta Armeniyağa barmauı kerek edi. Aldımen olar öz tarihındağı qara tañbadan qwtılıp alsın!”.

Putinniñ baspasöz hatşısı D.Peskovtıñ aytuına qarağanda, Resey prezidenti Erdoğannıñ renişinen habardar. Biraq Putin de eşteñe aytpadı. Putinge aytatın da eşteñe joq qoy. Mwndayda qazaq “öziñ diuanasıñ, kimge pir bolasıñ” demeytin be edi.

zhasalash.kz