Balalardı qorğau küni Öskemen halqı üşin iri merekelerden kem ötken joq. Drama teatr aldında qalanıñ barlıq mektepteriniñ oquşıları jwrtşılıqqa köteriñki köñil-küy sıylap, än men bidiñ körkin qızdırdı. Qala halqın qattı tamsandırğanı – bir mezette 300 öskemendik jas önerpazdıñ Qwrmanğazı küylerin orındauı. Teatr akterlarınıñ balalarğa degen sıyı da erekşe. Mädeni ortalıqtıñ ülken zalında teatrdıñ qazaq jäne jäne orıs truppası «Eki dos nemese deldal qarğa», «Kişkentay Muktıñ kişkentay ğana äñgimesi» spektakl'derin qoydı. Spektakl'di teatrğa kelgen jas meymandarmen birge oblıs äkimi Danial Ahmetov tamaşaladı.
Aymaq basşısı bwdan keyin Öskemendegi äleumettik-medicinalıq mekemedegi balalardı töl merekesimen qwttıqtadı. Atalmış mekeme 1 mausımğa däldep, mümkindigi şekteuli balalarğa arnayı jaz aylarında täulik boyı jwmıs isteytin oñaltu lageriniñ aşıluın merekelik şaramen atap ötti. Lagerge 16 mümkindigi şekteuli bala tirkelgen. Öñir basşısı mekeme balalarınıñ önerin tamaşalap, olardı meyramımen qwttıqtadı. «Qadirmendi balalar. Bügingi merekeleriñmen şın jürekten qwttıqtaymın. Däl bügingidey quanış külkisi üyirilgen jüzderiñmen ata-analarıñdı şattıqqa bölep jüre beriñder», – dedi D.Ahmetov.
Aymaq basşısınıñ nazarınan oblıstıq ana men bala ortalığı da tıs qalğan joq. D.Ahmetov bala süyip, baqıtqa bölenip otırğan otbasılarğa gül şoqtarı men sıylıqtar tabıs etti. Ortalıq direktorı Raya Rahimovamen birge, ana men balağa sapalı qızmet körsetu jwmıstarın küşeytu boyınşa oy almasqan aymaq basşısı keleşekte jergilikti därigerlerdiñ Europa elderi men Oñtüstik Koreyada biliktiligin arttıru üşin oblıstıq byudjetten qajetti qarajat bölinetinin mälimdedi.