Almatıdağı atıs: Küdiktilerdi körgender bar
kerey.kz
Oqiğa kuägerleri keşe Almatıdağı bazarda policiyamen atıstı dep habarlanğan azamattardıñ bwğan deyin sauda-sattıqpen aynalısıp kelgenin aytadı.
Azattıqqa bwl fotonı jibergen oqırman: «Jibek jolı» bazarında policiyanıñ küdikti eki adamdı wstau operaciyası kezindegi atıstan bülingen kölik» dep sipattaydı.
Beysenbi küni keşke Almatınıñ Alatau audanındağı «Jibek jolı» bazarında policiyanıñ küdikti eki adamdı wstau operaciyası kezinde atıs bolıp, bir küdiktiniñ oqqa wşıp qaza tapqanı habarlanğan.
Azattıq tilşisi oqiğa bolğan jerge – Almatı qalasındağı Rayımbek dañğılınıñ qaladan batıs bağıtqa şığa beristegi twsında twrğan «Jibek jolı» bazarına bügin tañerteñ bardı.
Jwmıstarına endi kelip jatqan satuşılardıñ köbi keşe qanday oqiğa bolğanın bilmeydi. Olardıñ sözine qarağanda, bazar keşki sağat 5-ten öte jabıla bastaydı, al keşegi atıs keşki sağat 6:30 şamasında bolğan.
Azattıq tilşisimen söylesken satuşılardıñ keybiri oqiğanı sırttay körgenin aytadı. Basım köpşiligi avtoköliktiñ qosalqı bölşekterin satuğa arnalğan «Jibek jolı» bazarınıñ şet jağında qwrılıs materialdarın satatın birer qatar bar. Satuşılardıñ sözine qarağanda, policiya men belgisiz adamdardıñ arasındağı atıs osı qatarlardıñ aldındağı kölik qoyatın twraqta bolğan. Atıs kezinde bazardağı keybir sauda orındarı äli jabılıp ülgermegen. Saudagerler «alğaşında feyerverk atılıp jatır dep oylap jaqındap barmaq bolğanımızda arnaulı jasaq qızmetkerleri quıp jiberdi, atıs bolıp jatqanın keyin alıstan bayqadıq» deydi. Olardıñ sözine qarağanda atıs 15-20 minutqa sozılğan.
“Jibek jolı” bazarındağı atıs bolğan orın. Almatı, 26 mausım 2015 jıl.
Oqiğanı sırttay körgenderdiñ aytuınşa, atıs kezinde policiyağa qarsılasqandardıñ biri osı jerde ölgen, ekinşi qattı jaralanıp qolğa tüsken.
Atıs boldı delingen jerde kölik äyneginiñ sınıqtarı men rezeñke qolğap, tağı da basqa wsaq-tüyekter şaşılıp jattı. Biraq tünimen jauğan jañbırdan keyin asfal't sumen şayılıp ketken.
Satuşılardıñ biriniñ sözinşe «policiyağa qarsılasqan» delingen eki jigit «Jibek jolı» bazarındağı satuşılarğa kal'kulyator, qalamsap sekildi wsaq-tüyek zattar äkep ötkizip jürgen.
– Bizdiñ biluimizşe, olar – Almatı oblısı Şelek audanınıñ jigitteri. Bizdiñ qatarımızda qwrılıs materialdarın satatın Wzınağaş auılınıñ azamatına kelip, äñgimelesip twratın. Üşeui de saqal qoyğan. Eki jıl bwrın «Bereke» bazarında da wsaq saudamen aynalısatın. Ol kezde saqaldarı joq edi, – deydi atı-jönin aytudan jäne videokamerağa söyleuden bas tartıp, tek diktofonğa söyleuge kelisken satuşı äyel.
Onıñ sözine qarağanda, körşiles konteynerdegi wzınağaştıq jigit soñğı aptada bir sağattay ğana sauda jasap, älgi eki jigitpen birge ketip qalıp jürgen. Satuşı äyel künara kelip twratın eki jigittiñ keşe keşke deyin bazarda kidirip qalğanın aytadı. Policiyanıñ arnaulı jasağı kelgende bazar işindegi avtotwraqta twrğan Daewoo Damas markalı kölikte eki adam otırğanın körgenin aytqan kuäger «olardıñ naqtı kimder ekenin, qoldarında qaru bolğan-bolmağanın bilmeytinin» mälimdedi.
“Jibek jolı” bazarındağı atıs (oqırman joldağan video)
Azattıq tilşisi jaraqattanğan adamdar jetkiziletin Almatı qalalıq jetinşi klinikalıq auruhanağa habarlasqanda, tirkeu bölimi keşe auruhanağa oq tiip jaralanğan eşkim tüspegenin ayttı. Al Almatı qalalıq işki ister departamentiniñ (İİD) baspasöz qızmeti telefon twtqasın almadı.
İİD saytındağı derekke qarağanda, «käsipkerdi tonaudı josparladı» degen küdikke ilingen eki adam – Şığıs Qazaqstan oblısınıñ tumaları. Olar keşe keşke policiyağa oq atıp qarsılıq körsetken. Atıs kezinde küdiktilerdiñ biri oqqa wşıp qaytıs bolğan, ekinşisi tiridey qolğa tüsken. İİD dereginşe, küdiktiler mingen kölikten «karabin, revol'ver men travmatikalıq tapanşa tabılğan». Departament bwl oqiğağa qatıstı tergeu-tekseru şarası jürip jatqanın ayttı.
Pikir qaldıru