– El'mira, aldımen twmandı Al'bionğa qalay barıp jürsiz?
– Almatıdağı T.Rısqwlov atın­dağı joğarı oqu ornın eko­nomika mamandığı boyınşa qızıl diplommen bitirip, qarjı mamanı bolıp şıqqan soñ da, arı qaray oquımdı jalğas­tır­ğım keldi. Sebebi bügingi zamanda bilimsiz eşqayda attap basa al­maysıñ. Söytip, London biznes-mektebinde azamattıq qwqıq boy­ınşa bakalavrdı bitirdim jäne qarjı magistriniñ diplomın alıp şıqtım.
Özimniñ käsibi eñbek jo­lım­dı äueli tuğan Qazaqstanımda, Qarjı ministrliginiñ salıq ko­mitetinde jwmıs isteuden basta­dım. Salıq salu men onı ji­naudıñ ädisnamasın, normativti aktilerin tüzuge qatıstım. Salıq salasındağı älemdik tärtipterdi tolıq meñgeru üşin qosımşa Amerikağa barıp oqıp, säyke­sinşe sertifikatqa ie boldım. Qazir Angliyada osı taqırıppen belsendi türde şwğıldanudamın.
Amerikada joldasım ekeumiz tört jıl twrdıq. Londonda tw­rıp jatqanıma bes jıl boldı. London ortalığındağı investi­ciya boyınşa eñ üzdik konsal­tingtik kompaniyalardıñ birinde Angliya zañdılıqtarınıñ qatañ talabına säykes klienttermen qalay jwmıs isteu boyınşa bağa jetkizgisiz täjiribe jinaqtadım desem boladı. Nätijesinde osın­­da özimniñ jeke kompaniya­m­nıñ negizin qaladım.
– Siz basqaratın firma nemen aynalısadı? 
– Firmamız ağılşınşa Regal Oak International LTD dep ata­ladı, qazaqşa aytsaq «Korol'dik emen». Bilim, jıljımaytın mü­lik, qarjı jäne salıq, t.b. sala­lar boyınşa sarapşılıqpen aynalısamız. Qwdayğa şükir, sapalı eñbektiñ arqasında ta­bıstı jwmıs jürgizudemiz, özimiz de, klientterimiz de dän riza. Ame­rikadan jinağan täjiri­bem­niñ arqasında Angliyağa qonıs audarğan nemese qonıs audarmaq talay adamnıñ jat jerge tezirek siñisip ketuine, üy aluına, jwmıs tabuına, bilim aluına köp kö­me­gim tiyude. Almatıda, Astanada, Aqtöbede de ofisterimiz bar. Son­day-aq kompaniyamız Qazaq­stan­nan bölek Armeniya, Äzirbay­jan, Qırğızstan, Moldova, Tä­jik­stan, Özbekstan jäne Gruziya elderinde de qızmet körsetedi.
Biz London, Wlıbritaniya bo­yınşa bilim beru salası, so­nı­men qosa twrğın üy, sayahat jäne studentterdi, magistrant­tardı, turister men immigranttardı qızıqtıratın basqa da köptegen mäselelerdiñ, swraqtardıñ är­kimge de tiimdi, qolaylı, uaqıttı ünemdeytin jaqtarın qarastı­ruğa ärdayım dayınbız.Mäse­len, jeke klinikalar, sauıqtıru bağdarlamaları, bosanu, auru­hana, lizing, öner men sän, toy ötkizu, tağı da basqa da köptegen  swraqtar boyınşa sapalı qızmet körsetemiz. Türli qwjattar boyınşa kömektesemiz. Ärkimniñ jeke qalauı boyınşa, twrıp jatqan audanın eskere otırıp, mektep jağdayın qaras­tı­rıp, jıljımaytın mülik tañ­dauğa, Wlıbritaniyada avtokölikti jalğa nemese satıp aluına qız­met körsetemiz. Biz, qajet bolğan jağdayda, avtokölik saqtandıru boyınşa da qızmet körsetuge, dilerler turalı auqımdı aq­parattı wsınuğa da zor üles qo­su­damız.
Sonday-aq London, Wlıbri­taniya jerine qadam basqandardıñ josparlap kelgen qızıqtı de­ma­lıstarınıñ köñildi ötuin qa­ras­tıramız. Turisterdiñ avtobuspen nemese jeke turmen, gidpen tari­hi qalalarmen (Londonğa, Warwick Castle, Oksford, Kembridj, Windsdor Castle, Lids, Stoun­hendja, Bath, Stratford, Cotswolds) tanısuğa, sayahatqa baylanıstı biletterin tiimdi bağağa satıp aluğa, bron' jasauğa, qonaqüy, meymanhana, hostel jalğa aluğa qızmetimizdi wsınamız.Balabaq­şadan bastap, mektep (jeke, mem­lekettik), lingvistikalıq (ağıl­şın tilin meñgeretin) jäne basqa da käsibi kurstarğa , joğarı oqu orındarına (bakalavriat, magis­tratura, doktarantura) tüsuge bay­lanıstı tolıq sapalı aq­parattar wsınamız. Studentterge jataqhana tañdaudıñ tiimdi jo­lın wsınamız. Bizde jıljı­may­tın mülik narığındağı derekter ünemi jañartılıp twradı. Qıs­qası, sättiliktiñ kiltin London, Wlıbritaniya memleketinen izde­genderge Korol'dik emen qaşan da sapalı qızmet körsetuge dayar.
– Otbasıñız jöninde birer söz aytsañız?
– Joldasım Ermek te qarjı salasınıñ qızmetkeri. Almatı­nıñ «Aqsay» şağın audanında körşi twrdıq. Ol mektepte orıs­şa oqığan. Özim qazaq balabaq­şasında tärbielenip, Almatı­dağı 147-qazaq mektebin 16 ja­sımda üzdik bitirgenmin. Jol­dasım ekeumiz de universitette birge oqıdıq. Oqi jürip bas qos­tıq. Eki qızımız bar, bolsa da ağılşın mektebinde oqidı. Üyde tek qazaqşa söylesemiz. Äke-şe­şem Almatıda twradı. Äkemniñ esimi – Islam, policiya qızmet­keri bolıp jürip zeynet dema­lı­sına şıqqan. Qazir de qol qu­sırıp otırğan joq, basqa sa­lada eñbektenude. Anam Aygül şa­ğın biznespen aynalısadı. Ku­li­na­riya mamanı. Özim üydiñ twñ­ğı­şımın. Siñlim men inim bar.
– Europadağı qazaqtar turalı ne deysiz?
–Bwrınnan twratın, yağni Türkiyadan 80-jıldarı köşip barğan 400-dey jergilikti qazaq­tar turalı aytsam, ökinişke qaray, olardıñ köbisi ana tilin wmıtıp bara jatır. Jastar ja­ğın aytam. Bügingi wrpaqtıñ ana tilinen ajırap bara jatqan­dı­ğına ata-anaları alañdauşılıq bildiredi. Balalarımen ağılşın­şa söylesedi. Olardı qoyşı, özi­mizdiñ Qazaqstannan oquğa barğan talay jastıñ qazaqşa bilmeytindigin körgende eriksiz qarnıñ aşadı. Amal joq, qazaq balalarımen orısşa tüsinisuge tura keledi. Londonda twratın qazaqtardıñ negizin osı elden kelgen studentter qwraydı. De­gen­men, ağılşındar qazaq ba­lalarınıñ talanttılığına tañ­ğaladı. Londonda twratın jaña qazaqtar qalanıñ eñ auqattı au­danında twradı.Onda da til mä­se­lesi aldıñnan şığadı. Bola­şaq­ta qajetti şaralar qol­da­nılmasa jaña buın qazaqtar, twrğan elde­riniñ mädenietin jäne salt-däs­türlerin qabıldap, assimilyaciya bolıp ketetini anıq. Mäsele balağa beriletin wlttıq til men mä­deniette. Angliyadağı ata-ana­larğa jükteletin jauapker­şilik öte köp. Biraq sol ata-analardıñ özderi de ana tilden maqwrım. Olarğa qol wşın beru eñ aldımen Qazaqstandağı tiisti orındardıñ aldında twrğan mindet. Ärine, Europadağı Qazaq mädeniet or­talıqtarı jastarğa qazaq tiliniñ oqıtılu jwmıstarımen şwğıl­danıp jatqanı anıq. London­dağı Qazaqstan elşiligi, ondağı qazaq mädeniet ortalığı degen­dey. Degenmen, Qazaqstannıñ da atsalısqanı dwrıs. Al özimizge kelsek, alısta jürsek te jüre­gimiz tek «qazağım» dep soğadı.
– London men Almatınıñ erekşeligi nede? 
– Mwnda bizdegimen salıstır­ğanda tamaq qımbat ta, kiim öte arzan. Qala öte taza. Şahardı qaq jarıp Temza özeni ağadı. Biraq köşeleri tar. Köneniñ közi sanalatın säuletti ğimarattarı köp. Sayabaqtar da jetedi. Twr­ğındar ıñğaylı kez kelgen jerge otıra beredi. Özderine ıñğaylı kiim kiinedi. Ol jaqtıñ halqı köbine üyden göri meyram­hana­lardan tamaqtanğandı qwp köredi. Qalada turister öte köp. London turalı söz ayta berseñ tau­sılmaydı.