– Allo!
– Allo! Bwl kim?
– Kimdi izdediñ?
– Tanıdıñ ba?
– Jwldız ba ediñ?
– Iə, seniñ jwldızıñmın,
Jan aşpağan sırdı izdedim.
– Keşiriñiz! Kim ediñiz?
– Bir swludıñ tiregimiz,
Əzir boydaq, basımız bos…
– Bos orınğa gül egiñiz!
Soñğı kezde tüsirilgen klipterdiñ işinde äzili de, mäni de, ädemi syujeti de bar «Allo» köptiñ köñilinen şıqqanı dausız. Bir jağınan aqboz attı hanzadasın kütken boyjetken turalı ertegige de wqsaytın beynebayanda bäri bar. Auıldıñ aruı men qaladağı jwldız jigittiñ wyalı telefondağı än-dialogınan jastıq, swlulıq, armandar men mahabbat ta tabıladı. Közge ottay basılatın tanıs suretter änşilerimen qosılıp, qazirgi bozbala men boyjetkenderdiñ bükil tilekterin äldileydi. Qısqası, qazirgi zamannıñ ertegisi.
Ne desek te ayaqtalğan jılda Serik Ibragimovtiñ orındauındağı «Jayau», Qayrat Nwrtas pen Janar Dwğalova salğan «Sen meni tüsinbediñ», Beybit Köşqaliev aytatın «Qaytesiñ özgeni», «MwzArt» tobınıñ «Jeñeşem» änderimen qatar «Allo» da op-oñay hitqa aynaldı. Nege?
Öytkeni, mağınasız jılauıq änderden jalıqqan tıñdarmanğa sözderi qwlaqqa qonatın, sazı oynaqı «Allo» wnap twr. Atalmış änge köp wzamay tüsirilgen klip te şındıqqa janasadı. Romantika bar. Anayılıqtan ada.
Sonımen, klip tıñdarmandarına jol tarta salısımen äleumettik jelidegi belsendi qauımnıñ pikirleri köbinese «Änniñ avtorları kim eken? Jılauıq änderden şarşağan, estigisi kelmeytin adamdarğa jaqsı eken». «Beynebayannıñ özi de qanday jaqsı! Ömirden oyıp alğan bir körinistey eken şınımen». «Äni de, sözi de wnadı. Tek «Kel, sırlasayıq, Kel, sırlasayıq, Qosılğan solay köp egiz» degen jerin tek jigit aytuı kerek pe edi dep oylaymın» degendey twrğıda örbidi.
«Bükil Qazaqstan «Allo» dep «azan» şaqırıp twrğanday… Tünniñ jarımı… Alıstan «Allo» jetip jatır», dep jazdı Feysbuktegi öz paraqşasında Ömir Şınıbekwlı. Özgeler kelisti.
– Bwl änniñ eleñdetetin erekşe bir tarihı joq. Biraq qazirgi estradada orındalıp jürgen änderden basqaşa bir şığarma jasağımız keldi. Qarap otırsaq, mahabbat jaylı änderdiñ bäri bir birine wqsas bolıp baradı. Biz solarğa wqsamaytın tıñ taqırıpqa barıp, sol bağıtta jwmıs jasadıq. Änşilerdiñ arasınan qazaqı änder aytatın Erke Esmahandı tañdap aldıq. Sözi men sazı jazılğanda orındauşılardıñ dauısı, imidji eskerildi, – deydi Töreğali Töreäli.
«Bizdiñ «Allo» äni men oğan tüsirilgen beynebayan xalıqtan «jaqsı» degen bağa alıp jatır! Osı bağanı alu üşin eñbek ettik, demek maqsatqa qol jetkizdik!» dep jazdı Erke Esmahan öziniñ jeke äleumettik paraqşasında.
Al klip tanımal prodyuser Bayan Esentaeva men Töreğali Töreäliniñ äkesi Töräli Tölepovtiñ ideyasımen tüsirilgen. Änniñ sözin jazğan aytıs aqını Qaynar Alaközov, änin jazğan Qwral Moljanov. Osı arada osı eki talanttıñ tandeminen, yağni Qaynar Alaközov pen Qwral Moljanovtıñ şığarmaşılıq odağınan özge de tanımal änder tuğanın aytu kerek. Mäselen, Töreğali Töreäli orındap jürgen «Bol janımda», Nwrbolat Abdullin şırqaytın «Süygeniñ qayda?» änderi osı künderi eñ tanımal hit änderdiñ qatarında.
Osılayşa änşi Erke Esmahannıñ erkeligi, twsauın aytıs kesken talant Töreğali Töreäliniñ jaña dueti köpşilikke wnadı. Öner aydınındağı jañalıqtardan qwlağı türik jandar soñğı uaqıtta bwl darındar duet türinde sahnağa köbirek şığıp jürgenin bayqağan da bolar.
Özi de aytısta hit bolğan änderge parodiya jasap jürip, az uaqıtta estrada törinen orın alğan Töreğali Töreäliniñ aytuınşa, ol bar bolğanı 4 jasında alğaş ret Naurız merekesinde köptiñ aldında öner körsetken. Bayqoñırdıñ balası, Töretamnıñ tuması önerpaz äkesine erip jürip, twñğış ret 7 sınıpta «Äke men bala» klipine tüsipti. Qızılorda öñirinde tanımal äuletten şıqqan änşiniñ tıñdarmandarına äli de aytarı köp. Ol jay orındauşı emes, aqın jigit. Qwday bergen sahnalıq kelbeti men ambiciyası bar.
Al «Jeke ömirim turalı mwnan bılay eşkimge aytpaymın» dep özine özi talap qoyğan änşi Erke Esmahan Bayan Esentaevanıñ «Shine Stars Production» prodyuserlik ortalığındağı arulardıñ biri. «İñkär» tobınıñ qwramınan şıqqan änşi qazir özi sahnağa jeke şığıp jür. Erkeniñ dauısı men kelbetine tıñdarmandarı dau ayta almaydı.
Atıma zatım say bolsın deytin qağidanı wstanatın Erke Esmahannıñ jeke şığarmaşılığı «İñkär» tobınan keyin bastaldı. Bayan Esentaevanıñ qoldauımen «Ayşa Bibi» änine tüsirilgen beynebayan onı tıñdarmandarına kädimgidey tanıttı.
«Änşi bolmasam, änşi bolar edim» deytin Erke Esmahan ömirde aqıldı, baysaldı adam, baqıttı ana boluğa tırısadı.
Aynaş ESALI,
«Egemen Qazaqstan».
ALMATI.
Pikir qaldıru