Bwl kisiniñ azan şaqırılıp qoyılğan qıtayşa atı Ma YUn.  Djek Ma degen atpen älemge tanılğan Qıtaydağı eñ bay adam, Alibaba dep atalatın internette tovar satuğa arnalğan eñ iri portaldıñ negizin qalauşı. Sol kisiniñ wlına jazğan hatı qazir bükil qıtayğa tipten bükil älemge tez tarap ketti, sonı audarıp wsınıp otırmın.

Sağan bwl hattı jazuıma 3 närse sebep boldı;

1. Tağdırdı boljap bolmaydı, eşkim de öziniñ qanşa ömir süretinin bilmeydi, sondıqtan key närselerdi erterek aytqan dwrıs.
2. Men seniñ äkeñmin, mwnday aqıl keñesti sağan men aytpağanda kim aytadı.
3. Sağan aytatındarımnıñ barlığı meniñ ömir jolımda kezdesken kedergilerden alğan sabaqtarım, sondıqtan osı sätsizdikterimdi qaytalamauıñ üşin paydası bolar dep sanadım.

1) Seni jaqtırmağan, sağan naşar közqaraspen qarağan adamdarğa eşqaşan renjime, öytkeni şeşeñ ekeuimizden basqa eşkim de sağan borıştar emes. Eger de bireu sağan qamqorlıq tanıtar bolsa onı qadirley bil.

2) Ömiriñde kezdesken kez kelgen adamdı nemese bağalı zattı, basqa eşkim, eşnärse onıñ ornın basa almaydı dep qarama, osı közqarasta mıqtı bolsañ bolaşaqta asılıñnan ayırılıp qalsañ da sabırlı bola alasıñ.

3) Ömir öte qısqa, däl qazir uaqıtıñdı bosqa ötkizip jürgeniñdi däm-twzıñ tausıla bastağanda bilesiñ, ömirdi qanşalıqtı erterek qasterley bastasañ ömirden alatın lzzatıñ da sonşalıq köp boladı. Wzaq ömir sürudi armandağannan göri uaqıttı ünemdey bilgen dwrıs.

4) Mahabbat degen bir türli sezim ğana, bwl sezim uaqıttıñ ötuimen, jasağan ortañnıñ auısuımen birge özgerip otıradı. Eger künderdiñ birinde süygeniñnen ayırılıp qalsañ sabırlılıqpen küt, uaqıttıñ özi barlığın wmıttıradı, köñiliñ de sabasına tüsedi. Mahabbattan bal jwtam dep ölermendene berilip te ketpe, mahabbattan keletin qayğıdan qabırğañ qayısıp şögip te ketpe.

5) Köptegen tabısqa jetken käsipkerlerdiñ bilimi ortaşa bolğan, biraq bwl qwlşına üyrenbegen adam da tabısqa jete aladı degendik emes. Esiñde bolsın bilimiñ eşkim sennen tartıp ala almaytın eñ mıqtı qaruıñ. Adam bilimsiz de käsip jarata aladı, biraq bilimsiz bäribir de onı damıta almaydı.

6) Qalğan ömirimde men sağan meni baq dep talap qoymaymın, däl sol siyaqtı sen kämelettik jasqa jetken soñ meniñ de jauapkerşiligim ayaqtaladı. Ömir boyı qoğamdıq kölikpen jüresiñ be älde Mersedes minesiñ be, qara köje işesiñ be älde may şaynaysıñ ba, ol öz qolıñda.

7) Öziñ uadege berik bol, biraq basqalarğa bwl talaptı qoya almaysıñ. Basqalarğa ünemi iltipatpen qara, biraq basqalarğa da öziñe jaqsı közben qara dep talap qoya almaysıñ. Sen olarğa qalay qarasañ olar da sağan solay qaray bermeydi. Eger osı aqiqattı jete tüsine almasañ ömirde bası artıq keleñsizdikterge wşıray beresiñ.

8) Men 26 jıl boyı lotereya biletin satıp alıp kelemin, äli bir de bir ret wtqan joqpın, tipti 3 därejeli wtısqa da jetkem joq. Bwl degenimiz adam tabısqa jetu üşin qwlşına üyrenip, tınbay eñbek etu kerektiginiñ däleli, mına älemde aqı almaytın ashana joq.

9) Ömir bir aq ret beriledi, sondıqtan da et jaqın tuısqandarıñdı, janaşır jaqındarıñdı qadirley bil, Ekeuimiz de mäñgi birge bola almaymız, qara köz jwmılğan soñ eşqaşan qauışa almaymız.

Bwl hattı oqıp bitken kezde sende eki tañdau boladı;

Birinşisi, sen mwnı odan arı damıtıp, öziñe mäñgi azıq bolatın ruhani kömekşi etip saqtaysıñ.

Ekinşisi, eşteñe oqımağan körmegendey bolıp bwrınğı ömiriñdi jalğastırasıñ.

Qıtayşadan audarğan: Serjan Qasen

serjan.kz