Qazaqstanda mwğalimderdiñ jalaqısın 500 mıñ teñgege köterudi wsınuda
kerey.kz
Ekonomikalıq daular boyınşa zañger Jangeldi Süleymanov Qazaqstanda mwğalimderdiñ jalaqısın 500 mıñ teñgege deyin köterudi wsınuda.
«Älemdegi eñ mañızdı mamandıqtardıñ biri, ol – mwğalim mamandığı. Naq sol adamdar bizdiñ balalarımızdı oqıtadı, olarğa bilim beredi, balanıñ twlğalıq qasietterin qalıptastıratın da solar. Biz, ata-analar, täulik boyı jwmısta jüremiz de, balalarımızben tek keşki asta söylesemiz. Mwğalim bizdiñ balalarmen birge bizden on ese köp boladı. Biz balalarımızdıñ tağdırın mwğalimniñ qolına berip qoyğanbız. Sondıqtan bizdiñ mwğalimder barlıq jağınan üzdik boluları tiis. Moral'dıq, ziyatkerlik, sonıñ işinde qarjılıq twrğıdan da. Bügin mwğalimder 50 mıñnan 100 mıñğa deyin ğana jalaqı aladı. Osınau asa jauapkerşiligi mol äri auır eñbek üşin bwl tım az», – deydi ol öziniñ Feysbuktegi paraqşasında.
Advokattıñ aytuınşa, mwğalimder künine 15 sağattan, demalıssız qızmet etedi. Pedagogikalıq jwmıspen qatar, esep toltıru siyaqtı türli byurokratiyalıq jwmıstar bar. «Büginde mwğalimderdiñ jwmısı eñ stresske tolı jwmıs deuge boladı, sebebi olardıñ märtebesine nwqsan kelgen, al sıylı bolmağan adamğa balalardı jaqsı dünielerge susındatu öte qiın», – deydi ol.
«Sonımen qatar mwğalim mamandığı olardan birneşe ese köp jalaqı alatın jäne zeynetaqıları qamtamasız etilgen ministrlerden, sottardan, generaldardan, deputattardan äldeqayda joğarı. Prezidenttiñ «bizdiñ elge eñbekke adal emes qızmetkerlerdi auıstıru üşin şetelden sauattı äri mıqtı mamandardı tarta almay otırmın» dep aytqan sözi bar edi. Bizge eşkim de kerek emes, bizge özimizge sauattı jäne bilimi joğarı adamdardı şığaruımız kerek. Biraq onı jasau üşin bizdiñ mwğalimder üzdiktiñ üzdigi boluı şart. Al ol üşin mwğalimderdiñ jalaqısın birneşe jıl boyı, kezeñ-kezeñmen 500 mıñ teñgege deyin köteru qajet. Sol kezde ğana mwğalimder otbasın asırauğa qajetti aqşanı oylaudı doğaradı, sonımen qatar mwğalimder arasında bayqaular jürgizilip otıradı. Osı twsta bizdiñ bilim beru deñgeyimiz joğaradı, ata-analar qosımşalarğa balaların jiberip, balanı äurege de salmaytın boladı.
Men tüsinemin, bwl iske milliardttağan qarajat qajet. Biraq sauattı jäne oylı qoğam tumayınşa, şeksiz tabiği baylıqtar, türli bağdarlamalar men reformalar bizge kömektese almaydı. Tağı da ayta ketetin jayt, bizdiñ barlıq mektepter Nazarbaev ziyatkerlik mektepterinen kem tüspeui şart. Balalardıñ barlığı birdey, sondıqtan birdey jağdaylarda bilim aluları kerek», – dep tüydi sözin zañger.
QazAqparat
Pikir qaldıru