ТҮКПІРДЕГІ ТІНТУ
Оңтүстік Қазақстан облысы, Отырар ауданы, Сарыкөл елді-мекенінде қарасты үлкен аралды Тоқтар Төлешовтың сатып алғаны белгілі. Бірнеше жылдан бері сол жерде «есірткі плантациясын жасағаны» туралы сөздің тарағаны да рас. Бұл туралы halyknews.kz сайты да жазған еді. Астанадан келген арнайы жасақ енді сол аумақты тінтуге кірісті. Айналасы мықтап қоршалған аралдың алты күзетшісін қамауға алып, алдын-ала тергеу шаралары басталып кетті. Сенімді ақпарат көздерінің айтуынша, арал күзетінің бастығы Григорий Козловтың үйінен еш жерде тіркелмеген бірнеше мылтық, тапанша және граната табылған. Аралда «зығырмен қоса апиын өсірді» деген ақпарат алдын-ала мәлімет бойынша шындыққа сай болып шықты. Бірақ есірткіні өндіріс мақсаты үшін өсірді ме, әлде күзетшілердің өздері тұтынбақ болды ма, ол жағы әлі белгісіз. Белгілісі — алты күзетшіні де «еш жаққа кетпеймін» деген қолхатпен, қайтадан бостандыққа шығарып жіберген.
Halyknews.kz
Пікір қалдыру