تۇكپىردەگى ءتىنتۋ
وڭتۇستىك قازاقستان وبلىسى، وتىرار اۋدانى، سارىكول ەلدى-مەكەنىندە قاراستى ۇلكەن ارالدى توقتار تولەشوۆتىڭ ساتىپ العانى بەلگىلى. بىرنەشە جىلدان بەرى سول جەردە «ەسىرتكى پلانتاتسياسىن جاساعانى» تۋرالى ءسوزدىڭ تاراعانى دا راس. بۇل تۋرالى halyknews.kz سايتى دا جازعان ەدى. استانادان كەلگەن ارنايى جاساق ەندى سول اۋماقتى تىنتۋگە كىرىستى. اينالاسى مىقتاپ قورشالعان ارالدىڭ التى كۇزەتشىسىن قاماۋعا الىپ، الدىن-الا تەرگەۋ شارالارى باستالىپ كەتتى. سەنىمدى اقپارات كوزدەرىنىڭ ايتۋىنشا، ارال كۇزەتىنىڭ باستىعى گريگوري كوزلوۆتىڭ ۇيىنەن ەش جەردە تىركەلمەگەن بىرنەشە مىلتىق، تاپانشا جانە گراناتا تابىلعان. ارالدا «زىعىرمەن قوسا اپيىن ءوسىردى» دەگەن اقپارات الدىن-الا مالىمەت بويىنشا شىندىققا ساي بولىپ شىقتى. بىراق ەسىرتكىنى ءوندىرىس ماقساتى ءۇشىن ءوسىردى مە، الدە كۇزەتشىلەردىڭ وزدەرى تۇتىنباق بولدى ما، ول جاعى ءالى بەلگىسىز. بەلگىلىسى — التى كۇزەتشىنى دە «ەش جاققا كەتپەيمىن» دەگەن قولحاتپەن، قايتادان بوستاندىققا شىعارىپ جىبەرگەن.
Halyknews.kz
پىكىر قالدىرۋ