Prezident jarlığımen 2016 jılğı 28 naurızda tiisti komissiya qwrılıp, Qazaqstan Respublikası Täuelsizdiginiñ 25 jıldığın merekeleudiñ «Birlik pen Jasampazdıqtıñ 25 jılı»  twjırımdaması, Memlekettik komissiya turalı ereje men onıñ qwramı bekitildi.

G.Äbdiqalıqova öz sözinde Memleket basşısınıñ: «Täuelsizdik jıldarı respublikamız tarihi damu twrğısınan ğajayıp serpilis jasadı. Bizdiñ Qazaqstan – Wlı Dala Eli, Jañğırğan Wlı Dala Eli! Bwl bizdiñ asqaq añsarımız äri erekşe maqtanışımız!» degen sözine toqtalıp ötti.

Memlekettik hatşı Täuelsizdiktiñ 25 jıldığın merekeleu memlekettiliktiñ odan äri nığayuına, halıqtıñ birligi men barlıq qazaqstandıqtıñ «Mäñgilik El» qwndılıqtarı ayasında toptasuına mümkindik beretindigin ayttı.

Sonday-aq ol Täuelsizdik mereytoyın merekeleu bostandıq, birlik, twraqtılıq, jasampazdıq, örkendeu siyaqtı «arqaulı qwndılıqtarğa» negizdeletinine erekşe män berdi. Ärbir ay Täuelsizdiktiñ jetistikteri men «Mäñgilik El» qwndılıqtarınıñ birine  arnalatın boladı.

Otırıs barısında Täuelsizdiktiñ 25 jıldığına arnalğan is-şaralardı dayındau jäne ötkizu jönindegi özara is-qimıl men memlekettik organdardıñ, jwrtşılıqtıñ jäne bwqaralıq aqparat qwraldarınıñ jwmısın üylestirudiñ negizgi mäseleleri talqılandı.

Otırıs ayasında Memlekettik komissiya müşeleri men şaqırılğan qonaqtar Täuelsizdiktiñ 25 jıldığına arnalğan «Täuelsizdik tarihı: Qazaqstan jolınıñ qarıştı qadamdarı» attı derekti fotokörmeniñ aşılu räsimine qatıstı.

Otırıstı qorıtındılağan Memlekettik hatşı josparlanıp otırğan is-şaralardı sapalı äri uaqtılı iske asıru qajettigin aytıp, jwmıstı äri qaray wyımdastıruğa baylanıstı birqatar naqtı tapsırma berdi.