QR prezidenti N. Nazarbaevqa QR Bilim jäne ğılım ministri E. Sağadievqa Senat jäne mäjilis deputattarına BAQ ökilderine Bilim jüyesi, Qazaq eliniñ mektep jasındağı wrpağına kezekti eksperiment jürgizbekşi. Soraqısı osı jolğısı tilimizdiñ mülde öşuine (bwl wlt öşuiniñ alğışartı ekeni sözsiz) qoyılğan töte jol. Sebebi mektepterde endi 2 pän ğana qazaqşa – Qazaqstan tarihı jäne qazaq tili, qalğan barşa jaratılıstanu pänderi ağılşınşa ötpek, orıs tili jäne dünie jüzi tarihı orısşa ötpek. Bwl – wltqa degen qarusız, aştıqsız, t.b. fizikalıq türmen emes, biraq naqtılı ruhani genocid dep bağalauğa äbden bolatın jahandıq şara. Öytkeni barşa mamandar, öte juıq bolaşaqta (qazaq tili men Qazaqstan tarihı mamandarınan basqaları) ağılşın tildi bolmaq. Barlıq ğılımnıñ alğışartı jaratılıstanu pänderi ekeni belgili. Bwl qazaq tili ğılımnan ığısadı, alğaşqıda qoldanu ayası mülde tarılıp, soñınan tarih qoynauına ketedi degen söz. Öytkeni qoğamdağı qatınas – sol qoğamdı qwrap otırğan mamandardıñ tilinde ötetini anıq. Osı orayda, bwnıñ QR konstituciyasına müldem qayşı ekenin, jäne Elbasımızdıñ 2 joldauın: (- 2012-jılğı:: «qazaq tili 2025-jılğa qaray ömirdiñ barlıq salasında üstemdik etip, kez kelgen ortada kündelikti qatınas tiline aynaladı. Osılayşa, täuelsizdigimiz bükil wlttı wyıstıratın eñ bastı qwndılığımız – tuğan tilimizdiñ mereyin üstem ete tüsedi. Tilge degen közqaras şındap kelgende elge degen közqaras ekeni dausız. Sondıqtan oğan bey-jay qaray almaymız», – 2014-jılğı: «Qazaq tili ğılım men bilimniñ, internettiñ tiline aynaldı. Endi eşkim özgerte almaytın bir aqiqat bar. Ana tilimiz Mäñgilik elimizben birge mäñgilik til boladı»), eske sala otırıp, QR barlıq mektepterdegi bastauış sınıptardıñ memlekettik tilde boluın, orta mekteptiñ 70 payızınan kem emesi memlekettik, qalğanı swranıs tilinde boluın talap etemiz. Şetel tilderi: ağılşın, nemis, t.b. tilder pän retinde, qajettilik boyınşa, gumanitarlıq jäne jaratılıstanu bağıttarı boyınşa oqıtılsın. Qazaq tiline, ädeyi, ürkitu piğılmen jasalıp otırğan qastandıq – halıqaralıq terminderdi qazaqılau doğarılsın. Öytkeni är damığan tolıqqandı ömir süre alatın tilder – jümıs tili, yağni zamanaui tehnika men tehnologiyalar tili, – bwnday tilderdiñ belgili qwramı, bwl köp boluı da mümkin, halıqaralıq termindegi kirme sözder. Tek osı jolmen jürsek qana, tarihta, öz wltın tili arqılı joyğan memleket retinde qalmaytınımızğa, kerisinşe wltımızdıñ aldındağı parızımızdı är azamat sezinip, damığan memleketterdiñ ortasınan ornımızdı oyıp ornığatınımızğa senimdimiz. 1 Beysenbay tegi R.Z. pavlodar q., telefon 8701-182-52-65