Osı tayauda ğana telejäşikten Astanada ötken senbilikti kördim, biraq bwl jerde senbilik turalı aytayın dep otırğan joqpın. Aytayın degenim – Astana qalasınıñ äkimi Ädilbek Jaqsıbekov turalı.

Senbiliktiñ ayağında bir telejurnalist jigit moynı sorayğan mikrofonın Ädilbek Jaqsıbekovke wsınıp:

– Senbilik qalay ötti dep oylaysız? – dedi qazaq tilinde. Ä.Jaqsıbekov endi orısşa jauap beredi-au dep oyladım. Oylağanıñ ne, solay kesip-pişip te qoyğanmın. Ädilbek Jaqsıbekov qazaqşa täp-täuir jauap qaytardı. Riza bolğanım-ay! Ädilbekke kädimgidey işim jılıp qaldı.

Men bwrındarı bılay estitinmin: “Ädilbek Jaqsıbekov qazaqşa üyrenip jatır, biraq erkin söyleudi äli meñger­mepti. Ana tilinde şala söylep twrğannan qattı qımsınatın körinedi. Qazaqşa söylemeytini de sodan eken…” jäne t.b. Meniñşe, Ä.Jaqsıbekovke bwdan bılay batıl, eş qımsınbay qazaq tilinde söyley beru kerek dep oylaymın. “Köş jüre tüzeledi”, osılay söyley berse, tili de jattığıp, özi de kösile, şeşile söyleuge üyrenip, äli-aq ana tiline bauır basıp alatın boladı.

Bäri nietten bastaladı. Men eñbek ardageri, qariya retinde Ädilbektiñ “qazaqşa söyleyinşi” degen nietin şın jüregimmen qwptap otırmın. Osılay jii-jii söyley berseñ, aynalayın Ädilbek, azdağan kedir-bwdırdan öziñ-aq arılasıñ.

“Niet” degennen şığadı, qazirgi Sırt­qı ister ministri Erlan Idırısovtıñ “Basımdı auıstırmasañdar, endi qazaqşa üyrene almaymın…” degenin es­tigende, tiksinbegen qazaq qalmadı. Nietin qaraşı, qanday jaman! “Üyrene­min! Üyrenuge tırısamın!” dese qayter edi?! Büytip ayta almaydı, öytkeni niet joq!

zhasalash.kz