RESEY tilinde söylegen QASIMOVTI ŞIPOVSKIH QAZAQŞA söylete almadı…
kerey.kz
Jaraysıñ, deputat! Jaramaysıñ ministr!
Jezqazğandağı kölik jürgizuşisi betine kişi däretin şaşıp jibergen policeyge qatıstı ükim qayta qaraluı mümkin dep habarlaydı KTK arnası.
5 jılğa sottalğan Tölegen Igibekovke İşki ister ministriniñ özi araşa tüsti. Qalmwhambet Qasımov kesilgen jazamen kelispey, Joğarı sotqa hat jazıptı. Mäjiliske esep beruge kelgen ministrden qaramağındağı saqşını qalayda qorğap qaludı deputattar da talap etti.
Ädette, är düysenbi mäjilis ministrlerdi qabıldaydı. Kezek Qalmwhambet Qasımovqa kelipti. İşki ister ministri esep bermes bwrın policeylerdiñ jaña qwral-jabdıqtarın körsetip, deputattardıñ köñilin aulamaq bolğan. Mäjilismender körmege asa qızığa qoymadı. Birden ministrden 5 jılğa sottalğan jezqazğandıq policeydiñ tağdırına araşa tüsudi talap etti. Qasımov ta qarap qalmaptı.
“Ükimge qarsılıq bildirdik. Joğarı sotqa hat jazdım. Policey 5 jılğa sottaldı. Al, tärtipsiz jürgizuşi jazalanbadı. Sot saraptaması da onıñ denesi jaraqtanbağanın däleldep berdi”, – deydi İşki ister ministri Qalmwhambet Qasımov.
Oqiğa bıltır bolğan. Tölegen Igibekov kezekşilik kezinde mas jürgizuşini toqtatadı. Onıñ spirttik işimdik işkenin därigerler de rastağan. Alayda, mwnı moyındamağan jürgizuşi kişi däretin saqşınıñ betine şaşıp jibergen. Jauap retinde policeydiñ jürgizuşini şapalaqpen tartıp jiberuin, sot auır qılmıs dep, 5 jılğa sottap jibergen. Mäjilismender endi mas azamattıñ da jazalanuın talap etude. Qazir onsız da bwl salada adam twraqtamaydı. Jılına 6 jarım mıñ policey qızmettin tastap ketedi eken. Öytkeni, jwmıs auır, jalaqı öte tömen.
“Endi osınıñ aldın toqtatpaytın bolatın bolsaq, halqımız osı işki ister qızmetkerlerin audannan quıp şığatın şığar. Osını siz tikeley baqılauıñızğa ala alasız ba?”, – dedi mäjilis deputatı Omarhan Öksikbaev.
Jasöspirimder arasındağı qılmıstıñ statistikasınan da adam şoşidı. Kämelettik jasqa tolmağan 100 mıñnan astam bala İşki ister ministriliginiñ baqılauında twr. Jasöspirimderdiñ qolınan bıltır 23 azamat ölim qwşqan. Bwğan jüzdegen wrlıq-qarlıq, wrıp-soğudı qosıñız. 
“Soñğı 8 jıldıñ köleminde respublika boyınşa uaqıtşa oqşaulau ortalığı, beyimdelu mekemelerine 70 mıñnan astam kämelettik jasqa tolmağan jasöspirimder jetkizildi. Sizge swrağım, osı körsetkişterdi azaytu üşin qazirgi kezde naqtı qanday is-şaralar qoldanıp jatırsızdar?”, – dedi mäjilis deputatı Gennadiy Şipovskih.
Bwl eñ jas mäjilismenniñ alğaş ret deputat retinde söz aluı. Alayda, qazaqşa swraq qoyğan Şipovskihke Qasımov memlekettik tilinde jauap beruge jaramadı.
“Swraqqa rahmet! Rwqsat bolsa, men orısşa jauap bereyin. YA skazal, çto nam nado zanimat'sya. Kakie şkolı nam nado reşat'. Vsego u nas 8 uçebnıh zavedeniy i vsego odna specşkola dlya teh, kto soverşil prestuplenie”, – dedi İşki ister ministri.
Jasöspirimder arasındağı qılmıstıñ artuına birden-bir sebep – mektep inspektorları jetispeydi eken. Oğan qosa, tärtibi qiın balalardı oqıtatın arnayı mekeme de joqtıñ qası.
Bwdan bölek, mäjilismender İşki ister ministrinen jwrt tünde köñil köteretin orındarda qatañ tärtip ortanudı talap etti. Basqa qalanı aytpağanda, Astanada jeñil jüristi qızdar men naşaqorlar bas qosatın kafe, bardıñ qaptap ketkeni sonşalıq, Las Vegas jolda qaladı deydi deputattar. Sondıqtan, mäjilismender tüngi 12-den keyin spirttik işimdikti twtınuğa müldem tıyım saludı wsındı.
Derek közi: KTK
Pikir qaldıru