BILİK DIALOGQA KELMEDİ. QASIMOV MIRZA JAUAP BERİÑİZ!
kerey.kz
Suret äleumettik jeliden alındı
21-mamır Qazaqstan tarihında qalatını sözsiz. Eşkimdi alañğa şığuğa ügittemedim. Özimniñ demokratiyalıq qwqığım boyınşa, QR Qılmıstıq jäne äkimşilik kodeksterinde körsetilgen erejelerdi saqtay otırıp alañğa bardım. Men jurnalistpin. BAQ turalı zañda körsetilgendey meniñ aqparat aluğa jäne taratuğa mümkindigim bar edi. Alayda, Almatıdağı jağday astañ-kesteñ, alağay da, bwlağay boldı. Men ne kördim, ne istedim? Bilik şe?
Äueli, Qazaqstan azamattarınıñ Qazaqstan Respublikasında beybit jinalıstar, mitingiler, şeruler, piketter jäne demonstraciyalar wyımdastıru men ötkizu tärtibi zañda bekitilip bergen edi (http://adilet.zan.kz/kaz/docs/U950002126_). Jwrt alañğa «geroantokratiyalıq» bilikti qwlatu, nemese memlekettik töñkeris jasau üşin şıqqan joq edi. Mäsimov Ükimetiniñ «Jerdi satu jäne jalğa beru» turalı şeşimine narazılığın bilikke jetkizu edi. Qazaqstan Prezidenti Nwrswltan Nazarbaev bwl şeşimge moratoriy jariyalağanımen, bwl mäselede soñğı şeşimdi jañadan qwrılğan «Jer komissiyası» wsınatını tağı belgili. Alğaşında 75 adamnan qwrılğan komissiyanıñ eki müşesi Maqsat İliyaswlı men Maks Boqaev müşelikten öz erikterimen şıqqannan soñ, olardı İİD qamauğa aldı. Al komissiya qwramında qalğan azamattıq qoğamnıñ az ökili dauıs bilikşil qwramnıñ basım dauısına tötep bere almaytını tağı ras. Demek, ondağı ahual tüsinikti. Halıq ta, qazir aqparattan maqwrım emes. Osınıñ bärin körip-bilip otırğan almatılıq jwrt alañğa jinalıp, Bauırjan Baybek mırzağa arız-talaptarın qoymaqşı edi. Ökinişke oray, bilik dialogqa kelmedi. Ötirik bolsa, aytıñızdar. Alañğa halıqtıñ talap-tilegin tıñdauğa kim keldi? Almatı qalalıq İşki sayasat basqarmasınıñ basşısı Sayasat Nwrbek keldi (https://www.facebook.com/azattyq/?fref=ts). Kostyum-şalbar, galstuk kiip, birli-ekili adamnıñ sözin tıñdağanday boldı. Almatı äkimdiginiñ ökili retinde kelgen Sayasat Nwrbek ne dedi? «Amal joq qoy. Dialog qwrayıq» dedi. Degeni sol-aq, eken, janında twrğan jandayşaptar (OMON, policiya) Sayasat Nwrbektiñ köziniñ aldında söylesip twrğan azamattardı küşpen kölikke süyrep tıqtı. Säkeñ şe? Qolın beline qoyıp twrıp, «läm-mim» demedi. «Äy, qoyıñdar» degen de joq. (Osıdan säl ilgeride Atırauda ötken beybit şerude oblıs äkimi Nwrlan Noğaev halıq arasına kirip, kostyummen emes, jempirmen, qolına oralka wstap twrıp, halıqpen ortaq til tapqan edi) Wstalğandar men wstağandarğa qarap twrdı. Bwl biliktiñ ambiciyasın anıq körsetti.
Ekinşi mäsele, alañdağı oqiğalardı tüsirip, aqparat taratuğa nöpir jurnalister de keldi. Betterine betperde kigen qasqırlar (OMON, policiya) közine köringen, qolına wstalğan adamdı kölikterge küştep tığıp, Almatıdağı türli AİİB bölimşelerine jetkizdi. (Almalı, Türkisib t.b.) Osı nöpirdiñ işinde almatılıq onşaqtı jurnalist te bar edi (Toqtaräli Tañjarıq, Qasım Amanjolwlı, Maqsat Tolıqbay, Asılhan Mamaşwlı, Nwrtay Lahan t.b.)
Al keşe ğana mälimdeme jasağan İşki ister ministri general Qalmwhambet Qasımov «jurnalisterdi qamamañdar, jiberiñder» demep pe edi? Sonda, İİM öz jendetterine öz sözin tıñdata almağanı ma? Dälirek, almatılıq policeyler üşin ministr Qasımovtıñ söziniñ qwnı kök tiin bolğanı ma? Joq, bügin İİM, Äkimşilik policiyasınıñ ökili Igor' Lepaha jurnalisterdiñ wstaluın jäy ğana «tüsinispeuşilik» dedi (https://www.nur.kz/1135364-v-mvd-nazvali-zaderzhanie-zhurna…)
Jä, oğan da köndik. Sonda alañdağı oqiğalardı tüsirip jürgen jurnalisterdiñ käsibi jwmısına kedergi keltirgeni üşin şığındı Q.Qasımov basqaratın İİM ötep bere me? Älde, İİM soldattarı (OMON, policeyler) QR BAQ turalı zañına tükirgenderi bar ma? (http://adilet.zan.kz/kaz/docs/Z990000451_).
Alañğa jwrt jinaldı. Jürt işinde men de twrdım. Öktem bilik ögey äkedey, halıqtıñ qwqığın taptap, ezgilep, janşılap, kölikterge süyrep jattı. Wstaldım, sıtılıp şıqtım. Özime berilgen mümkindikti (QR QK, ÄK, BAQ turalı zañdar negizinde) paydalandım, jurnalist ekenimdi aytıp, berilgen joqpın. Biraq… Wstalğandar qanşama?!
Beybit maqsatta alañğa şıqqan jwrttıñ közdegeni ne edi? Közdegeni bilikpen dialog qwru. Biraq, bilik mwnı qalamaptı. Qamattı.
Üşinşi biz qwqıq qorğauşıları dep jürgen, şen taqqan policeyler qwqıq qorğauşı emes, qwqıq bwzuşi bolıp şıqtı. Oğan da bügin közimiz jetti. Beybit jwrttıñ qwqıqtarın ayaqqa taptağan policeylerge endi kim senedi? Biliktiñ jauabı: «olar tınıştıqtı qorğau üşin keldi alañğa». Swraq: kimnen? Halıqtan ba? Bilikti halıqtan qorğau üşin be? Döp solay. Sonda biliktiñ negizgi qwrılımı qanday? Bilik kim üşin? Halıq üşin emes pe edi? Aşıq dialogtan jaltarğan biliktiñ qulıq-swmdıqtarı äli de äşkerelene jatar. Aytpaqşı, alañğa şığıp, wstalğandardñ äleumettik jelilerge taratqan beyne jazbalarında policeylerdiñ wstalğandarğa küş qoldanı, soqqığa jıqqandığı aytıladı. Ökinişti jağday.
Bwğan qatıstı BWW mälimdeme jasap, Qazaqstan biliginen azamattardıñ söz bostandığı men jurnalisterdiñ qwqığın bwzbauğa şaqırdı (https://www.facebook.com/azattyq/?fref=ts). Demek, bügingi jağday älem narazına ilindi.
BWW nemese şeteldik BAQ desek, Qazaqstandağı halıqtıñ demokratiyalıq qwqığın ayaqa taptap, köpe-körneu jala japqan Euraziya arnası eske tüsedi. Keşe arandatuşı arna tağı da aqparat tarattı (http://www.1tv.kz/ru/news/video20052016/glavnye/1). Respublika men Almatı alañdarınıñ mağayınan jarılğış zattar tabıldı dedi. Keşe atalğan aqparat payda bolğan soñ, men Almatı qalalıq İİD baspasöz hatşısı Saltanat Äzirbekpen jedel swhbat jasadım. Sol jerde, men mınau qoldan wyımdastırılğan aqparat ekendigin tikeley ayttım. «Joq, basımız ekeu emes qoy»,-dedi Saltanat Äzirbek. Ökinişke oray, Saltanat hanım kim habarlap aytqanın aşıp aytpadı. «Halıq»,-dedi bar bolğanı. Bes adamnıñ twtqındalğanın aytqanımen, olardıñ kim ekendikterin qanşa qazbalap swrağanımmen aytqan joq. Demek, äzirge olardıñ kim ekendikteri belgisiz. Jañalıqtarda armatura, temir-tersekter, janarmay qwyılğan bötelkeler men qaru-jaraq körsetildi. YAğni, alañğa keletinder däl osınday jabdıqtalıp keledi degen mälimet jetti.
Al käne, aytıñızdarşı, bügin alañğa şıqqan halıñtıñ tım bolmasa bireuinen joğarıda atalğan tektes zattar tabıldı ma? Wstalğandardıñ tım bolmasa bireuinen qaru tärkilendi me? Joq, halıqtıñ maqsatı da bwl emes edi. Ökinişke oray, älgi arna tağı da jalğan aqparat taratqan edi.
Qwrmetti bauırlar, men bilikke qarsı nemese qanday da bir sayasi toptıñ müşesi emespin. Özimniñ azamattıq poziciyam bar, qatardağı jurnalistpin.
Kwrmetti Qalmwhambet Qasımov mırza! Birinşi kezekte men halıqpın. Biz halıqpız. Bizdi qudalaudı, qamaudı, bizden arandatuşı, bilikti tökeruşi jasaudı doğarıñızdar! Halıq bilikke qarsı emes. Kerisinşe, biliktiñ halıqqa keluin, aşıq dialogqa şığuın ğana qalaydı. Jeri üşin, Eli üşin, kerek bolsa Elbası üşin alañğa şıqqan halıqtan qılmısker jasaudıñ keregi qanşa?
Qwrmetti ministr mırza! Mına swraqtarıma jauap beriñiz! Sizder kimniñ qwqığın qorğaysızdar? Kimderden? Alañğa şıqqan halıq kim edi? Policeyler men OMON nege QR Konstituciyasındağı erejelerdi eskermedi? Ol üşin kim jauaptı?
Nwrgeldi Äbdiğaniwlı
facebook paraqşasınan alındı
Pikir qaldıru