qwndı qazınasımen quanttı

Biıl ala jazday Tarbağatay, Mañıraq jäne Sauır taularınıñ tüyisken alqımında jatqan Şilikti jazığında arheologiyalıq qazba jwmıstarı jürgizildi. Şığıs öñiriniñ arheologiya salasındağı ğılımi-zertteu jwmıstarın damıtu josparı şeñberinde patşa obaları köptep ornalasqan bwl jazıqtağı eñ iri qorğandı qazu jwmıstarı biılğı jıldıñ mamır ayında bastaldı.

Arheologtar men studentterdiñ künge küyip, jauın-şaşınğa su bolıp jürip atqarğan eñbegi nätijesiz bolğan joq. Juırda obada eki adamnıñ jerlengeni belgili boldı. Sonımen birge sarkofagtan bağalı zattar tabıldı. Bwl bizdiñ babalarımızdıñ zergerlik şeberligine tağı da tänti etken altın bwyımdar edi.

Oblıs äkimi Danial Ahmetov Zaysan audanındağı jwmıs saparı ayasında atalğan qazba jw­mıstarımen tanıstı. №16 qor­ğandağı qazba jwmıstarınıñ näti­jesin körgennen keyin aymaq basşısı jauaptı twlğalarğa qorğandı üstinen jauıp twratın jäne köne jerleu ğwrpın turis­terdiñ köruine mümkindik beretin kümbez qwrılısı jobasın äzir­leudi tapsırdı.

– Qorğannan tabılğan zattar öte erekşe. Bwl bwyımdar babalarımızdıñ zergerlik öner­di öte biik därejede meñger­genin körsetedi. Sondıqtan öz äleue­timizdi paydalanıp, etnoturizmdi damıtu infraqwrılımdarın qolğa alamız. Däl osı ispetti qwrı­lım Berelde de twrğızıluda, – dedi D.Ahmetov.

Qazba jwmıstarı şegine jetip qalğan eskertkiştiñ biiktigi 8,5 metr, diametri 88 metrdi qwraydı. Oba bizdiñ zamanımızğa deyingi VII ğasırğa tän. Arheologiyalıq zertteu jwmıstarınıñ nätijesi boyınşa, topıraq üyindisi men şımmen qalanğan qabattan tas üyindisi şığıp, onıñ astınan ağaş börenelermen qorğalğan tabıtqa eki adam jerlengeni anıqtaldı. Tonalğanına qaramastan, obadan ata-babalarımızdıñ üzdik zergerlik şeberlikterin ay­ğaqtaytın qwndı bwyımdar tabıl­dı. Äsirese, saq taypalarınıñ dästürli januarlar beynesinde jasalğan altın äşekeyleri men tarı dänindey kişkentay altın tüyindikteri erekşe äserge böleydi. Kişkene tüyindikterge wsaq qwlaqşalar japsırılğan. Altın äşekeylerdi kiimge qadağan eken. Bwl sol zamannıñ özinde-aq babalarımızdıñ önerdi şeberlik deñgeyine kötergenin, zergerliktiñ qwpiyasına jetik bolğanın äri şağın dänekerleu tehnikasın paydalanğanın körsetedi.

Sarkofag-pavil'on dayın bol­ğannan keyin, Şilikti auıldıq okruginde turisterdi qabıl­day­tın infraqwrılımdı damıtu jwmıs­tarı bastalmaq. Osı ayada taudıñ say-salasın qualap keletin joldıñ jağdayı da tüzelip qaluı mümkin.

Duman ANAŞ,

«Egemen Qazaqstan»

Şığıs Qazaqstan oblısı,

Zaysan audanı