«Orda» tobınıñ müşesi Erbolat Bedelhan jelide tarap ketken geylerge qatıstı mälimdemeniñ oğan eş qatısı joqtığın aytıp, NUR.KZ portalına swhbat berdi. Redakciya Erbolat Bedelhannıñ “geylerdi qoldaytını” turalı aqparat bwğan deyin portalda şıqpağanına basa nazar audartadı.

FOTO ASIL BEDELHANNIÑ INSTAGRAM PARAQŞASINAN ALINDI

Jelide «Orda» tobınıñ müşesi Erbolat Bedelhan geylerdi qoldaytını turalı mälimdeme jasadı degen qañqu söz tarauda. Jeli qoldanuşıları Instagram jelisindegi shyndykz dep atalatın paraqşada jariyalanğan Erbolat Bedelhannıñ «mälimdemesin» qızu talqılap jatır.

Atalğan paraqşa avtorı belgisiz sebeptermen osığan qatıstı material NUR.KZ portalında jariyalandı degen jalğan aqparat taratqan. NUR.KZ portalı bwl twrğıda saytta eşqanday material jariyalanbağanın eskertedi.

Jalğan aqparattıñ taqırıbınan bastap, öne-boyında qatelerdiñ örip jürgenin bayqauğa boladı. Bwl mäselege qatıstı eşqanday mälimdeme jasamağanın jäne taralıp ketken aqparattıñ jalğan ekenin änşiniñ özi de rastap otır. Ol öziniñ jelidegi paraqşasına: «Ötirik eşqaşan jerde jatpaydı ağayın. Amal bar ma, keşiremin! Sirä, öz qazağım», – dep jazdı.

Erbolattıñ mwnday mälimdeme jasağanına onıñ tıñdarmandarı da senbey otır.

«Eşqanday dəleliñiz bolmağasın osınday nərsemen jala japqıñız kele me? Ağatay, sıpsıñ ösekke ere bermeñiz, wyat boladı. Bireudiñ sırtınan erkek basıñızben ğaybat aytu ülken künə bolıp sanaladı», «Admin! Eldi bir-birine aydap salmay, aldımen sauattı jazıp üyren!», «Sengen de joqpın» – dep jazdı qoldanuşılar.

Osı orayda NUR.KZ portalınıñ tilşisi Erbolat Bedelhannıñ özinen bwl jaytqa qatıstı pikirin swrap, habarlastı.

- Soñğı taralıp jatqan aqparattarğa qatıstı sizdiñ pikiriñizdi bileyik dep edik…

- Men bwğan qatıstı eşqanday agressiya bildirgim kelmeydi. Kim de kim bolmasın, men olardı keşirem. Sebebi, ol jekelegen adamdardıñ oyı boluı mümkin. Paraqşamda da olardı keşirgenimdi jazğanmın. Men bwdan 17 jıl bwrın jwmıs istey bastağanda, tek qana jastarğa jwmıs isteytinimdi aytqanmın. Bwl qiın ba? Ärine qiın. Materialdıq jağınan da, moral'dıq jağınan da. Oyın-sauıq industriyası dep jatamız, ol kimge kerek? Ülken kisilerge kerek pe? Älde jastarğa kerek pe? Bükil älemdik oyın-sauıq industriyası auditoriyası – jas balalar.

Jastarğa ükimet tarapınan bolsın, halıq tarapınan bolsın, kim ne istep jatır? Al endi sonı damıtuğa kelgen kezde, mine, osınday kedergiler şığadı aldıñnan. Bwdan “nege bizdiñ şou-biznes damımaydı?” degen swraq tuındaydı. Şou biznesti damıtatın – jastar. Tek qana jastar. Al, qazirgi tañda, bizdiñ şou-biznes toyğa arnalğandıqtan, biz tek lokal'dik, yağni jergilikti twrğıda ğana damıp jatırmız.

Sodan kelemiz de, biz tañ qalamız, nege bizde sapasız muzıka köp,  jaqsı muzıka joq dep. Jastar şarşadıq dep aytadı. Al jañağı oqiğağa baylanıstı aytarım, men olarğa eşnärse demeymin. Onday adamdardıñ 21-ğasırğa say emes ömir süru saltına baylanıstı men olardıñ pikirine eşnärse ayta almaymın. Eger men aytatın bolsam, onda men aqtalğanday bolamın. Sonda men geylerdi qoldap otırğanday bolıp şığamın.

- Siz qanday da bir BAQ közine osığan qatıstı pikir ayttıñız ba?

- Eşqaşan. Meniñ geylerge eşqaşan eşqanday qatısım bolmağan. Olardı qoldağan emespin. Men eşqanday BAQ-qa bwğan qatıstı mälimdeme jasağan joqpın. Eşqaşan. Bwnı men aqtalıp otırmın dep tüsinbeñizder, men aqtalmaymın. Sebebi, men aqtalatınday eşkimge eşnärse aytqan da joqpın, jasağan da joqpın.

Esteriñizge salsaq, Erbolat Bedelhan jaqında ğana üşinşi balanıñ äkesi atandı. Onıñ jarı –  tanımal änşi, bwrınğı “Dauıs International” tobınıñ müşesi Asıl Bedelhan. Bwl süyinşi habardı estigen jeli qoldanuşıları olardıñ otbasın bwl quanışpen qwttıqtap jatır.