Memleket basşısı Qazaqstan halqın Täuelsizdik mereytoyımen qwttıqtadı.

– Täuelsizdiktiñ 25 jılı – bizdiñ buınnıñ uaqıt ölşemine sıymaytın teñdessiz erligi. Osı mereytoylıq jılda Qazaqstannıñ Birikken Wlttar Wyımı Qauipsizdik Keñesine saylanuınıñ simvoldıq mäni bar. Parlament qabıldağan Täuelsizdiktiñ 25 jıldığı deklaraciyası bizdiñ wlı jetistikterimiz ben jeñisimizdi ayşıqtağan mañızdı sayasi-qwqıqtıq qwjatqa aynaldı, – dedi Qazaqstan Prezidenti.

Nwrswltan Nazarbaev täuelsizdik kezeñindegi bastı jetistikterge toqtalıp ötti.

– Jetekşi halıqaralıq sarapşılardıñ pikiri boyınşa, elimiz älemge Qazaqstannıñ «ekonomikalıq ğajayıbınıñ» jarqın ülgisin körsetti, – dedi Elbası.

Bwdan bölek, Memleket basşısı qoğamnıñ qarıştap damığanına nazar audardı.

– Biz beybitşilik pen kelisimniñ biregey modelin qalıptastırdıq. Jalpı halıqtıñ qalauımen qwrılğan Halıq assambleyası barlıq wlttı qanatınıñ astına alıp, basın biriktire bildi. Eñ bastısı, kez kelgen adam «Men – qazaqstandıqpın, bwl – meniñ elim, men mwnda baqıtımdı taptım!» dep ayta alatın ädiletti qoğamdı ornattıq, – dedi Qazaqstan Prezidenti.

Nwrswltan Nazarbaev qarqındı damıp kele jatqan megapolis, jaña elorda – Astananıñ qwrıluın bastı tabıstarımızdıñ biri retinde atap ötti.

Elbası ekonomikalıq jetistikter arqasında halıqtıñ äl-auqatınıñ naqtı ösimin qamtamasız ete alğanımızdı ayttı. Memleket basşısı Ükimetke äleumettik bağdarlamalardı iske asıru barısında 2017 jılı zeynetaqı mölşerin biılğı deñgeyden 20 payızğa, sonday-aq bala tuuğa baylanıstı bir jolğı memlekettik järdemaqı mölşerin de 2017 jılğı 1 şildeden bastap 20 payızğa wlğaytudı tapsırdı.

Qazaqstan Prezidenti elimizdiñ halıqaralıq arenadağı tabıstarına, sonıñ işinde euraziyalıq ekonomikalıq integraciya salasındağı bastamalarına, jahandıq antiyadrolıq qozğalıstağı köşbasşılığımızğa, bitimgerşilik maqsat jolına jwmsağan küş-jigerimizge erekşe nazar audardı.

– Jaña eldiñ irgesin qalağan bügingi zamandastardıñ eren eñbegi uaqıt öte kele, tipti mıñ jıldan keyin de wrpaqtarımızğa Otanımızdı odan äri ilgeriletu jolında demeu bolıp, septigin tigize beredi, – dedi Memleket basşısı.

Soñında Nwrswltan Nazarbaev barşa qazaqstandıqtardı merekemen tağı da qwttıqtap, halqımızğa mol tabıs pen zor jetistikter tiledi.