Şeteldik barlauşılar Qazaqstan turalı barlıq aqparattı ortalıqqa jiberip otırğan. Onda qazaqtardıñ qanday tamaq jep, qanday ispen şwğıldanatını tolıqtay aytılğan.

“Mıqtı, qaharlı, saqaldı qazaqtardıñ kelbeti birden közge tüsedi. Olar moñğoloidtıq bet-älpetke ie, boyları qısqa, tolıq kelgen. Terisi qoñırqay, şaştarı qara äri tik, denelerin tük basqan”, – dep amerikalıqtar qazaqtardı sipattağan.

Tıñşılardı qazaqtardıñ bet-älpetinen bölek, ädet-ğwrıptarı da qızıqtırğan.

“Qazaqtar jabayı bola twra qarapayım, sıpayı, qonaqjay, qolı aşıq adamdar”, – delingen qwjatta.

Barlauşılar qazaqtardıñ tağamına da toqtalıp ötken.

“Qazaq taypalarınıñ kündelikti as-auqatı kelesidegidey: 50% süt, 40 % et, 10 % astıq. Olar mülde kökönisterdi qoldanbaydı. Qazaqtar etti jaqsı jeydi, onı quırıp jegendi wnatadı. Jılqı etinen jasalğan şwjıq – olardıñ bastı tağamı. Kedey adamdar süt pen irimşik jeydi. Olardıñ, tipti qoy etin jeuge mümkindigi joq”, – deydi amerikalıqtar.

Qazaqtar – öte mıqtı, äri tözimdi köşpendiler

“Qazaqtar kün sayın sütpen şay işip, köp qımız işedi. Qımız olarda şaraptıñ ornında, ondağı alkogol' ülesi eki-üş payızdı qwraydı. Qazaqtar – öte mıqtı, äri tözimdi köşpendiler. Degenmen arasında jalqaulıqtarı basım adamdar da bolıp jatadı. Olar qoy, siır, jılqı, tüye bağadı, odan basqağa köbine ikemi joq», - dep jalğastırdı tıñşılar.

Jolauşılardı öltirip, tonap ketedi

“Olardıñ keybiri qısta ülken jolğa şığıp, qaraqşığa aynaladı. Jolauşılardı öltirip, tonap ketedi. Key kezderi jabayı añdardı aulap, terisin satadı”, – delingen qwjatta.

“Qazaqtar şabandozdıqtı öte şeber meñgergen – balaları bes-altı jasınan attıñ qwlağında oynaydı. Al on jasar balalar jılqınıñ sırqatın birden anıqtay aladı. Olar jılqınıñ üstinen tüspey jerdegi zattı oñay köteredi”, – dep tañdanıstarın jasırmadı barlauşılar.

QazAqparat mälimetine säykes, AQŞ Ortalıq barlau basqarması (OBB) 1995 jılı Bill Klintonnıñ prezidenttik jarlığımen qwpiyalılığın joğaltqan 775 mıñ qwjattı (13 mln. betten twradı) jariya etti.