Elbası Bilim jäne ğılım ministri Erlan Sağadievti qabıldadı
Kezdesu barısında Memleket basşısına Bilim jäne ğılım ministrliginiñ 2016 jılğı jwmısınıñ qorıtındıları jöninde esep berildi.
Nwrswltan Nazarbaev bilim jäne ğılım jüyesiniñ aldağı reformalardı, Qazaqstan Prezidentiniñ «Qazaqstannıñ üşinşi jañğıruı: jahandıq bäsekege qabilettilik» attı joldauın iske asırudağı mañızdı rölin atap ötti.
– Biz el işinde de, şeteldik oqu orındarı qabırğasında da kadrlar dayarlau isi boyınşa auqımdı jwmıstar jürgizdik. Üş tilde bilim beruge, cifrlıq oqıtu ädisine köşip jatırmız. Bilim jäne ğılım ministrligi aldında bwl salanı odan äri damıtuğa baylanıstı zor mindetter twr. Qajetti adam resurstarınsız joldauda alğa qoyılğan mindetterdi orındau, sonıñ işinde tehnologiyalıq jañğırudı jüzege asıru, «Cifrlıq Qazaqstan» memlekettik bağdarlamasın iske asıru mümkin emes, – dedi Qazaqstan Prezidenti.
E.Sağadiev Memleket basşısına bilim berudiñ jañartılğan mazmwndağı formatın engizuge, bes kündik oqu aptasına köşuge, bazalıq oqulıqtar äzirleuge qatıstı ministrlik jürgizip jatqan reformalar turalı bayandadı.
Soñında Nwrswltan Nazarbaev bilim beru jüyesinde iske asırılıp jatqan özgeristerdiñ nätijelerin atap ötip, olardı aqparattıq twrğıdan qoldau mäselelerine, sonday-aq qoyılğan mindetterdiñ iske asırılu qajettigine nazar audardı.
Kezdesu qorıtındısı boyınşa Elbası birqatar tapsırma berdi.
Pikir qaldıru