|  | 

Жаһан жаңалықтары

Қазақстан Зимбабведе платина өндіруге қатысады

Зимбабве астанасында су алуға кезекте тұрған әйелдер мен балалар. Хараре, 1 желтоқсан 2008 жыл.

Зимбабве астанасында су алуға кезекте тұрған әйелдер мен балалар. Хараре, 1 желтоқсан 2008 жыл.Finanсial Times газеті Қазақтанды инвестиция құюға ең тиімді дамушы елдердің бірі ретінде көрсеткен. Шетел баспасөзі Қазақстанның Зимбабведегі жаңа мәмілесі жайлы да хабарлайды.

ҚАЗАҚСТАНДЫ МАҚТАҒАН МАҚАЛА

Ұлыбританияның Financial Times газеті жариялаған Стив Джонсон есімді автордың «Қазақстанда ызғардың беті қайтып келеді» деген мақаласында елде шетелдік инвесторлар үшін жаңа мүмкіндіктер бары айтылған. «Қазақстан байырғы автократ билеушісі архитектуралық зәулім ғимараттарға табынатын және экономикасы Ресей мен мұнайға барынша тәуелді ел ретінде көбірек белгілі шығар. Бірақ сарапшылар мен инвесторлар Орталық Азияның жер көлемі Батыс Еуропаға барабар осы бір ірі республикасына дамушы әлемнің ең қарымды елдерінің бірі ретінде тағзым етуге кезекке тұратын тәрізді» деп жазады мақала авторы.

Елдегі жағдайға қатысты мақалада «әлемде мұнай бағасының құлдырауына» және жалпы өнеркәсіп өндірісінің қысқаруына байланысты 2012 жылдан бері Қазақстан экспортының долларға шаққандағы құны 57 пайызға, ал импорт көлемі 43 пайызға азайды деген комментарий де жазған. Бірақ сонымен бірге мақалада Қазақстанның экономикалық жағдайы мен инвесторлар үшін жаңа мүмкіндіктер жайлы жақсы пікір айтып жатқан сарапшылар пікірін де келтірген.

Алматыдағы "Альянс банк" бөлімшесінде. 19 тамыз 2014 жыл.

Алматыдағы “Альянс банк” бөлімшесінде. 19 тамыз 2014 жыл.

Мысалы, Ресей Сбербанкі басқармасының төрағасы Герман Греф Қазақстандағы реформалар бағдарламасын «Сингапурмен салыстыруға болатындай» деп атаған. Мәскеуде орналасқан Macro Advisory консалтинг фирмасының бас серіктесі Крис Уифер де Қазақстанның реформалар бағдарламасын жоғары бағалайды.

RenCap институтының бас экономисі Чарльз Робертсон 2017 жылы Дүниежүзілік банк есебінде Қазақстан бизнес жүргізу оңай елдер арасында 35 орынға көтерілгенін атап көрсетеді, ал әсіресе қиын жағдайдағы банктерге көмегі мен Қашаған мұнайын өндіруді жаңғыртуды мақтаған Kames Capital’s Emerging Market Bond fund қоры басқарушыларының бірі Тео Холланд Қазақстанды Шри-Ланка мен Мексика тәрізді «ең тартымды дамушы елдер» қатарына жатқызады.

Батыс баспасөзінде Қазақстанды мақтайтын осындай мақалалар жиі шығып тұрады. Мұндай мақалалардың көбі Қазақстан үкіметін жарнамалау науқандары кезінде пайда болады.

ҚЫТАЙ ЖОБАСЫНЫҢ ҚАРЖЫЛЫҚ ҚАТЕРЛЕРІ

Жаңа Зеландияның NZ Herald газетінде Жаңа Зеландияның Қытайдағы елшісі Ванг Лутонгтің мамырдың 14-15 күндері Пекинде өткен Ұлы Жібек жолын жаңғыртуды көздейтін «Бір белдеу – бір жол» халықаралық форумы нәтижелерін жан-жақты сипаттаған мақаласы шықты. Онда Қытай президенті Си Цзиньпин әлгі бастама жайлы Қазақстанда алғаш жариялаған сәттен бері оны 100-ден аса ел мен халықаралық ұйымдар қолдап, жобаға қатысты деп көрсетілген.

Бірақ Үндістанның Economic Times газетіндегі «БҰҰ Қытайдың «Бір белдеу – бір жол» жобасының қаржылық қатерлері жайлы ескертті» деген мақалада БҰҰ-ның Азия мен Тынық мұхит елдері бойынша экономикалық және әлеуметтік комиссиясының (UNESCAP) жуырда аяқталған зерттеуіне қатысты комментарий берген.

«Бұл елдердің кейбірінің сыртқы есеп-шоты көрсеткіштері біршама әлсіз. Қазақстанда ағымдағы шот тапшылығы (елдің сыртқы сауда нарығындағы жағдайын сипаттайтын көрсеткіш. – ред.) 2016 жылы ЖІӨ-нің шамамен алты пайызын, ал сыртқы қарыз 2015 жылы ЖІӨ-нің 80 пайыздан көбін құрады. Пәкістанда шетелдік сыртқы резервтер едәуір шағын – 2017 жылдың басындағы төрт айлық импорт көлемінде. […] Инфрақұрылымдық жобалар үшін ірі көлемде шетелдік несиелер алудың біршама оңайлығы (тіпті олардың көбі жеңілдік негізінде берілсе де) қаржы нарығы дұрыс дамымаған және қарызды басқару тиімділігі төмен экономикасы шағын елдерде сауда балансының сәл нашарлауы, макроэкономикалық ахуалдың тұрақтылығы ментөлем теңгерімінің бұзылуы салдарынан қатерлерге ұрындыруы мүмкін» делінген БҰҰ зерттеуінде.

ЗИМБАБВЕДЕ ПЛАТИНА ӨНДІРУ

Зимбабвенің New Zimbabwe сайтында Қытайдың Xinhua агенттігінің Қазақстанның Todall компаниясы Зимбабведегі Боқай платина кенішін сатып алғаны жайлы жазылған «Кабинет Қазақстанмен платина шахтасына қатысты бірлескен жобаны мақұлдады» деген хабарламасы шақты.

Зимбабвенің шахталар және шахталарды дамыту министрі Уолтер Чидхакваның сөзінше, «қазақстандық инвестор мен Қазақстан билігі бірге иелік ететін жаңа қазақстандық компания Бокай кенішін Лондон биржасында зимбабвелік компаниядан сатып алған». Бұған қоса, Xinhua агенттігінің хабарлауынша, министр «кенішке иелік етуге кірісу үшін жуырда жаңа инвестор хабарласты, екі шахтаны суға батыру мен өзге даму жобаларына олар қазірдің өзінде 60 миллионнан көп АҚШ долларын жұмсады деп мәлімдеген». Зимбабве министрі кенішті сатуға министрлер кабинетінің наразы болғанын айтқан, бірақ «олар кен өндіру басталатынына келісті» деп мәлімдеген.

Зимбабве азаматтары сайлауға дауыс беру үшін кезекте тұр. Хараре, 27 маусым 2008 жыл.

Зимбабве азаматтары сайлауға дауыс беру үшін кезекте тұр. Хараре, 27 маусым 2008 жыл.

Зимбабведегі Бокай кенішіндегі платина қоры 15 миллион унция деп бағаланады. Платина қоры жағынан Зимбабве әлемде Оңтүстік Африка республикасынан кейін екінші орында тұр. Әлгі сайтта Зимбабвенің алтыннан кейінгі негізгі экспорт өнімі – платина екені айтылған. Todall қазақстандық компаниясы жайлы әлдебір қосымша мәліметтер табу мүмкін болмады, әзірше интернеттен де ешқандай ақпарат табылмады.

Қазақстан тәрізді Зимбабве де авторитарлы елдер қатарында аталады. 93 жастағы Роберт Мугабе елді 1987 жылдан бері басқарып отыр. 76 жастағы Нұрсұлтан Назарбаев Қазақстанды 1989 жылдан бері басқарып келеді.                                                                                          Азат Еуропа / Азаттық радиосы

Related Articles

  • «Кейбір елдер Ресейдің Қырымды басып алғанын ұмытты»

    Бірқатар Батыс Еуропа елдері Ресейдің Қырымды аннекциялап алғанын ұмыта бастады. Бұл туралы Анкарада Түркияның сыртқы істер министрі Мевлют ЧАВУШОҒЛЫ мәлімдеді, деп хабарлайды zhasalash.kz түркиялық «Yeni Safak» басылымына сілтеме жасап. Сыртқы саясат ведомствосының басшысы бұл туралы 7-маусым күні Қырым түріктерінің мәдениеті мен өзара жәрдем Ассоциациясы ұйымдастырған жиында айтты. «Қазір Қырымның жағдайын ұмытқандарыңыз үшін күні ертең Украинада әлдебір оқиға бола қалған жағдайда, сіздер жауапты боласыздар», — деді Мевлют Чавушоғлы Батыс Еуропаға қарата. Ол Түркия өз кезегінде Қырым туралы бір сәтке естен шығармайтынын, сондай-ақ Ресейдің түбекті оккупациялауын ешқашан құптамайтынын айтты. Сонымен қатар, Анкара тарапы қырым татарларына қашан да қолдау көрсетіп отыратыны жайлы уәде берді. Чавушоғлының айтуынша, Түркия Еуропа Кеңесінде, ЕҚЫҰ-да және өзге де халықаралық платформаларда Қырым мәселесін

  • Дональд Трамп пен Ким Чен Ынның келіссөзі басталды

    Солтүстік Корея лидері Ким Чен Ын (сол жақта) мен АҚШ президенті Дональд Трамп қол алысып тұр. Сингапур, 12 маусым 2018 жыл. Сингапурде 12 маусым күні жергілікті уақыт бойынша таңертеңгі сағат 9-да АҚШ пен Солтүстік Корея басшыларының кездесуі басталды. Кездесу басталар алдында Дональд Трамп пен Ким Чен Ын қол алысып амандасты. Кездесу Сингапурдың Сентос аралындағы шипажайда өтіп жатыр. Дональд Трамп пен Ким Чен Ын екі аудармашымен ғана қалып, жеке кездесті. Әдетте мұндай кездесулерде АҚШ президентінің кем дегенде бір жақын көмекшісі жанында болатын. Екі ел басшыларының алғашқы кездесуі шамамен 45 минутқа созылды. Оңаша кездесуден соң Трамп келіссөз жалғасатынын айтып, Корей түбегін ядролық қарусыз аймақ қылуда “үлкен табысқа” жететінінен үмітті екенін білдірді. Бұдан

  • Қытайда Шанхай ынтымақтастық ұйымы саммиті өтіп жатыр

    Шанхай ынтымақтастық ұйымына мүше елдер басшылары кезекті саммит алдында. Циндао, Қытай, 10 маусым 2018 жыл. Қытайдың Циндао қаласында бүгін Шанхай ынтымақтастық ұйымына (ШЫҰ) мүше мемлекеттер басшылары кеңесінің кезекті отырысы өтіп жатыр. Маусымның 9-ы күні саммиттің ашылу рәсімінде Қытай президенті Си Цзиньпин ШЫҰ “бірлігіне” жоғары баға беріп, ұйым жұмысы “бірегей ұстаным әзірлеуге және өзара тиімді әріптестікке” құрылғанын айтқан. Оқи отырыңыз: Қытайдың маңайындағы елдерге қолданар айласы Қытай мен Ресейдың жетегіндегі бұл аймақтық ұйымға Қазақстан, Қырғызстан, Тәжікстан, Өзбекстан, Үндістан мен Пәкістан мүше. Соңғы екеуі ШЫҰ мүшелігіне өткен жылы қабылданған. Ал, Ауғанстан, Беларусь, Иран мен Моңғолия бұл ұйымға бақылаушы ретінде қатысады. Бұған дейін биылғы саммит аясында ШЫҰ өкілдері Ұжымдық қауіпсіздік шарты ұйымы (ҰҚШҰ-ОДКБ) мен

  • “Мәселенің Иран режимін ауыстыруға қатысы жоқ”

    Азаттық радиосы АҚШ мемлекеттік хатшысы Майк Помпеоның “Америка дауысы” радиосына сұхбат беріп отырған сәті АҚШ мемлекеттік хатшысы Майк Помпео “Америка дауысы“ радиосына берген сұхбатында Вашингтонның Иранға, оның ядролық бағдарламасы мен аймақтағы рөліне қатысты жаңа саясатының мақсатын түсіндіріп берді. Мамырдың 8-і күні АҚШ президенті Дональд Трамп 2015 жылы қол қойылған әрі “Бірлескен жан-жақты іс-қимыл жоспары” деген атау алған Иранның ядролық бағдарламасына қатысты келісімнен АҚШ шығады деп мәлімдеген еді. 5+1 деп аталған (Германия және БҰҰ Қауіпсіздік кеңесінің тұрақты мүшелері: АҚШ, Ресей, Қытай, Ұлыбритания, Францияның Иранмен мәмілесі) келіссөзі деп те аталатын жоспар бойынша әуелде Иранда байытылған уранның көп бөлігі шетелге шығарылатын болады, бірақ ыдырағыш материалдарды байыту құқығынсыз жұмыс істейтін ғылыми орталыққа айналады деп келісілген Фардо

  • Қытай: АҚШ кемесі теңіздегі шекарамызды бұзды

    Оңтүстік-Қытай теңізіндегі Қытай жасаған жасанды арал (Көрнекі сурет). Қытай АҚШ-тың әскери-теңіз күштерінің кемесін Оңтүстік-Қытай теңізіндегі аймаққа басып кірді деп айыптады. Бұған дейін Reuters агенттігі америкалық ресми тұлғаға сілтеме жасап, Higgins және Antietam әскери кемелері Қытай өзінің аймағы деп есептейтін Парасель аралдарынан шамамен 19 шақырым қашықтыққа енгенін хабарлаған. Қытай Сыртқы істер министрлігі америкалық кемелер теңіздегі шекараның 12 миль аймағын бұзғанын мәлімдеді. Пекин Қытай бұл аймаққа жеке кемелері мен ұшақтарын жөнелтіп, “елдің егемендігі мен қауіпсіздігін қорғау үшін тиісті шаралар қолдануға мәжбүр болды” дейді. АҚШ әскери кемелерінің Оңтүстік-Қытай теңізінде жүруін Пекин тарапынан жасалып жатқан шектеулерге қарсы тұру деп түсіндірді. Осыған дейін АҚШ президенті Дональд Трамптан пен басқа да америкалық жоғары лауазымды тұлғалар Пекиннің

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: