Kezdesuge Qazaqstan Respublikasınıñ Qorğanıs ministri S.Jaswzaqov, Qıtay Halıq Respublikasınıñ Qorğanıs ministri Çan Van'cyuan', Resey Federaciyasınıñ Qorğanıs ministri S.Şoygu, Täjikstan Respublikasınıñ Qorğanıs ministri M.Şerali, Özbekstan Respublikasınıñ Qorğanıs ministri K.Berdiev, Qırğız Respublikası Bas ştabınıñ bastığı R.Duyşenbiev, Şanhay ıntımaqtastıq wyımınıñ Bas hatşısı R.Alimov qatıstı.

Memleket basşısı Şanhay ıntımaqtastıq wyımına müşe memleketterdiñ qorğanıs ministrleri Astanada ŞIW-ğa müşe-memleketter basşıları keñesin jäne «EKSPO-2017» halıqaralıq körmesin ötkizu qarsañında basqosıp otırğanınıñ mañızdılığın atap ötti.

– Mädeni, aumaqtıq, tarihi twrğıdan bir-birine jaqın memleketterdiñ ekonomikalıq ıntımaqtastıq mäselelerin şeşu üşin qwrılğan Şanhay ıntımaqtastıq wyımı özin eleuli öñirlik birlestik retinde körsete bildi, – dedi Qazaqstan Prezidenti.

Nwrswltan Nazarbaev Şanhay hartiyası qabıldanğan sätten bergi 15 jıl işinde birlesken auqımdı jwmıs atqarılğanına nazar audardı.

– Şanhay ıntımaqtastıq wyımına müşe memleketter basşıları keñesiniñ  aldağı otırısında iri eki el – Ündistan men Päkistandı wyım müşeligine qabıldau közdelgen. Sol arqılı ŞIW jer şarı twrğındarınıñ 40% -ğa juığın biriktiredi. Eñ bastısı – barlıq mäselelerdi konsensus arqılı şeşuge negizdelgen «şanhay ruhın» saqtau, – dedi Memleket basşısı.

Qazaqstan Prezidenti wyım qızmetiniñ ekonomikalıq mazmwnın nığaytu qajettigin atap ötti.

– Qazirgi uaqıtta Şanhay ıntımaqtastıq wyımı jwmısınıñ oñ qarqını «Jaña Jibek jolı» bağdarlamasınıñ damuına baylanıstı bolıp otır. Bwl bağdarlamağa wyım müşeleriniñ barlığı, eñ aldımen, Qıtay Halıq Respublikasınıñ jaqın körşisi – Qazaqstan qoldau körsetude, – dedi Nwrswltan Nazarbaev.

Soñında Memleket basşısı qorğanıs vedomstvolarınıñ qızmeti Şanhay ıntımaqtastıq wyımınıñ ekonomikalıq integraciyasınıñ bağıtımen qatar jüruge tiis ekendigin atap ötti.