|  |  | 

Көз қарас Саясат

БІЗДЕ ЖОҒАРЫ БІЛІМНІҢ ДЕҢГЕЙІ ЖОҒАРЫ МА?

Tileuberdi

Сайдулдин Тілеуберді, ҚР ҰҒА академигі

                                                                                                                                                                                                 Жоғары білім беруді білімнің соңғы сатысы ретінде басқа дәрежедегі білім беруден бөліп қарау мұмкін емес. Өз кезегінде білім беру саласы қоғамдағы басқа салалармен тығыз байланысты және олардан тәуелді.

Мемлекеттің негізгі тірегі және қозғаушы күші – халықтың саны мен сапасы. Халықтың саны негізінен демографиялық факторлармен анықталса, сапасы білім деңгейіне байланысты. Білім бастауыш, орта, жоғары деңгейге сатыланып, сол кезекте игерілгенімен оның бастауы одан да ілгеріде – тіл ашардан, тіпті ананың әлдиінен басталады. Бала сөйлей бастағанда-ақ кейбір дыбыстарды (әсіресе р.р.р) үйренбесе кейін қиындыққа душар болады. Ана тілі ананың сүтімен беріледі, сондықтан да «ана тілі» аталады. Баланың тілі шығып қалыптасатын кезде басқа тілдерді араластырудан, тіпті өз тіліміздегі анайы, тұрпайы сөздерден де сақтану керек. Бұл тәрбиенің бастауы.

Ең дұрысы бастауыш білімді қазақ тілінде беру. Міндетті түрде қаламсаппен қағазға дұрыс жазуды, сызуды, сөйлеуді, дұрыстап оқу, есеп шығару, сөйлем құрастыру, білгенін айтып беру, мазмұндама жазуды үйреніп, осының негізінде бала қазақша ойлап, қазақша сөйлейтін, қазақша жазатын болып шығады. Бұндай қалыптасу кезінде оған басқа тілді тықпалап, шатастырмау керек. Ортаның жағдайымен, техникалық ойын құралдары арқылы, ауладағы балалармен ойнау кезінде басқа тілдің ықпалы болса оны шектемей, оқу үрдісіне кері әсері болмауын ғана бақылаған жөн. Баланың санасын бір арнаға түсіріп ана тілі мен қазақи қабілетін (менталитетін) қалыптастырған соң «сен қазақсың, қазақтың елін сүй, жерін сақта» деп құлағын сарсытудың қажеті жоқ. Орынсыз жалаң насихат баланың санасына теріс әсер етеді. Алдағы жерде халықаралық деңгейде іргелі білім алуға, болашағы үшін қажет шетел тілдерін игеруіне жағдай жасау қажет. Өмір ол баладан екі немесе үш тілділікті талап етеме күн бұрын кесіп-пішіп тастау қиын. Бұл таңдауда алдыңғы орында ағылшын тілі, кейбір жадайда мамандығының талабы бойынша басқа тіл болуы мүмкін (орыс, қытай, француз, неміс, испан т.б.) Қай тілді болмасын қазақ тілі негізінде игеру қажет. Тіл оқыту мәселесін халықаралық жағдайға, ондағы еліміздің алатын орнымен байланыстырып, азаматтардың өзінің жеке таңдауын да шектеуге болмайды.

Жалпыға ортақ білім беру мекемелері (мектеп, лицей, колледж, университет т.б.) мемлекеттік және ақысыз болуы керек. Кейбір сирек мамандықтар мен өнер саласы бойынша (цирк өнері, зоопарк қызметкерлері, археология, оқу бағдарламасына енбеген шетел тілдері, т.т.) тиісті заңдар негізінде қызмет атқаратын жеке меншіктегі ақылы білім беру нысандарын ашуға болады.

Бастауыш мектепке қабылдауда ешбір шектеу болмауы керек. Балада белгілі бір кемшілік болса онымен тиісті мамандар (психолог, дефектолог, логопед, т.б.) шұғылданып қалыпқа түсіреді. Орта білім беретін мектептерге

                                              1

қабылдауды да шектемей, үлгере алмаған оқушыны келесі сыныпқа көшірмей қою, тіпті болмаса төменгі класқа түсіру, күзгі сынаққа қалдыру, нақты жағдайға байланысты шешімін табады. Білікті мамандар бұл мәселені терең зерттеп, ұсыныс жасай алады.

Жоғарғы білім ақысыз, тегін, бірақ талапкерлер үшін бәсекелестік арқылы ғана қол жетімді болатындай қажет мөлшерде ғана мемлекет әр мамандыққа шектеулі орын бөлуі керек.

Білім саласы қалай қаржыландырылады?

Білім беру – болашақ ұрпақты тәрбиелеу, мемлекеттікті, оның тәуелсіздігі мен қауіпсіздігін сақтау. Сондықтан оны қаржыландыру мемлекеттің бюджетінің негізгі құрамы болуы тиіс, оның кіріс көзі – ұлттық байлық. Ең басты ұлттық байлық жер және ондағы табиғи қазыналар.  Олар ешкімнің жеке меншігі болмау керек үйткені оған иелік құқығы да, жеткілікті әлеуеті де жоқ. Жеке тұлға жерді, оның қазына байлықтарын табиғи апаттардан, шетелдік басқыншылықтан қорғай алмайды. Есімізді тез жиып, ізі суымай, су аяғы құрдымға кетпей тұрғанда барлық осы табиғи байлықты мемлекет қарамағына толықтай және түбегейлі қайтару қажет. Сыбайлас жемқорлық арқылы тоғышарлық жолмен жиналған миллиардтарды да қылмыс көзі дәлелденсе тәркілеген жөн. Ал шетелдегі миллиардтарды қайтарып ел экономикасына бағыттау керек. Қай миллиардердің қай елде, қандай банкте, қай офшорда капиталы бар екені халықтан құпия болғанымен, тиісті органдар үшін құпия емес. Шетелден ақшаны қайтару шын ниет болғанда біздің құзырлы органдар үшін шешілетін мәселе. Ақша иелері біздің биліктің тісі батпайтындай шетелдік мықты массондық құрылымдармен байланысы жоқ пысақайлар, ал ондағы сыбайластары қатардағы делдалдар.

Билік өкілдері, оппозиционерлер  мен саяси қайраткерлер ең алдымен парасатты ел патриоттары, сондықтан олар білім беру саясатын қалыптастырғанда ортақ тіл табуға міндетті. Құзырлы билік өкілдерінің арасында да кездейсоқ адамдардың бар екені құпия емес. Ал енді ондай кездейсоқ еместер үшін білім берудің маңыздылығы мен қоғамдағы шешуші рөлі дау туғызбаса керек. Дау туғызатындар «бас-басына би болған өңшең қыртыңдар (Абай)».

Мұнда бір ескеретін жай теріс шешімдерді ел басының пікірі ретінде негіздеу орын алды. Істің мәніне тоқталсақ, мынандай қағида бар. Жалпы мәліметтер 3 топқа бөлінеді. 1. Білуге де айтуға да болады, бұл оқу-білім, техника, жаңалықтар ашылады, адам игілігіне жаратылады. 2. Білуге болады, бірақ айтуға болмайды, бұл құпия мемлекеттер, саяси топтар арасында, жеке адамдар, тіпті семья ішінде де болады. 3. Білуге болмайтындар, яғни адамның санасы, сезімі жетпейтін құбылыстар, мысалы, адамның жаны деген не, о дүние бар ма, тозақ-жұмақтың, тағдырдың нағыз мәні неде, т.т.

Елбасының кейде екінші топтағы деңгейде сөйлеуіне тура келеді. Егер халықтар достығы ассамблеясында «кеше қазақ халқы жер аударылып келгендерге қамқоршы пана болды» десе, елбасының ол кезде қазақтың өзі

                                                   

                                                 2

 

ұлттық езгіде болып, келгендерге пана болудың орнына олардың өзінен зорлық-зомбылық көргенін білмейді дейміз бе? Өзі сол шешен-түріктердің арасында балалық шағын өткізіп, Украинада басқа ұлттық ортада кәсіп игеріп, алғашқы нанын көсеу ұстап тапса, қазақты аузына қаратып, орыс пен қытайға бас шұлғытса, оған қай аудиторияда, қалай сөйлеуді үйрету қажет пе? Биліктегілер құзырындағы мәселені ешбір бұралаң соқпаққа бұлтартпай, ешкімге (тіпті ел басына да) сілтеме жасамай әр мәселенің тура мәнісін қарастыруы қажет.

Қазіргі өтпелі кезеңде биліктің авторитарлы және жоғары харизмалы тұлғаның қолында болуы қажеттілік те шығар. Бірақ қандай данышпан болмасын барлық мәселені өз ақылымен шеше алмайды. Жаратушы пайғамбарларына «Сендердің 10 істеріңнің 1-2 кемшілігі бар» деген екен. Ал жай пенденің ісінде олқылық неге болмасын. Бізде білім саласын басқарудың нақты тетіктері бойынша ел басына ұсыныс жасап, дәлелдейтін жанның болмайтындығы өкінішті.

Жоғары білім алатын тұлға – студент. Қазақтың ұлттық ерекшеліктерінен, қазақ халқының тіршілігі мен болмысынан туындайтын қазақ студентінің де өзіне тән «қазақи» ерекшеліктері және қоғамдағы ерекше рөлі бар. Ертеде жоғары деңгейде оқу Бағдат пен Мысырда, бергісі Стамбул, Бұхарада (діни оқу), кейін Ресей қалаларында болды. Әрине онда барып оқу ерекше жігерлі, зейінді жастарға ғана нәсіп етілді. Бұлардан көрнекті ғалымдар, қоғам қайраткерлері шықты. Бір өкініштісі, олардың бірталайы жаңа тұрмыстық жағдайдан, жанкешті еңбектен ауруға шалдығып, өмірден ерте өтті. Олар қараңғы қазақ даласында тұңғыш шам-шырақ, өркениетке бастаушылар, халқына жол нұсқаушы, жастарға үлгі-өнеге еді.

Қазақстанның өзінде жоғарғы оқу орындары тек кеңес дәуірінде ең алдымен Алматыда ҚазПИ мен  зооветинститут ашылды. Қасым ақынға:

“Туған бала құба-құмда жер үйде

Тоқсан томды алдына алып КазПИ-де

Отыр дүние архивтерін ақтарып

Соны көріп, сүйсінем де мақтанып

Кетем жырлап түсемін де бір күйге.”

дегізіп шабыт берген бұл оқу орындарының орны ерекше. Олардан кейін жедел Политех, СХИ, КазГУ, ЖенПИ және облыстық қалаларда институттар ашылды. Бұл жағдай қоғамда үлкен серпіліс тудырып, жастар жаппай жоғары білім алуға ұмтылды. Олардың легінде 17-18 жастағы жеткіншектерден гөрі

30 жастар шамасындағы өмір көрген, еңбекке төселген азаматтар басым еді. Олар ана тілін, ұлттық салт-дәстүрді жетік меңгерген, қалаға келгенде жат ортада бірден орыс тілінде оқып, кедергілерге кезіккенімен ешбір мойымай “оқи алмай қайтып келіпті” деген жаман атты ар көріп, қиыншылықтарды жеңе білді. Ол кезде қала тұрғындары негізінен орыстар, араларындағы славяндар мен басқа европалықтар олардан қазіргідей бөлінбейтін. Қалада                                                               

 

                                                             3

 

қазақтар үшін тіркелу өте шектеулі, мемлекеттік пәтер алу қиынның қиыны, сондықтан “Алматы – қазақтың астанасы, орыстың баспанасы, ұйғырдың асқанасы” болды. Бұл қала ресми Қазақстанның астанасы болса да қалада тіркеліп, пәтер алып, жұмысқа тұратын орыстар. Ал қала маңындағы кәсіпшілікке де қазақ емес ұйғыр, кәріс, т.б. ұлттар тартылды.

Басқа ұлттық республикаларда да кеңестік орыстандыру саясаты жүргізілгенімен, бұл үрдіс Қазақстанда ерекше сипатта «Халықтар достығының лабораториясы» ретінде іске асырылды. Осындай жағдайда оқып білім алған, халық шаруашылығы мен мәдениеттің әртүрлі салаларын дамытқан интеллигенциямыздың қандай ерекшеліктері мен құндылықтары болды?

Ол кездегі студенттер өте ұйымшыл, берекелі, кейіннен айнымас достар болды. Тек танысқанда ғана Шымкенттенмін, Ақтөбеденмін, Павлодарданмын десе бұл жіктелу емес. Ертеде қазақ руын айтып танысса, ол рушылдық емес ұғысудың басталуы болатын. Қазақтың рулық қауымдастығы трайболизм емес, оның қайдан шыққанын, мекенін анықтайтын төлқұжаты еді. Өйткені жерге ру бойынша қоныстанып, иелік жасап, дұшпаннан қорғады. Тұрақты армия болмаған жағдайда әр ру белгілі мөлшерде әскер шығарып, жабдықтап, жаттықтырып қазақтың қосынына қосатын. Руын білу бөлектену емес тегін білу, аталасына үйленіп, қан араластырмай генофонының тазалығын сақтау. Басқа рудың адамдарын нағашы-жиен, құда-жекжат ретінде құрмет тұтып сыйласу.  Әрине өмірде бірге туған ағайындарда да түсінбестік болатыны сияқты рулар арасында да кикілжің, қақтығыстар кездесіп қалатын. Руластыққа трайболистік сипат беруге тырысатындар кешегі отаршылдар мен қазіргі солақай саясатшылар. Ешқандай рудың өкілі емес бірақ қазақ болып кеткен басқа ұлт азаматтары «шала қазақтар» аталды. Қазіргі шала қазақтар ұлттық дәстүр мен ана тілін ұмытқан мәңгүрттер болса, бұрынғы шала қазақтар таза қазақтар. Олардың арасынан Мөңке-би, Ғазез ақын сияқты белгілі қоғам, мәдениет қайраткерлері шықты. Егер көптеген тәжік, қазақ, қарақалпақ, т.б. ұлт өкілдері тарихи-саяси себеппен өзбек болып жазылса, қазақ болуға әлгіндей шектеулер бөгет жасап, демографияға әсер етті.

Сонымен қазақ студенттерінің алғашқы буындары өзінің ата-салтына берік, ана тілін сақтаған қаладағы қазақты шектетуге қарсы тұра алған қажырлы топ болды. Бұның ең айқын көрінісі 1986 жылғы Желтоқсан оқиғасы. Оны көтеріліс деуге арнайы басқару штабы мен тиісті жабдықтары жоқ, қоғамдық қозғалыс деуге саяси бағдарламасы жоқ, стихиялық қана думпу деуге болмайтыны жай тобыр емес, тәртіптілігі мен мәдениеттілігінің жоғары

деңгейдегі үйлесімділігі. Бұл қазақ студенттерінің өзіндік ерекшелітері. Өкініштісі қазіргі саяси билік осындай ерекшелікті тежей бастады. Қандай да бір жалпы халықтық сипаты бар құбылыс байқалса, сабақты тоқтатып, студенттерді ауылдарына қайтарып жібереді. Қазіргі студенттердің арасында

 

                                                                     4

жігерлі азаматтар сирек, студенттердің саны көп те, сапасы төмен, олар шынайы конкурссыз қабылданады, өз талабымен білім алып жүргендері мүлдем аз. Биліктің қауіптенуіне негіз де жоқ бұдан 30-40 жыл бұрынғыдай емес, көпшілігі айтқанға көніп, айдағанға жүретіндер.

Жоғары білім беру саласында нақты үйлестірілген жүйе жойылған. Тұжырымды бағыт-бағдары жоқ, басшы, ұстаз кадрларын іріктеу мен тағайындау, методикалық-әдістемелік, тәжірибелік жұмыстары қанағаттанғысыз. Жоғары мектептің мақсаты білікті кадрлар дайындау. Ол кадрлар мемлекетіміздің нақты қоғамдық, экономикалық мәселелерін шешу үшін қызмет етеді. Біздің табиғи жағдайымыз, қоғамдық тіршілігіміз, әрбір саланың (мал шаруашылығы, егін, жеміс-жидек, көкөніс, табиғи байлықтарды игеру) өз ерекшеліктері бар. Сондықтан мамандарды өзіміз даярлап, шетелге тек қана тәжірибе алмасу үшін, заманауи деңгейдегі озық технологиясын игеру үшін ғана жіберу керек.

Білім беруде оқу мен тәрбиені бөліп қарауға болмайды. Бастауыш сыныптарда сабақ оқу бүкіл елде бір ғана жүйе бойынша қабілетті балалардың талабына жол ашып, ал даму дәрежесі проблемалы оқушыны ерекше назарға алып, қатарынан қалдырмай бастауыш білім беру керек.

Баланың қабілетін, ерекшеліктерін ескеру орта мектепте басталып, кейбір пәндерді тереңдетіп немесе өз қалауымен таңдап оқытуға болады. Онда да эмоциямен емес, белгілі бір критерий арқылы, кей жағдайда оның тіпті ақылы болуы мүмкін. Орта білімі туралы құжат иесінің жоғары оқу орнына түсуге лайықты екеніне куәлік болуы тиіс және білімнің қай саласына (қоғамдық, жаратылыстану, математика) бейім екенін анықтайды. Оқушы толық орта білім алуға ынталы болмаса кеңес дәуіріндегідей СПТУ типтес жұмысшы мамандықтарын беретін мектептерге қалауы бойынша ауысады.

Жоғары оқу орындары университеттер мен академияларға келсек, олар тек мемлекеттік және ақысыз, басшылары Қазақстанның азаматы, ондағы бөлінген орындар шектеулі, халық шаруашылығы мен мәдениеттің қажетті сұраныстары деңгейінде. Білім беру жүйесіндегі ең басты бөгет – сыбайлас жемқорлық. Коррупция бастауыш мектепте басталып, орта білім беруде қалыптасып, жоғары білім саласында жоғарғы деңгейге жетті. Студенттердің көпшілігі сабақ оқудан ақша беруді артық санайды. Әзірше пара алмайтын ұстаздар баршылық, кейбірі берсе алады,  бермесе талап ететіндері де бар.  Жемқорлық жай ғана қылмыс емес, адамды, әсіресе жас ұрпақты рухани азғындыққа шалдықтыратын дерт. Бұл дерттің алдын ала алмадық, қазір әбден жайлап алды. Оны жоюдың амалын шұғыл түрде ел болып қарастырып, тұйықтан шығатын жол іздеп, тым болмаса суға кетпеу үшін тал қармау қалды,

түзу жолға оралу қыйындай береді, «точка невозврата» алыс емес. Шығар жол –  тек мемлекеттік саясатты өзгерту. Ал жеке адамның қарсылығынан түк шықпайды. Ол адамды қалыптасқан жүйе таптай салады.  

                                                    5

Ең бір өзекті жанып тұрған мәселе оқу орындарында сайлау өткізу, оған ұстаз кадрларды тарту. Қазіргі сайлау жүйесіндегі теріс әрекеттер білім берудегі жемқорлыққа демеу болды. Көз бояушылық оқу орнына ғана жұғып қоймай, ары қарай тарайды. Бұл ешкімге құпия емес. Жақсы әдет, көркем мінез бен инабаттылықты орнықтырудан гөрі, жаман зиянды әдеттің жолын кесу әлде қайда қиын.

Білімнің түп қазығы – дүниетаным. Дүниетаным білімге бағыт береді, білім өз кезегінде адамның дүниетанымын кеңейтіп, тереңдетеді. Нақты білім салалаларынан діннің (біздің жағдайымызда исламның), оның радикалды бағыттарының дүниетанымды қалыптастырғанда басымдық алуына жол бермеу керек.  Халқымыздың ұлттық ортақ пайымдары мұсылман дінін қабылдамай тұрып қалыптасқан.

Исламның негізі құранда толық баяндалған, Құран Алланың сөзі, ол күллі адамзатқа шексіз мерзіммен берілген. Мұхаммед пайғамбарға Жәбірейіл періште арқылы арабтың арғы тілінің осыдан төрт мың жыл бұрынғы Исмайл пайғамбар кезіндегі диалектімен берілген. Сол нұсқа ешбір өзгеріссіз осы дәуірге жеткен, оны өзгертуге болмайды. Қазіргі араб тіліндегі тәпсірлері де, басқа тілдегі аудармалары да құран сөзіндерін дәл түсіндіре алмайды, толық мағынасын Мұхаммед пайғамбар ғана білген. Оны әр сахабаға ұғым қабілетіне қарай түсіндірген. Сырттай тыңдаған басқа сахаба ұға алмаған.Сахабалар дәуірі 7 ғасыр болса, олардан бізге жеткен пайғамбарларымыздың һадис деректеріне, кейбір ұғымдарына әрбір қауым әртүрлі мағана береді. Мысалы, “харам” сөзін қарапайым халық лас, жиренішті ұғымда қабылдайды. Ал шын мағанасы – тыйым, тоқтау,  тежеу. Меккедегі ұлық мешіт “Харам мешіті” аталады. Онда Аллаға құлшылықтан басқа барлық әрекетке тыйым. Кім намазды калай оқиды, қалай жүріп-тұрады, өзін қалай ұстайды – өз еркі. Тіпті шыбынды өлтіруге болмайды. Мұхаммед сахабаларына жылқыны союды, етін жеуді харам еткен. Өйткені соғыс жағдайында ат өте қажет болған. Ұрыстан кейін олжа бөлікскенде аты бар сахаба аты жоғынан үш есе артық олжа алған, яғни атқа тиісті олжа үлесі екі есе. Әмбесінде араб жылқысында қазы-қарта, жал-жая жоқ, негізінен шандыр мен сіңір. Мұсылмандар үкімет билігін алып, халифат құрғанда ондағы халық мұсылман қоғамы болды. Мұсылмандықты қабылдаған барлық халықтар – умма (үмбет). Сахабаларға жүктелген кейбір парыздар мұсылман қоғамына, өз кезегінде халифаттағы кейбір қағидалар бүкіл уммаға жүктелмеген. Мысалы, арабтар оразадан кейін құрбан шалса, мал ұстамайтын, таза вегетариан халықтар бар.

Таң намазын күн шықпай, ал шам намазын күн батқан соң оқу керек делінеді. Жер бетінде күн батпай қоятын уақыттар бар. Олар үшін басқа ұстаным қажет. Құран талаптарын осындай ерекшеліктері тұрғысынан орындау арнайы шариғат ережелері (фикха) бойынша анықталады. Ата –бабаларымыз қалыптастырып, осы заманға жеткен шариғат қағидалары біздің табиғи жағдайымызды, ұлттық болмысымызды, тіршілік жағдайымызды, ұрпақ тәрбиесін жан-жақты ескерген. Оларды заманның жаңа талаптарымен

 

                                                   6

толықтыру мемлекеттік биліктің, оның дін басқармасының құзырымен   атқарылады. Қазіргі мешіттегі имамдар шариғатты насихаттауды құранның аяттарын түсіндіру деңгейінде қарастырады. Әмбесінде діни сауат алған елінің (Египет, Иран) шариғатын, салттарын насихаттайды. Сол себепті дін кадрларын өзімізде дарярлау керек. Дін – руханият қана емес, насихаттық та мәні бар. Пайғамбарымыз діннің өзі де насихат деген екен. Исламның насихаттық бағытын тым тежеп, саналық деңгейде ғана ұстау және қазіргі концессиялар арасындағы қайшылықтар дініміздің әлемдік әлеуетін әлсіретеді. Алтын орда билеушілері ислам дінін қабылдағанда Шыңғыс ханның қатаң Ясы жүйесі босап, имандылыққа негізделген жүйе империяның ыдырауына себеп болды. Орданың исламды қабылдамаған элитасы Орыс княздігіне кетіп, оларды бір орталыққа біріктіріп, қуатты Ресей империясын құрды. Қазір мұсылман әлемін біріктіруші саяси ислам қалыптаса бастады. Оған қарсылар әлемді билеген саяси күштер, мұсылман елдерінің монархтары мен мұсылмандық секталар. Идеялогиялық тартыстан басталып ашық соғысқа дейін жеткен  бұл қарама-қайшылық қазіргі халықаралық жағдайды айқындайтын негізгі фактор болып отыр. Саяси ислам атына сай саяси жолмен қалыптасса болар еді. Үміт тудыратыны оның ұйымдастырушыларының заманауи жан-жақты білімі бар (Гейдар Джемаль). Джихад (дін жолында күрес) ислам тарихының бастауында негізінен рухани сипатта болса батыстың крест жорықтарынан кейін қан төгіс майданға айналған. Енді ол қателік қайталанса дүниежүзілік соғыс басталады.

Жоғары оқу орнының міндеті шынайы жоғары білімді, білікті мамандықты, халықтың салт-дәстүрін игерген, азаматтық борышын терең сезінетін, елін, халқын сүйетін, осы барлық қасиетін мемлекетіміздің дамуына жұмсайтын кадрлар даярлау. Ол үшін қажетті шарттардың ең бастылары студент конкурс арқылы қабылданып, оқу орнында коррупцияның ешбір түрі болмауы, студент жастардың дүниетанымын дұрыс қалыптастырып жалпы халықтық сипаттағы саяси шараларға қатысуына кедергі жасамау.

      Бұл мәселелер ел басының, үкіметтің, парламенттің, қоғамдық ұйымдардың, бүкіл халықтың талқылауы негізінде қабылдануы керек. Бастауыш және орта білім өз тұғырында  болып, жоғары білімнің деңгейі шын мәнінде жоғары болғанда ғана дамыған елдердің қатарына қосыламыз.

                             

                                      Сайдулдин Тілеуберді, ҚР ҰҒА академигі

kerey.kz

Related Articles

  • Үздік ойдың үзінділері

    Үздік ойдың үзінділері Арма әлеумет! Мен қазір таза академиялық ғылыми ортада жүрмін. Өзімнің неше жыл бойы жинаған білімімді, оқыған оқуымды, шетелдік тәжірибемді, интеллектуалды қарым-қабілетімді шынайы қолданатын қара шаңырақтың ішінде жүрмін. Алматының бәрінен бөлек мәдени ортасы ерекше ұнады. Алматы қала мен дала дейтін екі ұғымның түйіскен әдемі ортасы екен. Ойлап көрсем мен бақытты перезент, бағы жанған ұрпақ екенмін. Әкем тұрмыс пен жоқшылық, жалғыздықтың тауқыметін әбден тартып еш оқи алмадым, небәрі үш ай оқу оқыдым-, деп менің оқуымды бала күнімнен қадағалады, шапанымды сатсам да оқытам деп барын салды. Ал мектепте бақытты шәкірт болдым. Маған дәріс берген ұстаздарым кілең дарынды, қабілетті кісілер болды. Университетте және шетелде мен тіптен ерекше дарын иелеріне шәкірт болдым.

  • Самат Әбіш қалай “сүттен ақ, судан таза” болып шықты?

    Азаттық радиосы Саясаттанушы Досым Сәтпаев ҰҚК төрағасының бұрынғы бірінші орынбасары, экс-президент Нұрсұлтан Назарбаевтың немере інісі Самат Әбішке шыққан үкім “Қазақстандағы режим болашақты ойламайтынын көрсетті” дейді қазақстандық саясаттанушы Досым Сәтпаев. Сарапшының пайымдауынша, билеуші “элита” жеке істерімен және тасадағыкелісімдермен әуре болып жатқанда елде тағы бір жаңа әлеуметтік жарылысқа әкелуі мүмкін факторлар күшейіп келеді. СаясаттанушыРесей өзінің экономикалық мүдделері мен геосаяси жоспарларын кеңінен жүзеге асыру үшін Қазақстанның ішкі саясатына тікелей әсер етуге тырысып жатуы мүмкін деп те топшылайды. ПУТИН “ҚАУІПСІЗДІК КЕПІЛІ” МЕ? Азаттық: Сонымен ұзақ демалыс алдында осындай үлкен жаңалық жарияланды. Мейрам алдында, 19 наурызда қазақстандықтар мәжіліс депутатының постынан Самат Әбішке шыққан үкім жайлы білді. Мұның бәрінің байланысы бар ма әлде кездейсоқтық па? Досым Сәтпаев: Әңгімені бұл істің құпия

  • Христиан миссионерлерінің құмдағы іздері

    Орыны: Қашқар қ-сы; Жылы: 1933 ж; Аты-жөні: Қабыл Ахонд; Діні: христиан; Түсініктеме: Бұл жігіттің кейінгі есімі Қабыл Ахонд, христиан дінін қабылдаған алғашқы ұйғыр. Кейін діни сеніміне байланысты өлтірілген. Сурет еуропадағы миссионерлік музей архивінде сақтаулы. Аталған музейде жүздеген христиан ұйғыр өкілдерінің суреті сақталған. 1930 жылдары христиан ұйғырларына тұрғылықты мұсылмандар мен әкімшілік билік тарапынан қысым көрсетіле бастаған соң бір бөлімі миссионерлерге ілесіп еуропа елдеріне “һижраға” кетті. Алқисса Христиан әлемінің Қашқарияға баса мән беруі әсіресе Яқұп Бек мемлекеті кезеңінде жаңа мүмкіндіктерді қолға келтірді. 1860-70 жж. Қашқарияның Цин империясына байланысты көңіл күйін жақсы пайдаланған Христиан әлемі Үндістан мен Тибет арқылы Қашқарияға мәдени ықпалын жүргізе бастады. Олардың мақсаты бұл аймақты Ресей империясынан бұрын өз ықпалына

  • Демографиялық сараптама

    1-ші сурет қазақтар; Демографиялық ахуал 1949-2020 жж. аралығын салыстырмалы көрсеткен. 1949 жылға дейін, атап айтқанда коммунистік қытай үкіметі орнағанға дейін Шынжаң өлкесінің солтүстік бөлігінде қазақтар, оңтүстік бөлігі Қашқарияда ұйғырлар басым санды ұстады. 1951-54 жылдары ұлттық межелеу кезінде орталық үкімет құрған комиссия сараптамасы бойынша ұлттық автономиялық территорияны анықтау мына екі бағытта жүргізілді. Олар: БІРІНШІ, ұлттық автономияны межелеу бойынша оның атауын тұрақтандыру. Осы бойынша үш атау ұсынылды: *ШЫғыс Түркістан автономиялық федерациялық респубиликасы; *Ұйғырстан автономиялық респубиликасы; *Шынжаң автономиялы респубиликасы. ЕКІНШІ, автономияның әкімшілік тұрпатын анықтау; Осы бойынша: *Федерециялық тұрпат; *Автономиялық облыс және окург тұрпат; *Аймақ және аудан дәрежелі автономиялық окург тұрпаты. Межелеу комиссиясы аталған екі бағытта сараптама нәтижесін қорытындылады. Комиссия қорытындысы бойынша Шынжаң өлкесінің

  • …ойы бөлек болғанымен ол да осы елдің тумасы, біздің отандасымыз.

    Әлеуметтік желіде осы отандасымызды қызу талқылап жатыр екен. Көбі сын айтып жатыр. Видео жазбаның толық нұсқасы жоқ, пікір-талас тудырған бөлігі ғана тарап жатыр екен. Соған байланысты өз ойымды айта кетпекшімін: Бірінші, отандасымыздың видеосы, фотосы әлеуметтік желіде желдей есіп тарап жатыр. Ол азаматтың (азаматшаның) жеке құпиясы саналатын фотосы, видео жазбасы кімнің рұқсатымен тарап жатыр екен? Өз басым осы постты жазу үшін ол азаматтың (азаматшаның) видеодағы бейнесін қара бояумен өшіріп тастауды жөн көрдім. Және рұқсатынсыз фото бейнесін жеке парақшама салғаным үшін одан кешірім сұраймын. Діни ұстанымы, ойы бөлек болғанымен ол да осы елдің тумасы, біздің отандасымыз. Екінші, отандасымыздың діни ұстанымына байланысты айтқан сөздері қоғамда қатты пікір тудырған екен. Тіпті оны “ұлт дұшпаны”

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: