ەنەرگەتيكا مينيسترلىگىندە اتوم سالاسىنىڭ قىزمەتكەرلەرىن قۇتتىقتادى
kerey.kz
2017 جىلعى 28 قىركۇيەكتە قازاقستان رەسپۋبليكاسى ەنەرگەتيكا مينيسترلىگىندە اتوم سالاسىنىڭ قىزمەتكەرلەرىن قۇتتىقتادى. «اتوم سالاسى قىزمەتكەرلەرىنىڭ كۇنىنە» ارنالعان سالتاناتتى جيىنعا قر ەنەرگەتيكا ءمينيسترى قانات بوزىمباەۆ قاتىستى.
مينيستر اتوم سالاسىنىڭ قىزمەتكەرلەرىن، قازاقستان اتوم ونەركاسىبىنىڭ ارداگەرلەرىن مەرەكەلەرىمەن قۇتتىقتاپ، سالانىڭ جانە جالپى ەكونوميكانىڭ دامۋىنا قوسقان ۇلەستەرىن اتاپ ءوتتى.
- «قازاقستان-2050» ستراتەگياسىندا مەملەكەت باسشىسى قازاقستان يادرولىق قارۋدى تاراتپاۋ رەجىمىن ىلگەرىلەتۋدەگى جاۋاپتى ساياساتىنىڭ ناتيجەسىندە وسى سالادا كوشباسشى جانە باسقا مەملەكەتتەرگە ۇلگى بولىپ تابىلاتىندىعىن اتاپ ءوتتى. قازىرگى ۋاقىتتا قازاقستان اتوم ەنەرگياسىن بەيبىت ماقساتتا پايدالانۋدى بەلسەندى دامىتىپ كەلەدى، – دەدى قۇتتىقتاۋ سوزىندە
ق. بوزىمباەۆ.
سونداي-اق مينيسترلىك باسشىسى قازاقستاننىڭ اتوم سالاسىنىڭ دامۋ تاريحىنا توقتالىپ، وسى جىلى 1942 جىلعى 28 قىركۇيەكتەگى «ۋران بويىنشا جۇمىستاردى ۇيىمداستىرۋ تۋرالى» كسرو مەملەكەتتىك قورعانىس كوميتەتى وكىمىنىڭ شىققانىنا 75 جىل تولعاندىعىن اتاپ كورسەتتى.
ق. بوزىمباەۆ قازاقستان تابيعي ۋراندى ءوندىرۋ بويىنشا الەمدە الدىڭعى تۇعىردا تۇرعاندىعىن ايتتى. الايدا، ءمينيستردىڭ ايتۋىنشا، قازاقستان تابيعي ۋراندى ءوندىرۋ مەن جەتكىزۋگە عانا ەمەس، جوعارى قايتا وڭدەلگەن، قوسىلعان قۇنى جوعارى ۋران ءونىمىن شىعارۋعا جانە وتكىزۋگە مۇددەلى. مەنشىكتى رەسۋرستىق بازاسىن ماكسيمالدى تۇردە پايدالاناتىن يادرولىق وتىندى شىعارۋدىڭ تولىق تسيكلىن قۇرۋ اتوم ونەركاسىبىندەگى باسىم باعىت بولىپ تابىلادى.
ق. بوزىمباەۆ ەكسپو-2017 كورمەسىنىڭ شەڭبەرىندە ITER ەكسپەريمەنتالدىق تەرمويادرولىق رەاكتورىنىڭ جوباسى جونىندەگى حالىقارالىق ۇيىم مەن «قازاقستان رەسپۋبليكاسى ۇلتتىق يادرولىق ورتالىعى» رمك اراسىندا ىنتىماقتاستىق تۋرالى كەلىسىمگە قول قويىلعاندىعىن حابارلادى. ITER جوباسى ادامزاتتى باسقارىلاتىن تەرمويادرولىق سينتەز نەگىزىندە ونەركاسىپتىك ماسشتابتا ەنەرگيانى الۋعا جاقىنداتادى.
رەسمي بولىمنەن سوڭ اتوم سالاسىنىڭ دامۋىنا ايتارلىقتاي ۇلەس قوسقان قر ەم اتوم ەنەرگەتيكاسى جانە ونەركاسىبى دەپارتامەنتىنىڭ، اتومدىق جانە ەنەرگەتيكالىق قاداعالاۋ مەن باقىلاۋ كوميتەتىنىڭ، سونداي-اق ۆەدومستۆولىق باعىنىستى ۇيىمداردىڭ ۇزدىك قىزمەتكەرلەرىن «ەڭبەك ارداگەرى» مەدالىمەن، «اتوم سالاسىنىڭ ۇزدىگى» توسبەلگىلەرىمەن، قازاقستان رەسپۋبليكاسى ەنەرگەتيكا ءمينيسترىنىڭ قۇرمەت گراموتالارىمەن جانە العىس حاتتارىمەن ماراپاتتاۋ ءراسىمى ءوتتى. وسى جىلى ۆەدومستۆو باسشىسى 59 ادامعا جوعارى اتاق بەرىپ، ءىلتيپات ءبىلدىردى.
قر ەم ءباسپاسوز قىزمەتى
پىكىر قالدىرۋ