Qazaqstan men Qıtay kelissözde QHR aumağında twratın etnikalıq qazaqtardıñ jağdayı turalı mäsele boldı.
kerey.kz
Qazaqstan Respublikasınıñ Sırtqı ister ministri Beybit Atamqwlov Qıtay Halıq Respublikasına resmi saparmen keldi. Sapar barısında sırtqı sayasi vedomstvonıñ basşısı QHR Memlekettik keñesiniñ müşesi, Sırtqı ister ministri Van Imen eki jaqtı kelissözder jürgizdi.
Taraptar Qazaqstan-Qıtay sayasi, sauda-ekonomikalıq jäne mädeni-gumanitarlıq salalardağı ıntımaqtastığın odan äri damıtudıñ özekti mäselelerin talqıladı jäne halıqaralıq kün tärtibindegi mäselelerdiñ keñ auqımı boyınşa pikir almastı.
Qazaqstandağı işki sayasi özgerister ayasında B.Atamqwlov qıtay tarapına eldiñ sırtqı sayasatınıñ özgermeytindigi jäne halıqaralıq mindettemelerin orındau turalı habardar etti. «Biz jan-jaqtı strategiyalıq seriktestiktiñ jaña kezeñiniñ qarım-qatınastarın nığaytuğa jäne tereñdetuge degen mindettemelerimizdi rastaymız», – dedi QR SİM basşısı. Sonımen birge ol «Qazaqstan men Qıtay arasındağı qarım-qatınas özara wtımdı jäne tiimdi ıntımaqtastıqtıñ ülgisi bolıp tabıladı» dep atap ötti.
Öz kezeginde Qıtay tarapı Qazaqstan Respublikasınıñ Twñğış Prezidenti – Elbası Nwrswltan Nazarbaevtıñ Qazaqstan-Qıtay jan-jaqtı strategiyalıq seriktestigin ornatudağı, «Beldeu jäne jol» bastamasın birlesip qwrudağı ıntımaqtastıqtı tereñdetu boyınşa tarihi rölin joğarı bağaladı.
Kelissözder barısında eki el arasındağı öñiraralıq jäne şekara mañındağı seriktestik formattarında, sonday-aq önerkäsiptik jäne investiciyalıq salada, ekonomikanı cifrlandıru jäne tehnologiyalıq jañğırtu salada praktikalıq ıntımaqtastıqqa erekşe nazar audarıldı. «Jibek jolınıñ ekonomikalıq beldeui» bastamasın «Nwrlı jol» Jaña ekonomikalıq sayasatımen jäne Euraziyalıq ekonomikalıq odaqtıñ integraciyalıq bağdarlamalarımen tiimdi wştastıruğa ülken nazar audarıladı.
Sonımen qatar, Qazaqstan men QHR sırtqı sayasi vedomstvolarınıñ basşıları BWW, Şanhay ıntımaqtastıq wyımı, Aziyadağı özara ıqpaldastıq jäne senim şaraları keñesi jäne t.b. halıqaralıq wyımdar jäne integraciyalıq birlestikter ayasındağı ıntımaqtastıq, Ortalıq Aziyadağı twraqtılıq pen qauipsizdikti qamtamasız etu mäselelerin qarastırıp, transşekaralıq su resurstarınıñ mäseleleri jöninde pikir almastı.
Kelissözderdiñ jeke böligi retinde QHR aumağında twratın etnikalıq qazaqtardıñ jağdayı turalı mäsele boldı. Eki eldiñ SİM arasındağı jwmıs baylanıstarı arqılı tuındaytın mäselelerdi şeşuge özara müddelilik atap ötilip, konsuldıq qızmetterdiñ jwmısın jandandıru turalı uağdalastıqqa qol jetkizildi.
Kelissözder qorıtındısı boyınşa Qazaqstan men Qıtay sırtqı sayasi vedomstvoları arasında 2020-2022 jıldarğa arnalğan Intımaqtastıq turalı memorandumğa qol qoyıldı.
Sol küni Qazaqstan SİM basşısı QHR Kommerciya ministri Çjun Şan'men kelissözder jürgizip, sauda-ekonomikalıq özara ıqpaldastıq mäselelerin talqıladı. Qıtay tarapı QR SİM-niñ investiciyalardı tartu jäne eksporttı jıljıtudı üylestiru jönindegi memlekettik sayasattı iske asıru salasındağı jaña funkciyaları men ökilettikterimen tanıstı.
Qıtay Qazaqstannıñ iri sırtqı sauda seriktesi bolıp tabıladı. Soñğı jıldarı elderimiz arasındağı sauda kölemi aytarlıqtay arttı. Osığan baylanıstı sauda salasın keñeytu, sauda qwrılımın oñtaylandıru, sauda auqımın wlğaytu, sonday-aq ekijaqtı saudadağı joğarı tehnologiyalıq önimderdiñ ülesin arttıru mäselelerin retteytin Qazaqstan men Qıtay arasındağı sauda qatınastarın jandandıru jönindegi Jol kartasın äzirleu wsınıldı.
Sapar ayasında Ministr B. Atamqwlov Beyjiñniñ ortalıq parkindegi qazaq jazuşısı Abay Qwnanbaevtıñ eskertkişine gül şoqtarın qoyıp, qıtaylıq müsinşi YUan' Sikun'di «QR Täuelsizdigine 25 jıl» medalimen marapattau räsimine qatıstı.
KAZAQSTAN RESPUBLIKASI
SIRTQI İSTER MINISTRLİGİ baspa söz qızmeti
SIRTQI İSTER MINISTRLİGİ baspa söz qızmeti
Pikir qaldıru