|  |  | 

Жаңалықтар Саясат

“Мектептегі төбелестен шықты”. Пенжімде не болды?

Алматы облысында қазақтар мен ұйғырлар тұратын Пенжім ауылында мектеп оқушыларының жанжалы ересектердің қатысуымен тәртіпсіздікке ұласқан деген ақпарат әлеуметтік желіде тарады. Мектептегі төбелесте басына зақым келген жасөспірімнің жағдайы ауыр дейді дәрігерлер. Ал түнгі тәртіпсіздік барысында зардап шеккен тағы бір адам ауруханаға түскен. Полиция екі қылмыстық іс қозғалғанын хабарлады. Билік “Пенжімде ұлтаралық қақтығыс болған жоқ” деп сендіргісі келеді.

“ТҮНГІ ТӘРТІПСІЗДІК”

Алматы облысы Панфилов ауданы әкімі Талғат Өмірәлиев сәрсенбі күні Пенжім ауылында болған оқиға “ұлтаралық қақтығыс емес, өзара келіспей қалған екі оқушының төбелесінен шыққан түсініспеушілік” дейді. Бұл туралы аудан әкімі 28 қазанда Пенжім ауылына барған Азаттық тілшісіне айтты.

Панфилов ауданы әкімі Талғат Өмірәлиев. Алматы облысы, Пенжім ауылы, 28 қазан 2021 ж.

Панфилов ауданы әкімі Талғат Өмірәлиев. Алматы облысы, Пенжім ауылы, 28 қазан 2021 ж.

– Ол (жанжал) неден шықты? Розыбакиев атындағы мектепте балалар төбелесіп қалып, бір бала ауруханаға түскен. Жарақат алған, бала аман-есен. Бүгін кіріп шықтым. Бас дәрігерді көрдік. Аяқ-қолы сау, сөзі дұрыс, түнде операция жасады. Басынан жарақаттанған. Гематоманы алып тастады. Баланың өзімен сөйлескен кезде “жағдайым жақсы, бәрі дұрыс” деді. Сол үшін түнде жастар ұлттық мәселені көтеріп жиналған. Бұл жерде ұлттық мәселенің еш қатысы жоқ. Облыс әкімінің тапсырмасымен штаб құрылды, – деді Талғат Өмірәлиев.

Әкім өткен түні Пенжім ауылында полицияның көшеге топ болып жиналған жастарды тарқатқанын айтты.

Өмірәлиевтің сөзінше, Пенжімдегі тәртіпсіздіктер кезінде 53 жастағы тағы бір адам зардап шеккен. “Жастардың лақтырған тасы басына тиіп, жарақат алған. Қазір ауруханада жатыр, жағдайы қалыпты, дәрігерлер көмектескен” деген әкімнің сөзін берген Tengrinews сайты.

Қытаймен шекарадан 15 шақырымдай жердегі Пенжім (ұйғырша “бас ауыл” деген мағынада) ауылдық округінде 12 мыңнан астам адам, соның ішінде 7 мыңнан аса қазақ, 5 мыңға жуық ұйғыр тұрады.

Пенжім ауылында 5 мыңнан астам адам тұрып жатыр, жергілікті халық негізінен егіншілікпен айналысады, жүгері өсіреді деді бейсенбі күні ауыл тұрғындарының бірі Азаттық тілшісіне.

Облыстық полиция департаменті сәрсенбінің кешінде 30 шақты адам жиналып, Пенжімдегі бірнеше үй мен көліктің терезесін сындырғанын хабарлады.

“27 қазанда сағат 20:00-да 102 қызметіне Пенжім ауылында мектеп оқушылары арасындағы төбелеске қатысқандардың бірі тұратын үйдің жанына 30 шақты адам жиналғаны туралы ақпарат түсті. Топ адам бірнеше жеке тұрғын үй мен бірнеше көлік құралының терезесін сындырған. Бұл факті бойынша Қылмыстық кодекстің 293-бабы 2-бөлігі (“Топтасып жасалған бұзақылық”) бойынша іс қозғалды” деп жазылған бейсенбіде полиция департаменті баспасөз қызметі таратқан ақпаратта.

Бұға қоса полиция сәрсенбінің кешінде Пенжім ауылындағы жеке меншік үй өртенгені туралы хабар түскенін, ол жерге полиция өкілдері мен төтенше жағдай қызметкерлері барғанын хабарлады.

“Үй иесі әйелдің айтуынша, өртке пештегі ақау себеп болған. Сағат 23:30 кезінде өрт сөндірілді. Ешкім зардап шекпеген. Бұл өрттің болған оқиғаға қатысы жоқ” деген облыстық полиция департаменті жалған ақпарат таратқандарға қылмыстық жауапкершілік артылатынын ескерткен.

Бейсенбіге қараған түні әлеуметтік желіде тараған, “Пенжім ауылындағы жағдай” деп сипатталған бірнеше видеода түн мезгілінде көшеде топтасып айқайлап, әлдебір нысанаға кесек лақтырып жүрген адамдар, өртеніп жатқан ғимараттар, дабыл қосып, асығыс кетіп бара жатқан полиция көлігі көрсетілген.

МЕКТЕПТЕГІ ТӨБЕЛЕС, ЗАРДАП ШЕККЕН ОҚУШЫ

Сәрсенбі күні Пенжім мектебінде оқушылар арасында болған төбелес кезінде зардап шеккен 16 жастағы жасөспірімнің жағдайы ауыр. Бұл туралы 28 қазанда Алматы облыстық денсаулық сақтау басқармасы хабарлаған. Ол қазір Панфилов аудандық көпсалалы ауруханада жатыр.

“Басынан жарақат алған науқастың жалпы жағдайы ауыр. Бас сүйегі жарылған, миына қатты зақым келген, оң жақ самайында жарақат бар, 2-3-дәрежелі травматикалық шок алған. Есін біледі” деп хабарлады басқарма.

28 қазанға қараған түні әлеуметтік желі мен мессенжерде “Пенжім ауылындағы мектеп оқушылары арасындағы жанжал” деп сипатталған видео тараған еді.

Күндіз көпқабатты мектептің ішінен түсірілгенге ұқсайтын видеода ғимарат ауласында бір топ жасөспірімнің төбелесіп жатқаны, бір сәтте әлгілердің бірі сұлқ түсіп жерде жатып қалғаны, оған өзге оқушылар мен ересек адамдардың жәрдем көрсетуге тырысып жатқаны көрінеді.

Бейсенбі күні Алматы облыстық полициясы Пенжім мектебіндегі төбелеске байланысты іс қозғалғанын хабарлады.

“Тексеру барысында 9-шы және 10-сыныптың екі шәкірті тәжікелесіп, оның аяғы топты оқушының төбелесіне ұласқаны және оның салдарынан жасөспірімнің зардап шеккені белгілі болды. Аталған факті бойынша Қылмыстық кодекстің 106-бабының 2-бөлігі (“Денсаулыққа қасақана ауыр зиян келтiру”) бойынша қылмыстық іс тіркелді, жанжалға қатысушылардың барлығы анықталды” деп жазылған полиция таратқан ақпаратта.

Алматы облысы Панфилов ауданы Пенжім ауылының кіреберісі. 28 қазан 2021 жыл.

Алматы облысы Панфилов ауданы Пенжім ауылының кіреберісі. 28 қазан 2021 жыл.

Баспасөз қызметі облыстық полиция департаменті басшысы, Панфилов ауданы әкімі мен ауыл ақсақалдарының “Пенжімде жергілікті халықпен кездесіп, түсінік жұмысы жүргізілгенін” айтады.

Полиция Пенжім ауылы мен көрші елдімекендерге күзет қойған.

Билікті қолдайтын Қазақстан халқы ассамблеясының ресми өкілі Майя Бекбаева бейсенбі күні Пенжім ауылындағы оқиғаға байланысты пікір білдірді. “Ауыл тұрғындары арасында, этносаралық қандай да бір жанжал, әсіресе қақтығыс жоқ екендігін және оған жол берілмейтіндігін ерекше атап өткім келеді. Жергілікті тұрғындар – қазақтар да, ұйғырлар да көп жыл бірге тұрады, бір-бірімен дос әрі көрші, барлығы шын жүректен бейбітшілік пен тыныштықты қалайды” деп жазды ол Facebook парақшасына.

Парламент депутаттары Пенжімдегі жанжал жайлы не дейді?

"Шетелде, елде іріткі салып отырғандар бар". Депутаттар Пенжімдегі жанжал жайлы не дейді?
00

ПЕНЖІМДЕГІ ЖИЫН, КІЛТ ҮЗІЛГЕН ТІКЕЛЕЙ ЭФИР

Бейсенбі күні Азаттық тілшілері оқиға болған Пенжім ауылына барды. Сағат 12:00-де ауылдағы мәдениет үйінде Панфилов ауданы әкімі Талғат Өмірәлиев, аудандық полиция бөлімінің бастығы Жандос Қалиев және Алматы облысы әкімінің орынбасары Батыржан Байжұманов жергілікті халықпен кездесті.

Залда отырғандардың бірі Азаттық тілшісіне кеше болған жайт осы ауылдағы “бірінші оқиға емес” екенін айтып келе жатыр еді, дәл сол сәтте жиналыс басталып кетіп, әлгі адам көкейіндегісін толық айтып үлгермеді.

Пенжім ауылында болған төтенше оқиға талқыланған жиында сөз алғандар ондаған жылдан бері қазақ пен ұйғыр бірге тұрып келе жатқан ауылда татулықты сақтау, өзара сыйластық пен құрмет танытуға шақырып сөйледі.

Ауыл тұрғындары мұндай жайттың “бұрын да болғанын”, қазіргі “жастар басқадай тәрбие алып, бөлектенуді” шығарғанын айтып, билікті ішкі саясатта осы мәселелерге жіті назар аударға үндеді.

Сонымен бірге “шаңыраққа қарау”, “тұрып жатқан елді сыйлау” деген сияқты сөздер де айтылды. Бәзбіреулер ондай сөзді қолпаштап қол соқты, алайда келіспегендер де болды. Өз пікірін көптің алдында айтпақ болған кейбіреуге сөз тимей қалды. Ауыл тұрғындарын ауызбіршілікке шақыруды мақсат тұтқан жиында айтылған әңгіменің ауанынан Пенжімде аса күрделі ахуал қалыптасқаны байқалды.

Азаттық тілшілері көкейкесті мәселеге байланысты түрлі пікірдегі ауыл адамдарының барлығына микрофон ұсынып, ой-тілегін білмек болған. Бірақ мәдениет үйінде өтіп жатқан жиыннан Азаттықтың тікелей трансляциясы кенет сағат 13:30 кезінде интернеттегі бұғаттау салдарынан үзіліп қалды.

Related Articles

  • “Лидерлері көрегендік танытпағанда, бірінші құрбан Қазақстан болуы мүмкін еді”

    Ресейлік саяси қайраткер, “Ұлттық саясат институты” халықаралық қауымдастығының басқарма мүшесі Андрей Пионтковский Қазақ елін жанжалшыл алпауытқа жем болудан не құтқарып қалғанын айтты. – ПМЭФ-2022-дегі атышулы мәлімдемесінен кейін Президент Қасым-Жомарт Тоқаев Катар экономикалық форумына қатысып, онда Ресей Қазақстанның сенімді одақтасы болып қала беретінін жеткізді. Петерборда Мәскеудің солақай саясатын қолдамайтынын мәлімдеген соң Тоқаев Путинмен қайта кездесіп, келіссөз жүргізіпті. Осы орайда қазақстандық оппозиция және бірқатар шетелдік сарапшылар Қазақстан Президентінің “демаршын” Мәскеудің көзбояушы, құйтұрқы “многоходовкасы” деп түсіндіре бастады. Жария түрде қолдамағанымен, жасырын көмек көрсетпек-мыс…  – Мұндай конспирологияға негіз жоқ. Өйткені Қазақстан унитарлы мемлекеттерді өзге алпауыттардың бөлшектеуін объективті түрде қолдай алмайды. Кремль Украинаның орыстілді облыстарын бөліп алып, одан квазиреспубликалар құруға тырысуда. Мұндай сорақылықты қолдаса, Қазақстанның

  • “Қысым көрсету құралы”. Тоқаев Ресей ұсынған АЭС-ті салуға неге асықты?

    Елена ВЕБЕР Балқаш көлі жағасында орналасқан Үлкен ауылындағы қаңырап тұрған ғимараттар. Алматы облысы, 13 сәуір 2019 жыл. Балқашқа атом электр станциясын (АЭС) салудан қандай қауіп бар? Ресейден ядролық технология сатып алу Қазақстанды Мәскеуге “байлап қоятыны” рас па? Қазақстан билігі қауіпті нысанның құрылысына рұқсат бермес бұрын халықтың пікірін неге сұрамады? Азаттық бұл тақырыпта KEGOC корпорациясының бұрынғы басшысы, энергетика және экономика саласының сарапшысы Әсет Наурызбаевпен сөйлесті. “КҮН ЭНЕРГИЯСЫНЫҢ БАҒАСЫ – 14 ТЕҢГЕ, АТОМ ЭНЕРГИЯСЫ – 60 ТЕҢГЕ. ТИІМДІСІ ҚАЙСЫ?” Азаттық: Жақында Қасым-Жомарт Тоқаев шетелдік инвесторлар кеңесінің жиынында Қазақстан АЭС салынатын жерді белгілеп, технология таңдап жатқанын, құрылыс жұмыстары келер жылы басталатынын айтты. Президенттің бұл мәлімдемесі асығыс жасалған жоқ па? Әсет Наурызбаев. Әсет Наурызбаев: Президент энергетика саласының маманы емес.

  • Қазақ тілін техникалық тілге айналдыруға мемлекет тарапынан қойылып жатқан кедергілер жөнінде

    ҚР Индустрия және инфрақұрылымдық даму министрлігі – МИИР РК Құрылыс және тұрғын үй-коммуналдық шаруашылық істері комитеті үш жылдан бері қазақ тіліне ауыса алмай келеді. Quanysh Ádilhanuly тарапынан мың хат жазылған. Оған «қарастырамыз, саралаймыз, ойластырамыз, пилоттық қылып жасаймыз» деген мың жауап келді. Бірақ мәселе сонымен шешілмей қалды. Әңгіме мемлекет тарапынан қаржыландыратын құрылыс жобаларының (ПСД) қазақ тілінде жасалуы туралы болып отыр. Қазір оның барлығы тек бір тілде – орысша жасалады. Себеп – тапсырыс беруші тарапынан ондай талап жоқ. Бір қызығы, жобаны жасау үшін қажетті Қазақстан Республикасының Құрылыс нормалары, Құрылыс Ережелері және басқа да мемлекеттік стандарттар мен техникалық талаптардың, нормативті-техникалық құжаттардың толық қазақша нұсқасы бар. Қазақ тілді инженерлер мен басқа да техникалық мамандар

  • Ресейдің қазіргі сыртқы саясаты “айтқанымды орындамасаңдар, күшпен орындатамын”

    Ресейдің қазіргі сыртқы саясаты “айтқанымды орындамасаңдар, күшпен орындатамын” дегенге саяды. Еуродақ санкциясы бойынша Литва Ресейдің Калининградқа баратын темір жолын кесіп тастады. Енді Ресей мынадай 5 түрлі амалдың бірімен, немесе бірнешеуімен Литваға соққы беруі мүмкін. 1) Ресей Литваның тәуелсіздігін мойындаудан бас тартады. Ресей бірден басып кірмесе де, бұл Литва үшін қай-қашанғы сыртқы қауіпке айналып, үздіксіз үрей туғызады. 2) Литваның шекара сызығын мойындамау. Бұл жаңа соғысқа себеп болуы мүмкін. 3) Литваның Клайпеда қаласын басып алу. Бұл деген жаңа соғыс деген сөз. 4) Польша мен Литва территориясынан Калининградқа баратын 100 км-лік Сувалк коридорын ашу. Бұл деген жаңа соғыс деген сөз. 5) Литваға Ресейден баратын газ бен мұнайды үзіп тастау. Ресейге жол беру Ресей

  • Тоқаевтың мәлімдемесінен кейін Қазақстан мен Ресей қатынасы қалай өрбімек?

    Рид СТЭНДИШ Санкт-Петербургтегі халықаралық экономика форумы төріне шығып келе жатқан Қазақстан президенті Қасым-Жомарт Тоқаев (оң жақта) пен Ресей президенті Владимир Путин. 17 маусым 2022 жыл. Қазақстан президенті Қасым-Жомарт Тоқаев Санкт-Петербург экономика форумында Мәскеуді қолдамайтынын білдірді. Бұл Украинадағы соғыстан соң Орталық Азиядағы жағдайдың өзгергенін көрсететіндей. Қазақстанда биылғы Қаңтар оқиғасы кезіндегі наразылық жаппай тәртіпсіздікке ұласып, билігіне қауіп төнген соң президент Қасым-Жомарт Тоқаев Ресейдің көмегіне жүгінген еді. Содан бері жұрт Ресей әскерін елге кіргізген президент Қазақстан тәуелсіздігін құрбандыққа шалып, Мәскеуге қарыздар болып қалды деп айтып жүрді. Бірақ Ресей әскері Украинаға басып кіргеннен кейін төрт ай өткенде Тоқаев бұл ойды жоққа шығарды. Ол Ресей президенті Владимир Путинмен Санкт-Петербург халықаралық экономика форумына қатысып, Кремльді қолдамайтынын айтты. Ресей

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: