Жүгіртпелер
 |  |  |  |  |  | 

Жаңалықтар Мәдениет Руханият Саясат Қазақ шежіресі

Үкімет: Қазақ тілін білмейтіндерге Қазақстан азаматтығы берілмейді

<span>kerey.kz</span>kerey.kz
 |  Nov 8, 2022
Премьер-министр Әлихан Смайылов

Премьер-министр Әлихан Смайылов

Үкімет “Қазақстан Республикасының азаматтығы туралы”заңға өзгеріс мәселесін қарастырып жатыр. Бұл өзгеріс бойынша, мемлекеттік тілді, мемлекет тарихы мен негізгі заңдарын білмеу – Қазақстан азаматтығын беруден бас тартуға не азаматтығын қалпына келтіруден бас тартуға қосымша негіз бола алады. Бұл туралы премьер-министр Әлихан Смайыловтың депутат сауалына жолдаған жауабына сілтеп, Kursiv.Media жазды.

Премьер жауабында бұл талап қос азаматтыққа жол бермеу үшін де енгізіліп отырғанын айтқан.

“Қазіргі заң бойынша Қазақстанда заңды негізде кемі бес жыл тұрақты өмір сүрген немесе Қазақстан азаматымен кемі үш жыл некеде тұрған, сондай-ақ Қазақстанда тұрақты тұру мақсатында келген және жақын туыстарының бірі Қазақстан азаматы болып саналатын бұрынғы одақтас республика азаматтарына Қазақстан азаматтығы беріледі” дейді премьер-министр.

Қазіргі қолданыстағы заңға сай, мына санаттағы адамар жеңіл ережемен азаматтық ала алады:

  • Қазақстанда заңды негізде тұрып жатқан қандастар (тұрған мерзіміне қарамастан);
  • Жаппай саяси қуғын-сүргін құрбаны ретінде ақталғандар мен олардың Қазақстанда заңды негізде тұрақты тұратын, еркінен тыс азаматтығынан айырылған ұрпақтары;
  • Елдің жоғары оқу орындарында оқитын этникалық қазақтар.

Мұндай жағдайда істі қарау мерзімі өтініш берілген күннен үш ай аспауға тиіс.

“Қолданыстағы заң бойынша Қазақстан азаматтығын қалпына келтіру мен беруден бас тартудың 14 негізі бар. Оның көбі заң бұзушылықпен байланысты, бірақ оның ішінде қазақ тілін білмегені үшін азаматтық берілмейді деген сөз жоқ еді” дейді басылым.

Биыл сәуір айында сенат төрағасы Мәулен Әшімбаев қысқа мерзімге келетін шетелдіктерге мемлекеттік тілді білу міндеті емес, ал ұзақ тұрғысы келетіндер мемлекеттік тілді білуі тиіс деген еді.

Қазақстан азаматтығы мен мемлекеттік тілді дамыту мәселесі Ресейдегі мобилизацияға байланысты биыл қыкүйекте Ресейден Қазақстанға қашып келгендер күрт көбейген тұста қоғамда айрықша талқыланған. Үкімет мәліметіне қарағанда, 21 қыркүйектен бері шетелдің 200 мың азаматынан ЖСН сұраған өтініш түскен. Шетел азаматтары мен заңды тұлғалары ЖСН алмаса Қазақстанның мемлекеттік органдарының қызметін пайдалана алмайды және банк операцияларын жүргізе алмайды.

Азат Еуропа / Азаттық радиосы

Related Articles

  • “Лукашенконың қалжыңы”. Тоқаев Ресей-Беларусь одағының Қазақстанға қажеті жоғын айтты

    <span>kerey.kz</span>kerey.kz

    Қазақстан президенті Қасым-Жомарт Тоқаев пен Беларусь президенті Александр Лукашенко. Ақорда Қазақстан президенті Қасым-Жомарт Тоқаевтың “ядролық қару да ортақ болу үшін” Қазақстанды Ресей мен Беларусьтің одағына қосылуға шақырған Александр Лукашенконың сөзіне байланысты пікірін жариялады. “Оның қалжыңын лайықты бағаладым. Менің ойымша, одаққа қажеттілік жоқ, өйткені өзге де интеграциялық құрылымдар, соның ішінде Еуразия экономика одағы бар. Ядролық қаруға келетін болсақ, бізге оның қажеті жоқ. Өйткені Ядролық қаруды таратпау туралы келісімге және Ядролық сынаққа тыйым салу туралы келісімге қол қойғанбыз. Біз осы халықаралық құжаттар бойынша алған міндеттемелерімізге берік боп қала береміз”, – деді Тоқаев. Тоқаев бұл сөзді бүгін Солтүстік Қазақстан облысына барып, фермерлермен кездескен кезінде айтқан. Бұған дейін Беларусь президенті Александр Лукашенко Ресей телеарнасының “Москва.

  • Ninety One тобы ЮНИСЕФ-тің ізгі ниет елшілері атанды

    <span>kerey.kz</span>kerey.kz

    Азаттық радиосы Ninety One тобының мүшелері мен ЮНИСЕФ өкілдері баспасөз мәслихатында. Алматы, 16 мамыр, 2023 жыл. Q-pop жанрында ән салатын Ninety One тобы БҰҰ Балалар қорының (ЮНИСЕФ) Қазақстандағы ізгі ниет елшілері атанды. Бүгін, 16 мамырда Алматыда өткен баспасөз мәслихатында ЮНИСЕФ-тің Қазақстандағы өкілі Артур ван Дизен топ мүшелеріне осындай сертификат тапсырды. Топ мүшелері қормен бірге балалар құқығын қорғауға күш салмақ. – Ninety One тобы ұсынысымызды қабыл алғаны – біз үшін үлкен мәртебе. Қазақстандағы балалардың ең өзекті мәселелеріне назар аудартуда топтың таланты мен танымалдығы өте маңызды рөл атқарады. Қазір бірлескен маңызды іс-шара бойынша жұмыс істеп жатырмыз. Жақында Ninety One тобын UNICEF Talks-та (жастар конференциясы – ред.) көретін боласыздар, – деді ЮНИСЕФ-тің Қазақстандағы өкілі

  • Киелі 2030, Кувейт және 100 миллиард доллар. Жеті жыл күтетін қазақ тағдыры

    <span>kerey.kz</span>kerey.kz

    Айбар Олжаев Сіз сенбесеңіз де, қазіргі фактілерге қарап, «Қазақстан-2030» стратегиясының орындалатынын аңғаруға болады. Көбіміз білмеуіміз мүмкін, бірақ ол тәуелсіз Қазақстанның алғашқы стратегиясы. 1997 жылы қабылданған. Артынан оны Назарбаевтың өзі ұмыттырып, жауып тастап, архивке аттандырып жіберген болатын. Бірақ одан кейін қабылданған, керемет делінген жүзден аса бағдарламалар, жобалар орындалмады да, дәл осы стратегия ғана өз мақсатына 100 пайыз жететін сияқты. Мерейтойлы, әдемі және дөңгелек цифр болғандықтан стратегия авторлары 2030 деп шамалап қоя салғаны түсінікті. «Жақсының айтқаны емес, жаманның сандырағы келеді» дегендей, бір қызығы, дәл осы 2030 жылға көп нәрсе байланып тұр. Порталға қатысы барлар қазақтың болашағына қатысты Мәшһүр Жүсіп теориясын алға тартуы мүмкін, онымен дауласпаймын. Бірақ 2030 жылдан кейін көп нәрсенің өзгереріне

  • Украинаға гуманитарлық көмек көрсеткен Қазақстан халқына рахмет!

    <span>kerey.kz</span>kerey.kz

    2023 жылдың 11 сәуірінде Украинаның Қазақстан Республикасындағы Елшілігінің көмегімен Украинаға гуманитарлық жүк көлігі тағы бір 29-шы жүк көлігі жөнелтілді. Қажетті азық-түлік, гигиеналық заттардан басқа, 24 генератор, қуатты генератор (165 кВт) жіберілді, ол Харьков қаласындағы ауруханаға ауыстырылып, орн Бір жылдан астам уақыт бойы Украинаны қолдауды жалғастырып, гуманитарлық көмек жинаумен қатар, қайырымдылық акцияларын өткізіп келе жатқан Қазақстан халқына, бизнес үйірмелеріне, гуманитарлық қолдау штабының еріктілеріне және “Посылка” қайырымдылық қорына шынайы алғыс. Иә, екі ай бойы еріктілер Наурыз мерекесіне орай Қоржын шарасын ұйымдастырып, жүзеге асырды. Украинаға гуманитарлық көмек көрсеткен Қазақстан халқына рахмет! Украинаның Қазақстандағы Елшілігі / Посольство України в Казахстані 

  • Сыртқы істер министрлігі Украинадағы соғыс туралы: Қазақстанның өз ұстанымы бар

    <span>kerey.kz</span>kerey.kz

    The building of the Ministry of Foreign Affairs of Kazakhstan in Astana. Photo from the website of the MFA of the RK Қазақстан сыртқы істер министрінің орынбасары Роман Василенко немістің Deutsche Welle басылымына берген сұхбатында Қазақстанның сыртқы саясаты туралы айта келе, “республика Ресейдің де, АҚШ-тың да, Қытайдың да көзқарасын ұстанбайды” деп мәлімдеп, Қазақстанның көпвекторлы саясаттан айнымайтынын атап өткен. Оның сөзінше, Қазақстан Украинадағы жағдайға байланысты ұстанымын нақты белгілеп алған. “Ол – мемлекеттердің аумақтық тұтастығы құрметтелуге тиіс деп көрсетілген БҰҰ жарғысы. Оның ішінде, әрине, Украина да бар. Бұл ұстаным барлық серіктесімізге түсінікті. Біз Ресейдің де, АҚШ-тың да, Қытайдың да ұстанымын алға шығармаймыз. Біз Қазақстаның ұстанымындамыз, сыртқы саясатымыздың негізінде өзіміздің ұлттық мүддеміз жатыр”

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: