قازاقستان لەوناردو دي كاپريونى EXPO-2017 كورمەسىنە شاقىرۋعا نيەتتى
قازاقستاندا اكتەر لەوناردو دي كاپريونى EXPO-2017 حالىقارالىق كورمەسىنە شاقىرۋ جونىندەگى كەلىسسوزدەر جۇرگىزۋ باستالادى. بۇل تۋرالى Tengrinews.kz تىلشىسىنە “جاسىل ەكونوميكا” ءۇشىن جانە G-Global-دى دامىتۋ كواليتسياسىنىڭ” جەتەكشىسى سالتانات راحىمبەكوۆا ايتىپ بەردى.
وسىعان دەيىن ول “استانا EXPO-2017″ ۇق باسقارۋشى ديرەكتورى قىزمەتىن اتقارعان. “(…) لەوناردو دي كاپريو عالامشارىمىزدىڭ ەكولوگيالىق جاعدايىن جاقسارۋ بويىندا ەرەن ەڭبەك ەتىپ جاتىر. (…) ارينە، ءبىز ولارعا شاقىرتۋ جىبەرەمىز (بۇۇ ەلشىلەرىنە – اۆت.), دي كاپريونى شاقىرامىز، ول كليمات پروبلەمالارى جونىندەگى ەلشى عوي، ول ءبىزدىڭ شاراعا كەلۋگە مىندەتتى”، – دەگەن ەدى ول.
“بۇل قوعامدىق ۇيىم، ونىڭ قالاي قابىلداي ما، كەلىسىم بەرە مە – بۇل ماسەلە. بىراق ءبىز بۇل ىسپەن اينالىسامىز، ونىڭ سونداي تانىمال اكتەر بولعانى ءۇشىن ەمەس، وسى ماسەلەدە كاسىبي تۇردە اينالىسىپ جۇرگەن ەلشىلەردىڭ ءبىرى ءارى ول كەلە الادى. 22 ساۋىردە نيۋ-يوركتە كليمات بويىنشا پاريج تاريحي كەلىسىمىنە قول قويۋ ءراسىمى وتەدى. مۇندا كليماتتى وزگەرتۋ بويىنشا جاڭا مىندەتتەمەلەرگە قول قويىلادى. شاراعا كليماتتىڭ وزگەرۋىنە بەي-جاي قاراي المايتىن قوعام قايراتكەرلەرى، تانىمال ادامدار قاتىسادى. سودان كەيىن دي كاپريومەن كەلىسسوزدەر جۇرگىزۋ باستالادى”، – دەدى راحىمبەكوۆا.
سونىمەن قاتار، ولار بيزنەسمەن ءارى نيۋ-يوركتىڭ 108-ءشى مەرى مايكل بلۋمبەرگتى دە شاقىرۋدى كوزدەپ وتىر. ء“بىزدىڭ كورمە ءۇشىن ول قاجەتتى ادام”، – دەدى ول.
ايتا كەتەيىك، 29 اقپاندا لەوناردو دي كاپريو “وسكار” جۇلدەسىن العان بولاتىن. سىيلىقتى الىپ تۇرىپ سويلەگەن سوزىندە ول كليماتتىڭ وزگەرۋى ماسەلەسىن ايتقان ەدى.
“2015 جىل ادامزات تاريحىندا وتە ىستىق جىل بولدى، مۇنى بارلىعىمىز دا سەزدىك. ءبىزدىڭ ءتۇسىرىلىم توبىمىز قار تابۋ ءۇشىن عالامشاردىڭ ەڭ وڭتۇستىگىندەگى نۇكتەسىنە باردى. كليماتتىڭ وزگەرىپ جاتقانى شىندىق، بۇل ءدال قازىر بولىپ جاتىر. بۇل ادامزاتتىڭ الدىندا تۇرعان ەڭ زور قاۋىپ، ءبىز بىرگە جۇمىس ىستەۋىمىز كەرەك. قورشاعان ورتانى لاستايتىن كومپانيانىڭ اتىنان ەمەس، ادامزاتتىڭ، جەر بەتىندەگى نەگىزگى حالىقتاردىڭ، ميللياردتاعان ادامداردىڭ، بالالارىمىزدىڭ جانە ساياسي قىزعانشاقتىقتىڭ كەسىرىنەن ءۇنى وشىرىلگەن ادامداردىڭ اتىنان سويلەيتىن ليدەرلەرگە الەم بويىنشا قولداۋ ءبىلدىرۋىمىز كەرەك. مەن بۇگىن وسى ەرەكشە سىيلىق ءۇشىن العىس ايتامىن. بۇل عالامشاردى وزدىگىنەن دامىپ جاتىر دەپ قابىلدامايىق. مەن وسى ءبىر كەشتى بولۋى ءتيىس بولعاندىقتان ءوتىپ جاتىر دەپ ويلامايمىن”، – دەگەن ەدى ول.
tengrinews.kz
پىكىر قالدىرۋ