Qazaqstannıñ auası eñ qattı lastanğan qalalarınıñ tizimi jasaldı
Astana, Almatı, Taldıqorğan jäne Türkistan auası eñ joğarı deñgeyde lastanğan qalalardıñ tizimine kirdi, – dep habarlaydı Tengrinews.kztilşisi Igraphickz mälimetine silteme jasap. Keltirilgen mälimetterge säykes, Astanada auanı negizinen kükirt dioksidi lastaydı eken, ol qoñır kömir men mazuttı jağatın jıluelektrostanciyalardıñ jwmısınıñ, kükirti bar mwnay önimderin jäne kükirti bar rudalardan metall alu jwmıstarınıñ nätijesinde bölinedi.
Al Almatıdağı auada azot dioksidi bar, ol öte joğarı temperaturada otınnıñ januı men otteginiñ şekten asuınan payda boladı. Ol negizinen avtomobil'den şığatın gaz ben JES qaldığınan, sonımen qatar qattı qaldıqtardıñ jäne gazdıñ januınan şığadı eken.
Zertteu mälimetinşe, Taldıqorğannıñ auasında RM-10 bölşekteri men kükirtti sutek bar. Olar qazbalı jäne özge de otınnıñ januınan şığadı. Kükirtti sutek organikalıq zattardıñ ıdırauınan şığıp, kommunaldıq-twrmıstıq şaruaşılıq añın sularında, metallurgiyalıq, himiyalıq, cellyulozdıq-qağaz, bılğarı zauıttarında boladı. Al Türkistannıñ auasında RM-10 bölşekteri tirkelgen.
Pavlodar oblısındağı Aqsu qalasınıñ auası eñ taza bolıp sanaladı. Bwl eldi mekende lastauşı koncentraciyalıq zattardıñ şegi birde-bir ret bwzılmaptı.
Infografikada 2016 jıldıñ qañtar ayı boyınşa zertteudiñ nätijesi körsetilgen.
Infografika: © Igraphickz
Sonımen qatar, auası qattı lastanğan qalalardıñ tizimi wsınıldı: Stepnogorsk, Öskemen, Qostanay, Pavlodar, Temirtau, Qarağandı jäne Glubokoe auılı. Auası joğarı deñgeyde lastanğan qalalar: Saran, Taraz, Şımkent, Oral, Petropavl, Jañatas, Şu, Aktöbe, Balhaş, Qaratau, Semey, Jezqazğan, Atırau, auıldar: Aqay, Qarabalıq, Qorday, YAnvarcevo jäne Beyneu. Auasınıñ lastanu deñgeyi tömen qalalar: Aqsu, Ridder, Qızılorda, Jañaözen, Ekibastwz, Kentau, Rudnıy, Qwlsarı, Kökşetau, Aqtau, auıldardan: Sarıbwlaq, Töretam, Berezovka, “Burabay” jäne Şuçinsk-Borovsk kurort aymağı.
tengrinews.kz
Pikir qaldıru