جاڭالىقتار زۋقا باتىر 150 جىل قازاق حاندىعىنا 550 جىل ادەبي الەم
«تۇعىرى بيىك ماڭگىلىك ەل» اتتى تاۋەلسىزدىكتىڭ 25 جىلدىعىن اتاپ ءوتۋ جانە زۋقا باتىردىڭ 150 جىلدىق مەرەيتويىنا ارنالعان وبلىستىق اقىندار ايتىسى وتەدى
ۇلتتىق ونەردىڭ اياسىن كەڭەيتۋ، تالانت يەلەرىن ىزدەپ تابۋ، اقىندىق ونەرگە باۋلي وتىرا، عاسىرلار بويى بابالار ارمانىمەن، ەرلىك ىستەرىمەن، تاۋەلسىزدىك جىلدارىندا قول جەتكىزگەن قۇندىلىقتاردى دارىپتەپ، مەملەكەتتىلىكتى نىعايتىپ، جاس ۇرپاقتى وتان سۇيگىشتىككە، ۇلتجاندىلىققا تاربيەلەي وتىرا، ەلدەگى حالىقتار دوستىعىن، بەرەكە-بىرلىكتى جانە ساياسي تۇراقتىلىقتى دارىپتەۋ، ەلىمىزدىڭ الەم الدىنداعى ابىروي-بەدەلىن اسقاقتاتا كورسەتۋ. ەل تاۋەلسىزدىگىن جالىندى جىرلار، تەرەڭ تەڭەۋلەر، اسەم اۋەندەر ارقىلى جان-جاقتى جىرلاۋ. زۋقا بابامىزدىڭ رۋحىن قاستەرلەپ، ءتول ونەردىڭ ماڭگىلىك عۇمىرى جايلى ءداستۇر جالعاسىن ساقتاي وتىرىپ، ۇرپاقتان-ۇرپاققا كەڭىنەن ناسيحاتتاۋ.
ۇيىمداستىرۋشىلار
الماتى وبلىسىنىڭ جاستار ساياساتى ماسەلەلەرى باسقارماسى، الماتى وبلىسى مادەنيەت، مۇراعاتتار جانە قۇجاتتاما باسقارماسى، «زۋقا باتىر» قوعامدىق قورى، وبلىستىق جاستار رەسۋرستىق ورتالىعى، «جاسىل ەل» جاستار ەڭبەك جاساقتارىنىڭ رەسپۋبليكالىق شتابى الماتى وبلىستىق فيليالى، «الاش ۇلانى» جاستار قوعامدىق بىرلەستىگى.
وتكىزىلۋ ورنى مەن مەرزىمى
بايقاۋ تالدىقورعان قالاسى، ءى.جانسۇگىروۆ اتىنداعى مادەنيەت سارايىندا 2016 جىلعى 24 ءساۋىر كۇنى ساعات 14.00-دە وتكىزىلەدى. تىركەۋ ساعات 09.10. تىركەۋگە قاتىسپاعان قاتىسۋشىلار ايتىسقا جىبەرىلمەيدى.
kerey.kz

پىكىر قالدىرۋ