كەلىسسوز اۋەلدە 18 ساۋىرگە جوسپارلانعان ەدى. بىراق حۋسيتتەر دەلەگاتسياسى كۋۆەيتكە كەلە الماعاندىقتان ول كەيىنگە قالدىرىلعان. بۇۇ حۋسيتتەر مەن ولاردى قولدايتىن بۇرىنعى پرەزيدەنت ءالي ابدۋللا سالەحتىڭ دەلەگاتسياسى 20 ساۋىردە ومان استاناسى مۋسراتتان كۋۆەيتكە ۇشىپ كەتكەنىن راستادى.

يەمەندە 10 ساۋىردە قاقتىعىستى توقتاتۋ تۋرالى ءبىتىم كۇشىنە ەنگەن. بىراق ەكى جاق تا ءبىر-ءبىرىن ءبىتىمدى بۇزىپ، وق اتتى دەپ ايىپتايدى.

حۋسيت كوتەرىلىسشىلەرى يەمەن استاناسى مەن ەلدىڭ ءبىراز بولىگىن باسىپ العان ساۋد ارابياسى مەن پارسى شىعاناعىنداعى اراب ەلدەرى 2015 جىلى ناۋرىزدا حۋسيت كوتەرىلىسشىلەرىنە قارسى اۋە شابۋىلدارىن باستاعان.

بۇۇ دەرەگىنشە، قاقتىعىستان 6 مىڭ 400-دەن استام ادام قازا تاۋىپ، 2,8 ميلليون ادام ۇيلەرىن تاستاپ قاشۋعا ءماجبۇر بولعان.

ازاتتىق راديوسى