Төртінші толқын басталды. Бұл ғасырда құндылық жинағандар қатарынан озады.
Бұл пост бір ақ адамға арнап жазылған. Оқымастан, қарамастан бірден өтіп кете салсаңыз еш өкінбейсіз. Yelzat Yeskendir бері қара. Саған бола салып отырмын. Есіңде ме, француз ғалымы Фрэнсис Ришар «Төртінші толқын басталды. Бұл ғасырда құндылық жинағандар қатарынан озады. Атаңнан қалған киелі не бар еді үйіңде, енді соны жинайсыңдар. Өткен дәуірдің рухымен тілдесуді үйреніңдер» деген еді ғой. Сол айтқандай болды кеше. Яғни елдің болашағы үшін осылай да күресуге болады. Егер үйіңде тұтынатын құндылығың болмаса, бұл елді, жерді сақтап қалудың не мәнісі бар? Қай жерде тоқ жүрсең де бәрібір емес пе? Сонымен әңгіме былай. Әкеміз 85 жасында бес жыл бұрын пәниден бақиға аттанып еді. Артында қалған майда-шүйде мүліктерін бала-шағасы тәбәрік деп алған ғой. Сол кезде бір пысықтау ағам менің алдымды орап кетіп, әкемнің сандығында 60 жыл сақтаған көне домбырасын иеленіп алыпты. (Тарта алмаса да) Сол домбыраны шеберге беріп, қақпағын ауыстырып, тиегін жаңалып, пернелерін тақтырып, шоколад қылып қойыпты. Бұл енді шамамен 1930 – шы жылдары жасалған аспап қой. Жарықтықтың даусы шежірені 30-шы жалдардан бері қарай тарқатады ғой. Бұл өзі – 32-нің аштығын да көрген нағыз көнекөз жәдігер! Қазақша тарихи кино көрсең Құрманғазының өзі заводтан кеше ғана шыққан, су жаңа модерн домбырамен күйді төгіп отырады. Ой, бір нервің ойнайды сосын. «Мынау кино ма әлде балалардың ойына ма?» деп мазаң қашып отырады. «Сонда бұларда қолдан жасалған ескі домбыра жоқ па?» деп кино біткенше жының кеп отырады. Елзат, егер алда-жалда кино түсіріп жатсаң сенде ондай проблема болмайды. Оригинал домбырамен супер фильм түсіріп, Оскарды жұлып түсуге болады. Жоқ дегенде «Ең оригинал аспабы үшін» деген номинацияны ойланбай аласың. Бұл көне жәдігер жүз жыл бұрын жасалса да шертпеге де төкпеге жарап тұр. Сенбесең тыңдап көрші. Менің шертісімдегі шалыс қағыстар мен қате фаршлактарға назар аудармай- ақ қой. Просто, аспап ұстамағалы біраз болып еді, қолым шығып қапты. Егер сен сияқты уақытым болып, екі апта отыратын болсам жанын шығарам ғой.
Санжар Керімбай facebook парақшасынан алынған
Пікір қалдыру