ءتورتىنشى تولقىن باستالدى. بۇل عاسىردا قۇندىلىق جيناعاندار قاتارىنان وزادى.
kerey.kz
بۇل پوست ءبىر اق ادامعا ارناپ جازىلعان. وقىماستان، قاراماستان بىردەن ءوتىپ كەتە سالساڭىز ەش وكىنبەيسىز. Yelzat Yeskendir بەرى قارا. ساعان بولا سالىپ وتىرمىن. ەسىڭدە مە، فرانتسۋز عالىمى فرەنسيس ريشار «ءتورتىنشى تولقىن باستالدى. بۇل عاسىردا قۇندىلىق جيناعاندار قاتارىنان وزادى. اتاڭنان قالعان كيەلى نە بار ەدى ۇيىڭدە، ەندى سونى جينايسىڭدار. وتكەن ءداۋىردىڭ رۋحىمەن تىلدەسۋدى ۇيرەنىڭدەر» دەگەن ەدى عوي. سول ايتقانداي بولدى كەشە. ياعني ەلدىڭ بولاشاعى ءۇشىن وسىلاي دا كۇرەسۋگە بولادى. ەگەر ءۇيىڭدە تۇتىناتىن قۇندىلىعىڭ بولماسا، بۇل ەلدى، جەردى ساقتاپ قالۋدىڭ نە ءمانىسى بار؟ قاي جەردە توق جۇرسەڭ دە ءبارىبىر ەمەس پە؟ سونىمەن اڭگىمە بىلاي. اكەمىز 85 جاسىندا بەس جىل بۇرىن پانيدەن باقيعا اتتانىپ ەدى. ارتىندا قالعان مايدا-شۇيدە مۇلىكتەرىن بالا-شاعاسى تابارىك دەپ العان عوي. سول كەزدە ءبىر پىسىقتاۋ اعام مەنىڭ الدىمدى وراپ كەتىپ، اكەمنىڭ ساندىعىندا 60 جىل ساقتاعان كونە دومبىراسىن يەلەنىپ الىپتى. (تارتا الماسا دا) سول دومبىرانى شەبەرگە بەرىپ، قاقپاعىن اۋىستىرىپ، تيەگىن جاڭالىپ، پەرنەلەرىن تاقتىرىپ، شوكولاد قىلىپ قويىپتى. بۇل ەندى شامامەن 1930 – شى جىلدارى جاسالعان اسپاپ قوي. جارىقتىقتىڭ داۋسى شەجىرەنى 30-شى جالداردان بەرى قاراي تارقاتادى عوي. بۇل ءوزى – 32-ءنىڭ اشتىعىن دا كورگەن ناعىز كونەكوز جادىگەر! قازاقشا تاريحي كينو كورسەڭ قۇرمانعازىنىڭ ءوزى زاۆودتان كەشە عانا شىققان، سۋ جاڭا مودەرن دومبىرامەن كۇيدى توگىپ وتىرادى. وي، ءبىر نەرۆىڭ وينايدى سوسىن. «مىناۋ كينو ما الدە بالالاردىڭ ويىنا ما؟» دەپ مازاڭ قاشىپ وتىرادى. «سوندا بۇلاردا قولدان جاسالعان ەسكى دومبىرا جوق پا؟» دەپ كينو بىتكەنشە جىنىڭ كەپ وتىرادى. ەلزات، ەگەر الدا-جالدا كينو ءتۇسىرىپ جاتساڭ سەندە ونداي پروبلەما بولمايدى. وريگينال دومبىرامەن سۋپەر فيلم ءتۇسىرىپ، وسكاردى جۇلىپ تۇسۋگە بولادى. جوق دەگەندە «ەڭ وريگينال اسپابى ءۇشىن» دەگەن نوميناتسيانى ويلانباي الاسىڭ. بۇل كونە جادىگەر ءجۇز جىل بۇرىن جاسالسا دا شەرتپەگە دە توكپەگە جاراپ تۇر. سەنبەسەڭ تىڭداپ كورشى. مەنىڭ شەرتىسىمدەگى شالىس قاعىستار مەن قاتە فارشلاكتارعا نازار اۋدارماي- اق قوي. پروستو، اسپاپ ۇستاماعالى ءبىراز بولىپ ەدى، قولىم شىعىپ قاپتى. ەگەر سەن سياقتى ۋاقىتىم بولىپ، ەكى اپتا وتىراتىن بولسام جانىن شىعارام عوي.
سانجار كەرىمباي facebook پاراقشاسىنان الىنعان
پىكىر قالدىرۋ