الماتىدا «يۋبيلەينىي» سۋپەرماركەتى ورتەندى
توتەنشە وقيعا بولعان جەرگە ورتكە قارسى كۇرەس قىزمەتىنىڭ بىرنەشە توبى اپارىلعان. «ساعات 5.23 كەزىندە ءورت وشاعىندا بولعان جارىلىستان لاپ بەرگەن جالىن اسەرىنەن تۇرعىن ءۇيدىڭ ءبىرىنشى قاباتىنان التىنشى قاباتىنا دەيىنگى ارالىقتاعى بالكونداردىڭ قاپتاماسى جانا باستاعان. 7 ادام قۇتقارىلىپ، تۇرعىن ۇيدەن 120 ادام (اراسىندا ءۇش بالا بار) ەۆاكۋاتسيالانعان. ءيىس تيگەن ءبىر ادام اۋرۋحاناعا جەتكىزىلگەن» دەپ حابارلايدى توتەنشە جاعدايلار دەپارتامەنتى ءباسپاسوز قىزمەتى.
ءورتتى سوندىرۋگە جەكە قۇرامداعى 115 ادام جانە 21 تەحنيكا جۇمىلدىرىلعان. تاڭەرتەڭگى ساعات التى جارىم كەزىندە سوندىرىلگەن ءورتتىڭ اۋماعى 1100 شارشى مەتردى قۇراعان. ءورتتىڭ شىعۋىنا نە سەبەپ بولعانى انىقتالىپ جاتىر دەپ حابارلايدى توتەنشە جاعدايلار قىزمەتى.
ازات ەۋروپا / ازاتتىق راديوسى
پىكىر قالدىرۋ