Qaraqat jarı Qıdıräliniñ tuğan künine toqal sıylaytının ayttı
Bügin tanımal prodyuser äri änşi Qıdıräli Bolmanovtıñ tuğan küni. Öner ieleri änşini tuğan künimen qwttıqtauların keşeden bastap ketti dep habarlaydı NUR.KZ.
QARAQAT PEN QIDIRÄLİ
Tuğan kün iesiniñ jarı Qaraqat öz qwttıqtauın erekşe jetkizip, toqal alıp beruge kelisimin berdi.
«Men jalpı önerde de, ömirde de jolı bolğan adammın… Öz baqıtımdı maqtanu üşin emes, sezimniñ qwnı ketken zamanda keyingige ülgi bolsın dep aytamın… Ras, meniñ erim ülgi twtuğa layıq azamat! Onıñ qazaq mädenietine siñirgen eñbegin, wltına degen mahabbatın, otbasına degen adaldığın, mağan degen qwrmetin, balalarına degen ıqılasın sözben jetkizu mümkin emes… Alla bwyırtıp 11 jasımda Almatığa keldim….Alğaş ret 18 jasımda ğaşık boldım…3-4 jıl birge jürip bir aram piğıl körsetken emes….Söytip jürip mahabbat äleminiñ esigin aşqızıp, özine ğaşık qılğan nağız Er azamatqa tän ör minez, eşkimge wqsamaytın özine ğana tän bolmısı, tektiligi edi …Şınayı sezimmen qosıldıq, otbası, oşaq qası üşin jaralğan äyelsiñ, üyde otır dese de köner edim, biraq jwrttıñ aldına şığuğa layıqsıñ dep jarqıratıp alıp şıqtı… Qayda barsa da qasınan bir eli tastamay Qaqatım dep erkeletuden bir jalıqqan emes… Qıdekeñ ösek-ayañnan qaşanda biik boldı, qanattığa qaqtırmay, twmsıqtığa şoqtırmay qorğap, qoldap keledi… Dünieniñ biz baspağan jeri joq, talay törde qonaq boldım, jarımnıñ ayalı alaqanında erkelep jürip tört balanı düniege äkeldim… Asıl azamatıma degen şeksiz qwrmetimdi jazıp jetkize almasım anıq…», – dep ömir jolında Qıdıräliden tek jaqsılıq körgenin bayandadı.
Qaraqat Äbildina erekşe sıy jasaytının da jasırmadı.
«Bügingi mereyli tuğan künine ne sıylasam eken, qalay quantsam eken, ırzalığımdı qalay bildirsem eken dep köp oylandım… Köp….Jalpı, jaqsı jar tabu Allanıñ eñ ülken nığmeti ğoy, al endi Qıdırday erdiñ erine jar boludı armandaytın boyjetkender az emes … Osı jağın eskere kele men azamatımnıñ altın basın qwrmettey otırıp, basımdı ie otırıp, Alla razılığı üşin ekinşi äyel alıp bergenim dwrıs bolar dep şeşip otırmın», – dep toqal sıylaytının bildirdi.
Sözin äri qaray «Keşegi Qwnanbaylar sekildi bir otbasın ğana emes, bir äulettiñ tipti bir kauımnıñ jügin köteretin sende qajır-qayrat jetkilikti… Sen bastağan tirliktiñ berekesiz ayaqtalğan kezi bolğan emes…», – dep jan jarına senimdilik tanıttı.
Oqırmandarı tusinbey qalğan şıgar degen oymen «Al'hamdulillah! Bizde bari jaqsı! Inşalla jaqsı boladı da… Tuğan küniñmen janım!», – dep oyın ayaqtadı Äbildina
Jeli qoldanuşıları bwl jañalıqqa qatıstı türli pikir bildirude. «Tuğan künge adam sıylasañız, bwl sensaciya», «Qıdıräli eki otbasını birge wstay alatınına öz basım senemin»,- dep qoldauşılar tabılsa, «Qaljıñdağanıñız ba?», «Birge qartayğanğa ne jetsin?»,- dep qarsılıq tanıtuşılar da joq emes.
nur.kz
Pikir qaldıru