Aqtöbedegi äskeri bölimge qarulı şabuıl jasaldı
Qazaqstan işki ister ministrliginiñ habarlauınşa, Aqtöbede bügin wlttıq gvardiyanıñ äskeri bölimine qarulı şabuıl saldarınan birneşe adam mert bolğan. Aqtöbede bwdan bes jıl bwrın Qazaqstandağı alğaşqı terakt jasalğan.
Jeksenbi küni Aqtöbede qarulı şabuıldar barısında jalpı sanı altı adam mert bolğanı turalı bwqaralıq aqparat qwraldarına Qazaqstan işki ister ministrliginiñ resmi ökili Almas Sädubaev habarladı.
Onıñ aytuınşa, mausımnıñ 5-i küni qaladağı «Pallada» attı qaru satatın dükenge şabuıl kezinde satuşı qaza tauıp, bir adam jaralanğan.
Bwdan soñ wlttıq gvardiya äskeri bölimi ornalasqan audandağı tağı bir qaru satatın dükenge şabuıl jasalğan. Qarulı şabuıl kezinde äskeri bölimniñ bir oficeri men kelisim-şart negizinde qızmet atqaratın bir adam qaza tauıp, 9 äskeri qızmetker jaralanğan.
– Şabuıl jasağandardıñ bireui qolğa tüsip, üşeui oqqa wştı, bireui jaralanğan. Birneşe qılmısker qorşauğa alındı, birneşeui iz jasırıp ülgerdi. Olardı izdestirip jatır, – dep habarladı Sädubaev.
İİM resmi ökili bwl oqiğağa dästürli emes dini ağım ökilderiniñ qatısı boluı mümkin degen boljam barın aytadı. Aqtöbe qalası boyınşa terrorizmge qarsı operaciya tärtibi jariyalanğan. Policiya twrğındarğa üyden şıqpauğa keñes berip, qırağı boluğa şaqıradı. Qazaqstannıñ batısındağı Aqtöbemen körşi Atırau oblısınıñ ortalığında da baqılau küşeytilgeni bayqaladı dep habarladı osı aymaqtan Azattıq tilşisi.
Jergilikti «Diapazon» basılımına kuägerlerdiñ aytuınşa, Aqtöbedegi atıs tüski sağat ekiniñ şamasında bastalğan. Belgisiz bireuler Aqtöbedegi añşı qaruın satatın dükendi tonağan. Sonımen birge, 24-30 jas şamasındağı er kisilerdiñ äskeri bölim mañında adamdardı kepilge alıp, qaladağı policiya bölimderiniñ birine şabuıl jasalğanı turalı beyresmi aqparat taradı.
Bwdan keyin qalada üş jerde – besinşi ıqşamaudan, filarmoniya mañı men «Pallada» añşı qaruın satatın düken janında arnayı operaciya jürip jatqanı turalı habarlar taradı. Aqtöbe oblıstıq işki ister departamenti ökilderi Azattıqqa bügingi bolıp jatqan oqiğağa baylanıstı aqparat beruden bas tarttı.
Äleumettik jeli qoldanuşıları Aqtöbedegi atıs turalı tüsirilgen suretter jäne videolarmen bölisip jatır. Keybir videolarda köşede qolına qaru wstağan adamdar, policiya köligi qasında jügirip jürgen äldekimder bayqaladı jäne qarudan atqanğa wqsaytın dıbıstar estiledi.
Bwdan bes jıl bwrın Aqtöbede Qazaqstandağı alğaşqı terrolıq akt jasalğan edi: 2011 jılı mamırdıñ 17-i küni Aqtöbe wlttıq qauipsizdik komiteti departamenti ğimaratında öz-özin jarıp jibergen 25 jastağı Rahımjan Maqatov esimdi azamat oqiğa ornında qaza tauıp, üş adam jaralanğan. Bwl oqiğadan keyin Qazaqstannıñ birneşe aymağında – Aqtöbe, Atırau, Astana, Almatı, Tarazda qarulı şabuıldar bolğan. 2012 jılı Qazaqstanda terrorizmge qarsı jürgizilgen birneşe operaciya barısında «terrorister» degen küdikke ilingenderdiñ köbi oqqa wşqan bolatın.
Azat Europa / Azattıq radiosı
Pikir qaldıru