Kz دومەندى سايتتار بىرەر ساعات كىدىرىستەن سوڭ قايتا اشىلدى
ماۋسىمنىڭ 17-ءسى تاڭەرتەڭنەن باستاپ بىرەر ساعات بويى قازاقستاندىق كوپتەگەن سايتتارعا كىرۋ قيىنداپ، قايتا اشىلدى. Kz دومەنىندەگى سايتتارعا حوستينگتىك قىزمەت ۇسىنىپ وتىرعان قازاقستاندىق “ينتەرنەت-كومپانيا PS” جشس-ءنىڭ قوعاممەن بايلانىس ءبولىمىنىڭ جەتەكشىسى ينەسسا شلاپاك كومپانيانىڭ Facebook-تاعى پاراقشاسىندا «جەلى قۇرىلعىلارىندا اقاۋ پايدا بولدى. ماسەلەنى شەشىپ جاتىرمىز. ءمان-جايىن جۇمىسىن قالپىنا كەلتىرگەن سوڭ حابارلايمىز» دەپ حابارلاعان.
اقپارات ءمينيسترى داۋرەن اباەۆ Facebook-تاعى پاراقشاسىندا:
«مينيسترلىككە بىرقاتار قازاقستاندىق سايتتاردىڭ جابىق بولىپ تۇرعانى تۋرالى اقپارات ءتۇستى. ماماندارىمىز دەرەۋ ماسەلەنى انىقتاۋعا كىرىستى. ءىرى Ps.kz حوستينگ كومپانياسىنىڭ مالىمەتتەر ورتالىعىندا اپات بولعانى انىقتالدى. قازىر قالپىنا كەلتىرۋ جۇمىستارى جۇرگىزىلىپ جاتىر» دەپ جازعان.
“ينتەرنەت-كومپانيا PS” – قازاقستاندىق سايتتارعا kz ايماعىندا حوستينگتىك قىزمەت ۇسىنىپ وتىرعان ءىرى ينتەرنەت كومپانيا.
ازاتتىق راديوسى
پىكىر قالدىرۋ