Jañalıqtar Zuqa batır 150 jıl Zuqa batır 150 jıl Twlğalar Qazaq handığına 550 jıl Ädebi älem
El ordamız Astanada «Täuelsizdik armanı jäne Zuqa batır» attı halıqaralıq ğılımi-teoriyalıq konferenciya ötti
kerey.kz
Astanadağı QR Qarulı Küşteriniñ Äskeri-tarihi muzeyinde, Altay qazaqtarın Alaş ideyasınıñ aynalasına biriktirip, wlt-azattıq köteriliske bastağan qaharman batırlarımızdıñ biri – Zuqa Säbitwlınıñ 150 jıldığı saltanattı türde atalıp ötildi. Öziniñ sanalı ğwmırın wltın bodandıqtan azat etuge arnap, osı jolda erlikpen qaza tapqan Zuqa batır Säbitwlınıñ 150 jıldıq merey toyınıñ Täuelsizdigimizdiñ 25 jıldığımen tüspa-tüs keluiniñ simvoldıq mäni bar.
İs-şara bastalar aldında är aymaqtan kelgen qonaqtar Astanadağı qorımda bolıp, Kenesarı sarbazdarı men alaş ardageri Smağwl Säduaqaswlı ruhına bağıştap qwran oqıtıp, dwğa bağıştadı. Zuqa batır Säbitwlına arnalğan derekti fil'm körsetildi, Zuqa batırdıñ ömirin zerttep jürgen jas darındı ğalımğa arnayı stipendiya tağayındau räsimi ötti, şığarmaşılıq bäyge jeñimpazdarı marapattaldı, Zuqa batır jöninde jazılğan kitaptardıñ tanıstırımı boldı, keşke batırdıñ wrpaqtarı Äziret Swltan meşitinde mereytoyğa qatısuşılarğa auız aştırdı.
Konferenciya jwmısına belgili ğalımdar, memleket qayratkerleri, jas tarihşılar (studentter, magistranttar, doktoranttar) jäne BAQ ökilderi qatıstı. Atap aytqanda, T. Mamaşev, S. Äbdirahmanov, J. Ospanov, D. Qamzabekwlı, Ğ. Esim, Q. Qaliasqarwlı, S. Negimov, T. Jwrtbay, P. Utepova, B. Äbdiğaliwlı, S. Aqqwlwlı, Z. Qabıldinov, B. Smağwl, Ö. Altın, Q. Şolpan, Q. Aydarhan, Ü. Qwrmanbay, B. Ahmetwlı, S. Mäken, S. Erğali, O. Jälelwlı, I. Ojay, T. Mamaşev, S. Eñsegenov, A. Tasbolatov, P. Lenskiy, K. Gültürik, Ö. Ozğanbaev, B. Ayağan, D. Kausılov, J. Jekibaeva jäne t.b.
Zuqa batır- 1866 jılı qazirgi Şığıs Qazaqstan oblısınıñ Zaysan audanında düniege kelgen. Zuqanıñ äkesi şığıs öñirine asa tanımal bolğan Säbit damolla. Arğı atası Nwrmwhammed abız. Tekti äuletten şıqqan batır babamız, orıs otarşıldığı men gomindañ qıtay ezgisine tap bolğan qazaq halqın azat etu jolında qaza tabadı. Biıl batır babamızdıñ tuğanına 150 jıl toldı.
Zuqa batır Säbitwlı – ömiri men küresi B. Kwsbeginniñ «Zuqa batır» romanı, Q. Şabdanwlınıñ «Pana» romanı, Bayahmet Jwmabaywlınıñ «Sağınış» romanı men B. Bämişwlınıñ «Zuqa batır» dastanına arqau bolğan, atağı altı alaştan asıp, Europağa jetken tarihi twlğa.
«Täuelsizdik armanı jäne Zuqa batır» attı halıqaralıq ğılımi-teoriyalıq konferenciyanıñ
QARARI
Qazaqstannıñ täuelsizdigin, äskeri tarihınıñ mañızın jäne sanalı ğwmırın wltın azat etuge arnap, osı jolda erlikpen qaza tapqan Zuqa Batır Säbitwlınıñ qayratkerligin halıqqa keñinen nasihattau maqsatında, konferenciyağa qatısuşılar tömendegidey qarar qabıldadı:
- «Qazpoşta» AQ Zuqa batır Säbitwlınıñ 150-jıldığına arnalğan poşta markasın şığarıp, onı tölem qwralı retinde paydalanu;
- QR Wlttıq bankine Zuqa Batır Säbitwlınıñ 150-jıldığına arnalğan mereytoylıq moneta şığaru;
- QR Bilim jäne ğılım ministrligine filosofiya doktorı (PhD) atağına izdenuşilerge Zuqa batır Säbitwlınıñ ömiri men qızmetin zertteuge bağıttalğan taqırıptar beru;
- Mektepke jäne JOO-na arnalğan oqulıq avtorlarına şeteldegi qandastarımızdıñ da wlt igiligi üşin atqarğan eñbekteri, atap aytqanda Zuqa batır Säbitwlı jaylı mälimet qosu;
- QR Ükimeti janındağı Respublikalıq onomastika komissiyasına Astana qalasında jäne elimizdiñ birqatar qalalarında köşelerge Zuqa Batır Säbitwlınıñ esimin beru;
- QR QK Äskeri-tarihi muzeyinde Zuqa Batır Säbitwlına arnalğan twraqtı arnayı ekspoziciya wyımdastıru;
- «Zuqa Batır Säbitwlı» qoğamdıq qorına – Zuqa Batır Säbitwlınıñ twlğasın jas wrpaq arasında nasihattauğa bağıttalğan, mektep oquşılarına arnalğan üş tilde qwjattarğa negizdelgen ğılımi-köpşilik kitap şığaru;
- «Zuqa Batır Säbitwlı» qoğamdıq qorına jäne Astana qalasınıñ äkimdigine Elordamız ben elimizdiñ birqatar qalalarında eskertkiş ornatu turalı
jazbaşa wsınıs engizsin.
Konferenciyanı wyımdastıruşılar men pikiralmasu alqasınıñ barlıq qatısuşıları osı wsınıstardıñ ayaqsız qalmaytınına jäne atalğan bağıttağı jwmıstardıñ birlesip atqarılatınına senim artadı.
Jwmabay Mädibaywlı
kerey.kz
Pikir qaldıru