|  | 

Көз қарас

Майғазиев: Өз қандастарымыздың ұрпақтарын өзекке тебетініміз өкінішті

Майғазиев: Өз қандастарымыздың ұрпақтарын өзекке тебетініміз өкінішті

Сәкен Майғазиевты жұрт әнші ретінде ғана емес, елінің өткеніне қарап, болашағы үшін алаңдайтын азамат ретінде жақсы көреді. Үнемі қоғамдық мәселелерге байланысты өз пікірін білдіріп жүретін ол шындықты ашық айтудан жасқанбайды. Бүгін әнші өзге елден оралып, алайда өз елінен пана яки дос таппаған қандастырымыздың жайын қозғады. Әнші Қытайдан, Моңғолиядан келген оралмандарды, сонымен қатар Шымкенттен келген отандастарын көргенде төбе шаштары тік тұрып, жатсынып, бөтенсінетін қазақстандықтарға өз пікірін жеткізді. Бұл туралы Stan.kz хабарлайды.

«АЛЛА бұйыртып, жаңа оқу жылы басталды. Жоғарғы оқу орнына түсіп, жан-жақтан жиналған жалынды жастар жақын танысып, пайдалы білім алуға бел буады. Танысудың сәті келгенде “Қытайдан, Моңғолиядан, Шымкенттен келдім” десе өне бойы өре түрегеліп, төбе шашы тік тұратын ОТАНДАСтарыммен ой бөліскелі отырмын. Алмас Аxметбекұлының “Егер 5 ҚАЗАҚ отырса соның ішіндегі біреуін жек көрсең, “Мен ҚАЗАҚты жақсы көрем” демей-ақ қой. Сен оны ҚАЗАҚ болғандығы үшін ғана жақсы көруің керек…” деген сөзіне риза болдым. Оралмандар туралы əңгіме айтылса, “сатқындар, қашқындар” деп кейіп, кеудедеден итеретін кейбір “көсемдеріміз” тарихқа көз тастаса екен», – деп бастады сөзін Майғазиев.

Хәкім Абайдың даналық сөздерін мысалға келтірген Майғазиев оралмандар үшін қатты алаңдаулы екенін білдірді. Одан бөлек, оралмандардан немесе шымкенттіктерден (Астананы) қызғану нағыз надан, білімсіз адамдардың ісі екендігін айтып өтті.

https://www.instagram.com/p/BKqIjTXBK6W/

“Мен ішпеген у бар ма?!” деп Абай атамыз айтқандай, ҚАЗАҚ көрмеген қорлық бар ма?! Ақтабан шұбырынды, Алқакөл сұлама, ашаршылық, саяси қуғын-сүргін… Бас сауғалап, ҚАЗАҒЫМның атын өшірмеймін, ұрпағымды аштан өлтірмеймін деп, бас ауған жаққа кеткен өз қандастарымыздың ұрпақтарын өзекке тебетініміз өкінішті. Олардың да бабалары ҚАЗАҚ xалқы үшін қасық қаны қалғанша күресті. Қала берді, қылышынан қан тамып тұрған Кеңес Үкіметі кезінде Ресей, Қытай, Моңғолия, Өзбекстан сияқты т.б шекаралас елдерімізге біраз жерлеріміз еніп кетті. Көршілес елдерімізде қаншама билеріміздің, батырларымыздың, бабаларымыздың сүйегі жатыр. Ең болмаса, әруақтарды құрметтейік.

“Қытайдан, Кәрістен, Француздан, Ағылшыннан қызғанбаған Астанаңды шымкенттіктен қызғанасың ба?” деп Бекболат ағамыз айтқандай, өз қандастарымыздан өз елімізді, өз жерімізді қызғанбайық, xалайық. Ол – санасыздық, білімсіздік, надандық. Шынтуайтына келгенде, ҚАЗАҚСТАНда туып-өсіп, суын ішіп, нанын жеп жүрсе де ана тілін, ділін, дінін білмейтін дүбәрәлардан гөрі салт-дәстүрімізді сақтаған оралмандарымның өлсе өлігі артық емес пе?! Өзге ұлт өкілдеріне күлкі болуды, өзімізді өзгенің табанының астына салып беруді доғарайық, достар. “Біріңді, ҚАЗАҚ, бірің дос, Көрмесең істің бәрі бос” деген xәкімнің қанатты сөзін ту етейік, ағайын. АЛЛА тағала ҚАЗАҚСТАНымыздың болашағын жарқын еткей. Құшақтадым!» – деп түйіндеді сөзін Майғазиев.

Сәкенді қолдаған желі қолданушылары: «Аллаға шүкір, осыны айтар ақыры бір қазақ шықты-ау ортаға», «Сәкен бауырымыздың қазақ ретінде өз ұлтының жыртысын жыртқаны дұрыс.Қазақтың қазағы….», «Осыны еститін құлақ, көрер көз болса екен», «Керемет! Асыл ер, ақылды азамат, өнегелі тұлға…», «Айтқаныңыздың бәрі дұрыс аға. Орыстың жазып берген тарихына сенгендер оралмандарды сатқын дейді», – деп жазды желі қолданушылары.

Qazaquni.kz

Related Articles

  • Герб ауыстыру мәселесі немесе «терістеу синдромы» қалай пайда болды?!

    Еліміздің гербін ауыстыру туралы Президенттің ұсынысы (о баста ұсыныс суретші-дизайнер мамандардан шыққан сияқты) тұтас қоғамда болмағанмен, әлеуметтік желілерде әжептәуір қарсылық тудырды. Бірақ, байыптап қарасақ, бұл қарсылықтың қазіргі гербтің қазақ үшін ерекше қастерлі немесе эстетикалық тұрғыдан мінсіз болуына еш қатысы жоқтығын аңғарасыз. Соңғы уақыттары, ауыр індетпен қатар келген қаңтар трагедиясынан бастап, халық айтарлықтай күйзеліске ұшырады. Қазақстанның еркінен тыс, соғысқа, басқа да себептерге байланысты болып жатқан экономикалық қиындық салдарынан халықтың әл-ауқаты төмендеді. Осының бәрі қазір қоғамда байқалып қалған «терістеу синдромына» түрткі болды. «Терістеу синдромы» – дұрысты да бұрысқа шығаратын, қандай бастамаға болсын қарсы реакция шақыратын құбылыс. Әлеуметтік психологияны зерттеушілердің пайымдауынша, осы құбылысты барынша күшейтіп тұрған фактор – әлеуметтік желілер. Яғни, алдағы уақытта

  • Үздік ойдың үзінділері

    Үздік ойдың үзінділері Арма әлеумет! Мен қазір таза академиялық ғылыми ортада жүрмін. Өзімнің неше жыл бойы жинаған білімімді, оқыған оқуымды, шетелдік тәжірибемді, интеллектуалды қарым-қабілетімді шынайы қолданатын қара шаңырақтың ішінде жүрмін. Алматының бәрінен бөлек мәдени ортасы ерекше ұнады. Алматы қала мен дала дейтін екі ұғымның түйіскен әдемі ортасы екен. Ойлап көрсем мен бақытты перезент, бағы жанған ұрпақ екенмін. Әкем тұрмыс пен жоқшылық, жалғыздықтың тауқыметін әбден тартып еш оқи алмадым, небәрі үш ай оқу оқыдым-, деп менің оқуымды бала күнімнен қадағалады, шапанымды сатсам да оқытам деп барын салды. Ал мектепте бақытты шәкірт болдым. Маған дәріс берген ұстаздарым кілең дарынды, қабілетті кісілер болды. Университетте және шетелде мен тіптен ерекше дарын иелеріне шәкірт болдым.

  • Самат Әбіш қалай “сүттен ақ, судан таза” болып шықты?

    Азаттық радиосы Саясаттанушы Досым Сәтпаев ҰҚК төрағасының бұрынғы бірінші орынбасары, экс-президент Нұрсұлтан Назарбаевтың немере інісі Самат Әбішке шыққан үкім “Қазақстандағы режим болашақты ойламайтынын көрсетті” дейді қазақстандық саясаттанушы Досым Сәтпаев. Сарапшының пайымдауынша, билеуші “элита” жеке істерімен және тасадағыкелісімдермен әуре болып жатқанда елде тағы бір жаңа әлеуметтік жарылысқа әкелуі мүмкін факторлар күшейіп келеді. СаясаттанушыРесей өзінің экономикалық мүдделері мен геосаяси жоспарларын кеңінен жүзеге асыру үшін Қазақстанның ішкі саясатына тікелей әсер етуге тырысып жатуы мүмкін деп те топшылайды. ПУТИН “ҚАУІПСІЗДІК КЕПІЛІ” МЕ? Азаттық: Сонымен ұзақ демалыс алдында осындай үлкен жаңалық жарияланды. Мейрам алдында, 19 наурызда қазақстандықтар мәжіліс депутатының постынан Самат Әбішке шыққан үкім жайлы білді. Мұның бәрінің байланысы бар ма әлде кездейсоқтық па? Досым Сәтпаев: Әңгімені бұл істің құпия

  • Христиан миссионерлерінің құмдағы іздері

    Орыны: Қашқар қ-сы; Жылы: 1933 ж; Аты-жөні: Қабыл Ахонд; Діні: христиан; Түсініктеме: Бұл жігіттің кейінгі есімі Қабыл Ахонд, христиан дінін қабылдаған алғашқы ұйғыр. Кейін діни сеніміне байланысты өлтірілген. Сурет еуропадағы миссионерлік музей архивінде сақтаулы. Аталған музейде жүздеген христиан ұйғыр өкілдерінің суреті сақталған. 1930 жылдары христиан ұйғырларына тұрғылықты мұсылмандар мен әкімшілік билік тарапынан қысым көрсетіле бастаған соң бір бөлімі миссионерлерге ілесіп еуропа елдеріне “һижраға” кетті. Алқисса Христиан әлемінің Қашқарияға баса мән беруі әсіресе Яқұп Бек мемлекеті кезеңінде жаңа мүмкіндіктерді қолға келтірді. 1860-70 жж. Қашқарияның Цин империясына байланысты көңіл күйін жақсы пайдаланған Христиан әлемі Үндістан мен Тибет арқылы Қашқарияға мәдени ықпалын жүргізе бастады. Олардың мақсаты бұл аймақты Ресей империясынан бұрын өз ықпалына

  • Демографиялық сараптама

    1-ші сурет қазақтар; Демографиялық ахуал 1949-2020 жж. аралығын салыстырмалы көрсеткен. 1949 жылға дейін, атап айтқанда коммунистік қытай үкіметі орнағанға дейін Шынжаң өлкесінің солтүстік бөлігінде қазақтар, оңтүстік бөлігі Қашқарияда ұйғырлар басым санды ұстады. 1951-54 жылдары ұлттық межелеу кезінде орталық үкімет құрған комиссия сараптамасы бойынша ұлттық автономиялық территорияны анықтау мына екі бағытта жүргізілді. Олар: БІРІНШІ, ұлттық автономияны межелеу бойынша оның атауын тұрақтандыру. Осы бойынша үш атау ұсынылды: *ШЫғыс Түркістан автономиялық федерациялық респубиликасы; *Ұйғырстан автономиялық респубиликасы; *Шынжаң автономиялы респубиликасы. ЕКІНШІ, автономияның әкімшілік тұрпатын анықтау; Осы бойынша: *Федерециялық тұрпат; *Автономиялық облыс және окург тұрпат; *Аймақ және аудан дәрежелі автономиялық окург тұрпаты. Межелеу комиссиясы аталған екі бағытта сараптама нәтижесін қорытындылады. Комиссия қорытындысы бойынша Шынжаң өлкесінің

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: