Çernogoriya “orıs wltşıldarınıñ töñkeris jasamaq bolğanın” mälimdedi
Çernogoriya biligi tergeu mälimetteri boyınşa, elde memlekettik töñkeris jasamaq bolğan, onıñ işinde NATO-ğa qosıludı jaqtaytın batısşıl basşını öltiru josparına “orıs wltşıldarınıñ” qatısı barın mälimdedi. Çernogoriya arnayı bas prokurorı Milivoye Katniçtiñ sözine qarağanda, prokurorlar “Reseyden şıqqan wltşıldar” 16 qazan – elde parlament saylauı ötetin küni parlamentke basıp kirip, prem'er-ministr Milo Djukanoviçti öltirudi oylastırğan qılmıstıq top qwrğan dep twjırğan.
Katniç astırtın äreketke Resey biliginiñ tike qatısı barı anıqtalmağanın, al küdiktiler atalğan josparı arqılı reseyşil koaliciyanı bilikke äkelmek bolğan. 16 qazanda Çernogoriyadağı saylau kezinde bilik 20 azamattı, onıñ işinde körşiles Serbiyanıñ arnayı maqsattağı jasağınıñ bwrınğı qolbasşısın twtqındağan. Olarğa prem'er-ministrdi öltirudi josparladı degen ayıp tağılğan.
Keybir aqparatqa qarağanda, Belgrad biligi Djukanoviçtiñ Serbiya territoriyasındağı jüris-twrısın baqılağan reseylik birneşe arnayı agentti elden şığarğan. 2015 jılı jeltoqsanda Çernogoriya NATO-ğa qosıluğa resmi şaqırtu alğan. Djukanoviç mamırda al'yansqa qosulı turalı hattamağa qol qoyğan.
Azat Europa / Azattıq radiosı
Pikir qaldıru